顯徑餐廳 (已結業)

由細食佢食到大,呢間茶記水準一向良心,價錢合理,最愛常餐,午市飯餐35蚊有飯有湯有野飲真係呢個時世去邊到搵??仲有各種多士脆豬平均都係10蚊起,推介常餐,餐肉蛋多士配雪米,加埋杯凍飲都係30有找!良心小店

呢間餐廳每星期最少一次！真的絕頂了！！！！首先要介紹既係佢地既-脆豬 有4種款任你揀,本人最中意食既係奶醬脆豬,包脆不再講,奶醬多到不得了,多到漏晒落碟。包又夠大 夠脆,真係連貴價既翠華脆豬都唔及得上呢個$10既茶餐廳脆豬！第二要介紹既係佢既下午茶-乾炒牛河 夠獲氣！夠大碟！夠乾身！一個字 正！凍飲都係+$1,邊度搵！食個下午茶炒野加杯野飲都係$28 仲唔抵到爛？？？？？？各網友不妨試下！！！

顯俓餐廳這小店，已經開業好久，有二十幾年，好記得以前好暗吾係好衛生，現在已經好好，有改善，我特别鍾情早餐，次次吃早餐，却會想去它 $25有凍飲，抄蛋，兩片午餐肉，麵包，沙爹牛肉麵，都算平價，麵包好軟，抄蛋好滑，午餐肉一般，最愛是沙爹牛麵，牛肉有鮮味，汁是濃濃的，加上清湯麵，都算ok。

今日黎到少年時成日黎食o既餐廳(裝修後貴左就好少黎),叫了個特餐(豬扒薯條,雞絲麵,凍鮮奶)餐飲要鮮奶加一蚊total$23,(係大多茶餐廳d茶餐都係麵食+火腿奄列餐包咁,要豬扒薯條就要叫下午茶餐之類,導致e到的特餐成了一個較特別的存在)豬扒薯條:豬扒煎得好香,不過條邊有d肥(我唔好食肥),薯條厚版的比幼果D食好食多雞絲麵:料幾多,麵同湯都一般ok凍鮮奶:唔係到到有,而且只係加一蚊(抵)總結:23蚊咩都有,又算好食,仲想點~p.s.個麵唔只佢俾你選個3樣,係menu到有又一樣價錢就可以轉(因有d餐廳限死要跟個餐,所以特別提吓)

來吃了 2，3次的炸雞脾感覺一般 , 雞脾的肉質不嫩而皮也不脆 印象最深的是卡位比較狹窄 , 頂着腿 , 腿部移動的空間非常少 今次坐靠牆長枱的座位比較舒適豬扒炒公仔面跟彩龍餐廳的差不多 , http://www.openrice.com/restaurant/commentdetail.htm?commentid=2032287公仔麵咸味適中, 麵身比較油一點豬扒軟身夠味 , 芽菜多 , 比較欣賞的是洋蔥新鮮帶有洋蔥味而不是炒得太耐太稔而失去蔬菜本身的蔬菜鮮味

已過中午飯時間, 但拜年仍要繼續! 人都幾多, 但仍有卡位, 以為會加價, 但下午茶亦只是 $20 - $26, 好平兼選擇多!蕃茄斑腩飯 + 茶走(少甜), $34, 味道偏甜, 蕃茄好腍, 斑腩粉漿略厚, 但茶餐廳出品算合格了!冬菇貢丸米 + 茶走(少甜), $20, 貢丸唔彈牙, 奶茶少甜...真係無咩甜味, 真真正正少甜, 老公要再加糖!侍應亞姐幾好人, 而中間卡位可合二為一作八人枱, 方便人多人少!

因為我住隆亨近顯徑,所以通常都係去顯徑買野食,有次過黎顯徑呢間顯徑餐廳,其貌不揚,真係唔多會入去食野~但有次屎忽痕入去試吓~一食就不得了喇~佢d野食味道好好~最鍾意佢個羅宋湯,鍾意佢既味道好濃~仲有就係樓下果位講既沙嗲牛麵~我未食過~但聞過~因為隔離(木台)有人食,所以聞到好香既沙嗲味~而家顯徑我會有兩個食飯既好地方,晏晝會去呢間堂食或外賣,晚飯會去下徑口既生昌~(因為呢間顯徑餐廳收好鬼早,好似收六點)

20070101呢間小小的快餐店，應該都有十幾年咁耐歷史喇（顯徑村有幾耐佢就有幾耐），記得店裡大約有三份一的面積都係好耐年前租埋旁邊舖位擴充而成。擴充後面積雖然都唔係大，環境無錯係暗左D，但我呢個食左十幾年（由十歲食到廿幾歲）的老街坊同佢咁有感情又點會介意。不過，大約係兩年前左右，其中一個老細帶埋幾個員工一齊係村內自己開過間（都係聽D街坊講），冇幾耐，呢間顯徑快餐店就比人接左手來做。而名字亦由「顯徑快餐店」改為「顯徑快餐」。易手後，店內光猛左好多，而廚房師父都冇變動。所以我一直都冇停過幫趁。由細到大我都只係鍾意食佢地個常餐。點解？因為佢地個沙爹牛肉麵好食囉！佢地個沙爹汁好香，味重，又夠杰，個湯往往都會被D汁染成深啡色。而麵，唔係出前一丁，冇記錯應該係用伊麵（記錯的話，就係大光麵實冇錯）。成個麵食落好豐富，因為每一啖都可以食到重重沙爹味。（有經驗人士都知，街外有好多食店的沙爹牛肉麵其實只係清湯上加幾片牛肉，莫說會見到啡色的沙爹汁，就連丁點沙爹味都冇）而奶茶就一直都係穩穩陣陣的，你唔會有突然一日飲到奶味重到嘔的奶茶，亦唔會有突然一日飲到茶味苦0急的奶茶。不過今日遇著個新手，我杯奶茶好淡==

野食又沒乜特別.但最緊要地方不乾淨,侍應態度不好.地方又暗,怕怕...