食代館 (MOKO新世紀廣場) (已結業)

同屋企人食左2間1間食西式意粉白汁磨菇意粉……個廚師有無病啊？成罐罐頭磨菇連水倒落去成碟意粉磨菇罐頭味，仲要苦嫁送左個羅宋湯，不如叫羅宋水算啦真心無心機做就咪做廚啦，我屋企自己整都無你整得咁難食啊around $50既垃圾，真係早知落返去食街邊茶記另1間台灣野，只能叫填肚，比一般茶記仲要差:(蚵仔煎搞到屋企煎反蛋，無味道個豬軟骨豆腐煲，熱就夠熱，咸左少少囉個湯我真係O哂嘴……其實我黎食台灣野，點解會上日式麵屎湯呢？around $60，你無比我負評既原因，只係因為你起碼放得落口…查看更多

喺旺角東放飯，自不然就會諗到MOKO Mall，其中foodcourt更加係唔少人嘅童年回憶！(我記得讀書生涯嘅我成日去foodcourt食飯，理由只得一個：窮) 今日難得行到嚟呢個平民食堂，就梗係要入去試返次foodcourt滋味喇。本身諗住早食飯會少啲人，點知一入到去就發現人頭湧湧，睇嚟foodcourt真係由一開門就已經多人幫襯啦喎。我環繞foodcourt一周之後，決定食上海料理，呢間食店門面相對普通，但因為我當下好想食口水雞，於是就揀咗佢喇！但係，食完之後我只可以講：大家可以唔使試......因為佢口水雞嘅味道得咸味、無應有嘅麻辣味；擔擔麵麵身太淋，好似一Pat麵糰咁......加上價錢唔係特別平($48/無野飲)。所以，喺有得揀嘅時候，建議大家食另一間餐廳好過。…查看更多

同朋友行旺角行到好攰，唯有喺旺角東站附近嘅MOKO入面食 dinner，食完再搭車返屋企🤣，唔講都唔知原來呢度有間食代館，見有間賣意粉幾平，就叫左黎食🤗～黑椒牛肉洋葱炒意粉朋友叫嘅呢個意粉黎先，我地一見到個份量都嚇左一跳，成個山咁多，好誇張😂！牛肉份量都唔少，我試左一啖，黑椒味適中，唔錯～👍吉列豬扒煙肉配蒜香意粉份量同樣好多，吉列豬扒好脆口😚，塊煙肉都好似炸過黎咁，略嫌有 d硬😅，配埋吉列豬扒一齊食，有少少油膩，不過味道都好食嘅😉～意粉軟硬適中，蒜香味濃，但可惜炒到較為乾身😂不過總括黎講，40幾50蚊嘅意粉比嘅份量咁多，其實已經好抵食😚！性價比都算高～…查看更多

想平食鐵板燒, food opera 就有一間. 呢度多款套餐任君選擇, 價錢相當相宜, 經濟實惠, 又可以食到熱辣辣嘅鐵板燒烹調美食。我最愛呢度嘅塔香雞扒套餐$72， 香煎雞扒加上香草給醬汁，惹味。套餐仲包括蒜蓉油麥菜，miso soup, 蝦仁炒蛋, 汽水同白飯。好夠飽，就算加一都係好抵食。…查看更多

蕃茄湯冰室 香煎雞扒炒滑蛋蕃茄濃湯通粉$48成個food court睇落去最抵食好似呢個餐🤩, 不過加飲品要成十蚊所以就冇加🤭🍜蕃茄通粉湯底真係幾濃而且有幾嚿蕃茄, 不過湯底偏甜, 通粉質地唔會太淋都ok🍽️雞扒新鮮炸起, 外皮脆, 肉嫩又有肉汁, 雞扒有驚喜🍳炒蛋份量都唔少, 炒得幾滑身, 而且蛋上面灑左少少香草, 有誠意整體$48有這個份量及質素, 响foodcourt黎講, 性價比算高👍, 不過如果加飲品唔使加成十蚊就更加好😂魚堅總評性價比 4👍(以5👍為滿分)…查看更多

行完花虛諗住food opera 有不同款食物所以入去食啦去咗間寫住正宗四川麻辣燙見佢酸菜魚d 樣都ok我地叫咗個麻辣雞煲套餐其實係得一碗白飯咩都冇跟原來加錢飲品星期六日及假期唔包🙄真係一d 冇麻辣味都冇D 雞得四件好鞋👎🏻👎🏻菜就大把薯仔好硬好彩買咗一個者其他都冇興趣試真係食m 記好過好彩有coupon 唔係就勁唔抵食…查看更多

疫情關係都係外賣咁我唯有去新世紀廣場喇佢個food court真係任君選擇新世紀廣場食代館，食乜嘢菜應有盡有，對於特別鍾意食蕃茄朋友嚟講，都係有個好消息，我就係番茄迷啦🤩🤩，我係好鍾意好鍾意食蕃茄㗎，🍅蕃茄湯冰室🍅一定要食下佢個蕃茄湯底，好好味，食過係會返返轉頭嘅蕃茄湯底😋😋🤗🤗叫咗🍅蕃茄牛肉通粉，好多好多嘅牛肉，啖啖牛肉，簡直係冇得頂呀🤩🤩講到我都好激動好想即刻食蕃茄牛肉😋😋，食咗好幾次真係要出post先得今次環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️💗抵食指數🤩：❤️❤️❤️❤️❤️回頭指數🤩：❤️❤️❤️❤️❤️💗唔好介意我今次真係會比爆心，我真係好鍾意食蕃茄🤩🤩🤩…查看更多

由於疫情，呢排都成日去買外賣返屋企食，之前成日食嘅pepper lunch可以自己炒個飯食，而家夜晚6點後有店員幫你炒😋 其實都唔錯👍🏻黑椒牛肉炒飯原價$50 (晚市有85折，都係$42.5) 真係好抵👍🏻環境質素🏚：🟢🟢🟢🟢⚪️衛生程度🧽：🟢🟢🟢🟢⚪️美味程度😋：🟢🟢🟢🟢🟢抵食指數🤩：🟢🟢🟢🟢🟢回頭指數🤩：🟢🟢🟢🟢🟢小總結📝：呢排六點後，外賣自取有85折，唔係每一間都有，記得俾錢前問一下店員☺️…查看更多

呢排疫情唔可以堂食🥲，上次去開Moko行街，臨走前去咗食代館晚市買外賣，佢哋做緊新年優惠送咗啲coupon俾我地，所以今次下午茶可以用一張減$5，都幾抵😉！今次試咗佢哋嘅台灣美食😋，我就叫咗佢哋嘅鹽酥雞扒蚵仔🦪雞絲蝦仁🍤炒飯$54 ，已經配左個清湯同埋一碟菜比你🤤都幾抵食！性價比都算高！今次佢哋嘅鹽酥雞扒都炸得好香脆，個飯都炒得好香，不過雞絲就比較少😅 整體來講都唔錯☺️ 下次再試吓其他餐廳先😋…查看更多

行左一陣Moko口喝，想幫襯下Food court “Food Opera”嘅食店，去到sweet scoop, 點選左火龍果雪梨汁。枱面有兩個盤，一個放上新d無霉爛痕嘅雪梨，另一個係浸住水放有5、6個瘀黑霉爛嘅梨。職員一手夾起d霉黑嘅梨放入搾汁機內搾，連雪梨頂部都照搾，我見呢杯應該係搾比我，職員又拎起另一個爛雪梨準備放入搾汁機，我同職員講，你唔好用d爛嘅梨搾比我，跟住佢切左另一半爛嘅走，我話我肚屙返黎搵你，這刻職員才肯倒左原先果杯果汁，重新搾過比我。疫情肆虐，我以為所有人都會講究衛生。我唔明火龍果雪梨汁一杯$36，你用兩三個梨都係幾蚊，你都賺起碼廿蚊。點解可以咁無良心，用d壞嘅梨搾汁比客人飲！一定無下次，但都想比大家知呢間店有幾無良。…查看更多

諗住去moko嘅food court，食嘅嘢應該唔會好伏，但其實質素都只係一般般。叫咗檔台灣嘢食，呢個係鹽酥雞扒炒麵，配一碗湯。我都真係唔知呢碗係湯定係水，非常淡冇味道，湯入面都只係有一細粒紅蘿蔔，完全唔知飲緊乜落肚。呢個鹽酥雞好乾，肉質較柴，皮厚，雞又冇乜味道；麵又非常之油，又好似冇乜調味咁，完全唔覺得鹹，成個麵都唔係好好食。個food court都好多人，環境都比較迫，都唔係一個好理想嘅進食地點。…查看更多

砂鍋雲吞雞有意外驚喜，雲吞鮮味，肉質新鮮有肉味，很好吃。雞肉份量很多，還有些蔬菜，營養均衡，非常好！菜飯的菜略嫌份量少一點，如能增加蔬菜便更好！加上冷盤，有雲耳冷盤，很好吃。…查看更多

食代館永遠都係諗唔到食咩既時候既最好選擇😊一個food court入面有晒唔同選擇可以慢慢揀不過食飯時間moko既食代館如果想堂食都係好多人😅所以今次我就選擇左間上海野外賣🍱糖醋魚塊，配菜飯、例湯及小食（$48）糖醋魚塊好好食，唔知係米太耐冇食類似既野🤣酸酸甜甜好開胃😍而且魚肉亦算滑😋個餐好豐富，一個人食晒都超飽😛個飯菜飯唔係白飯，好有誠意👍例湯係冬瓜湯，而小食係雲耳青瓜📌食代館 (MOKO新世紀廣場)旺角太子道西193號MOKO新世紀廣場3樓346-356號舖…查看更多

係moko睇完戲又唔想食得太貴，係Moko行左好耐就最後入左食代館食依一間西式意粉。見佢餐牌88蚊就有焗豬手配意粉，作為豬手控既我，諗都唔洗諗決定食依一個豬手餐，我仲加左10蚊煙肉同炒蛋。落單之後大概等10分鐘左右就可以拎得，都算快。由圖片可以見到份量非常之大，適合大胃王食依一個餐。豬手亦都非常大份，焗出黎既皮都有脆既效果，味道有小小似瑞士汁既味道，唔係平時食既德國咸豬手既味道，不過真係太大份，所以成個餐都係食左一半就食唔哂，如果大胃王真係可以試一試。餐廳評分味道 ⭐⭐⭐環境⭐⭐⭐服務⭐⭐⭐衛生⭐⭐⭐抵食⭐⭐⭐…查看更多

今日收工因為要去火車站個邊交收，諗住係moko近近地食餐飯算喇，諗住food court應該好多位又好快手有得食，我上到去food court嗰度係好多位嘅，我就揀咗間叫做越泰嘅快餐店，睇佢出面嗰demo就好靚同埋好大碗嘅，食物方面就嗌咗個青咖哩雞同埋一個炸雞翼喇沙，個喇沙淨係食到啲好酸嘅味，唔係好食得個辣味而且湯底真係唔夠多配料甚至可以話沒最離譜嘅係個青咖哩雞，啲雞好似係用雞胸肉烚完之後溝落啲咖哩度，非常粗糙嘅質感，啲咖哩又好似開稀咗淨係得啲辣味，完全食到青咖哩嗰隻味道呀，我淨係覺得有少少辣椒味，真係唔個食緊咩…查看更多