影片
招牌菜
午餐同同事食，呢度午餐系套餐形式，有7-8样𩠌拣,，一饭加一汤无餐饮，我地一齐叫share黎食，整体感觉真系好似屋企开饭。入去差唔多未坐低先奉上每人汤一盅，是曰餐汤青红萝卜煲唐排，呢挺家庭汤都几正，清清地。念真啲个店名改得劲贴切，菜都未点就有汤饮，仲唔系＂头啖汤＂！环境端庄实在,没半点浮跨, OK干净,座位不算多, 我地5人通常要稍等位套餐啲𩠌主打都系家庭𩠌，睇下你就知水蛋蒸得几滑，肉碎较少，屋企煮嘅话实会落多啲，唔系嘅话梗系𠮶个月唔记得俾家用牛肉炒白菜仔，呢味菜呀妈最钟意整，南瓜芋头排骨，卖相一般，但汁香甜，有南瓜味（呢句评语由我唯一FANS， NESTA87提供）炸菜蒸排骨，不过不失，如果屋企整啲炸菜会切碎啲盐焗龙江鸡，算有鸡味整体黎讲，家庭𩠌得黎水准几稳阵，唯一最大问题系份量偏小，连细食小妹同事，平曰一定食唔晒自己碟饭，系呢道都要食晒碗白饭先够，大家要就住就住咁挟𩠌，好似屋企经济欠佳，唔太够钱买𩠌咁！其实呢几次大家考虑食唔食呢间嘅时候,主要考虑点都系惊唔够食......如我上一篇食评, 唔介意加价几蚊,加大D𩠌份量, 咁样会多D去食呢度.
继续阅读
位于佐敦的头啖汤，看见其名，固之然联想到他是一间以汤会友的餐厅，今次一于要试试他能否做到以前阿二靓汤的质数。今日的例汤是西洋菜煲唐排，𩠌方面我选了清蒸鲩鱼。不消一会汤便来了。汤是原盅上的，教我万二分期待。我拿起汤匙，把热窝窝的汤送入口中细意品尝。从我三十多年喝汤经验，这汤只可算是不过不失。这汤是否真的原盅煲的我有点保留，整体来说这汤不像坊间的老火汤一样味浓。鲩鱼方面，味道是十分好的，鱼肉也蒸到恰到好处，鱼肉也很弹牙。只可是店员姐姐给了我一碟接近鱼头的部份。换了是我嫲嫲的话一定开心到见牙唔见眼，但我这些八十后又怎懂食骨的乐趣，食了两啖后我已无肉可食，看来要买定多点干粮留代三点三食。
继续阅读
佐敦都系其中一个美食天堂，价钱大部份都好相宜，食物种类更加包罗万有，呢间舖头系位处佐敦近尖沙咀方向既，主要食家常小菜同老火汤，名字叫头啖汤，呢个名字系我好细个个时成日听，因为以前有一间连锁店都系叫头啖汤的，仲有好多分店架.，不过这间当然同以前个间一D关系都无啦。由于去到时都已经九时半有多，所以好多靓汤同炖汤都卖哂，只余下老火汤，汤以原盅紫砂壶上，保温之余，又显得专业。汤味鲜甜，用料丰富。一行六人叫了七个𩠌，有肉有菜又有虾啦，先来一个惹味既梅子蒸排骨，排骨有少许肥膏，食落唔会咁靱，梅子汁酸酸甜甜好开胃。马蹄蒸肉饼，蒸得好好，唔会实，一夹就可以散开，呢到蒸𩠌既能力好高。最后一个蒸𩠌就系铜盘杞子蒸鸡，时间火喉较得好，蒸出黎既鸡肉肉嫩鲜甜，而且感觉上用上药材同蒸，成了一道好滋补既𩠌。呢到既黄金鲜鱿虽则味道几好，可是嫌佢唔够脆口，而且唔够起沙，胆固醇高，所以只是少尝为妙。咕噜肉是另一味甜甜酸酸既好𩠌，既可以用来送饭，也可以就咁食，反而呢味排骨炸得脆口，再以山楂汁同煮，味道清新。豆豉鸡系待应推介的，这个我觉得好普通，或者说成豉椒炒鸡球好D，因为基本上系同一样菜式。最后，碟菜反而好好味，鲜绿爽口，无渣的，银鱼仔咸咸既味道更加衬托出一份甜味。整体食物质素唔错，价钱并不是太便宜，不过都算合理既。间唔中黎食一次都几好既。更多资料：http://hk.myblog.yahoo.com/zysk-c/article?mid=1042
继续阅读
叫了一个$18x 的二人set 每人一盅汤, 我饮了白菜煲猪肺 不错, 足料沙拉骨 好肥! 得七八块 激死! 虾张银鱼炒介兰 十条都冇呀! 咩d 菜好贵吗! 激死! 因为个set 只系包 $48 的小菜, 沙拉骨要补钱, 加埋荼钱, 埋单成 $22x! 好贵呀! 贵不在价值, 系物非所值! 劝大家想食住家菜, 可以去tst 食 " 住家菜" ! 千其不要说这里! 服务 本来ok的, 但系个阿姐一见我冇比到贴士, 便黑面走咗, 一句野都冇讲 使唔使咁 ?
继续阅读
中午有35元的套餐, 包一盅汤一碟主菜一碗白饭, 不用加一试了 金针云耳蒸鸡, 鸡肉很滑又大块, 有多片云耳, 还有甜甜的杞子一起蒸, 味道ok,可惜蒸到出晒油, 需要快手拿出所有料放在白饭上, 不敢放回那碟油上, 之后才能安心影食物.当日例汤是玉竹红萝卜煲猪展, 猪肉近软骨部份很嫩, 用盅盛载, 比较碗上的份量多,抵饮, 味道尚可.环境没有特别装修, 桌与桌之间很密集的, 坐得有点拘谨. 待应们很cool的,不会自动招待客, 只会无表面无出声地工作.
继续阅读