前兩日見呢間舖新開,冇時間試!!
難得今日放假~特登行過去試試!
其實舖頭位都ok既~ 因為租埋隔離舖~多d坐位,唔洗成日外賣!!
去到舖頭~ 入面得一個客! 可能新舖關係(冇映相,sorry)
入到去~門口姐姐派單張!! 不過唔得閒睇~因為入面都有得睇
放入袋口~ 就求其搵個位坐底!!
坐底睇餐牌...比以前既店舖多左幾款小食~ 叫外賣就唔洗特登叫兩碗或多d送 夠40蚊先送外賣!!
叫左濃湯米線~唔辣!! 自問食米線首先一定要試下店舖既湯底!! 如果湯底唔得~ 跟本就唔會有人幫親!
餸方面~ 叫左羅白,腩肉 同 時菜!!
飲品方面本來想叫罐裝橙汁飲...後尾靚女極力推薦支裝豆漿~又話冇防腐劑 又話新鮮製造...即管試試!!
豆漿黎到...開左個蓋...發現仲有銀紙封頂!! 好難開!
店舖職員話冇防腐劑係難開d~ 不如我搵野幫你開....
其實店舖職員點解唔可以開左先拎過黎呢?
其後拎支飲筒比我....我成支飲筒放入豆漿後....唔夠1秒支飲筒入哂落豆漿度
支豆漿仲大過支飲筒~ 其實店舖職員有冇諗過呢個問題?
難道次次飲果時都伸隻手指入樽口位【挖】返支飲筒出黎??
碗野黎度,白色湯底!! 一睇就知豬骨湯底!! 有花生 酸菜等等!!
但我食慣米線~ 第一件事 就即刻搵下d餸菜齊唔齊!!
結果冇比到羅白我.....
同店舖職員講左~ 都比返d羅白我!! 所以各位會員小心!!
先飲左湯底...我覺得都清清地..有少少咸.. 唔算係正宗四川湯底
立刻叫職員幫我加中辣同麻辣!!
職員都好樂意 同 我加!!
加完之後~ 碗野既味道都叫中上~ 因為中辣同麻辣 真係四川既辣椒黎,食慣左就知!!
餸菜方面:
羅白: 雖然後期先黎~ 但好軟身~好好咬口! 唔知點解後期追,一比比左五舊我...3蚊黎講算滿意
時菜: 比左生菜我~ 兩大條...價值3蚊....我覺得我去食紫菜 5毫子一包果d都冇咁嬲
腩肉: 唔係我鐘意食開果隻剩肉既腩肉...上面有皮有肥肉,難d腩肉好平...又係得兩舊,扣分!
...仲話係老水腩肉...但成舊肉都係白色...完全唔知邊忽有老水過...下次一定唔食 !
食完之後~再飲埋支價值8蚊既激氣豆漿...總數35蚊~真係冇癮...
如果同舊舖黎講...差十條街......
但係我覺得冇野食都可以一食...
始終附近米線舖黎講~ 呢間叫做最ok既一間....
但我如果再食~ 我一定會出返紅橋食.....
呢間野既評語係: 唔算難食,可以一試!!
叫餸時叫越少越好...一個餸就夠~ 因為真係唔抵食!!