影片
一见到店名就兴奋，因为火锅、串烧、辣都系我至爱，今次真系一次过满足我三个愿望。汤底超足料，有十几只大大只花甲，有几件大大旧猪骨，最初汤底冇乜胡椒味，感觉只系猪骨浓汤，之后越煲越出味，胡椒味出哂，真系好好味。不是桶蚝，但熟咗都唔系缩好多，惊喜。餐牌上有两款猪手，一款系$88药膳猪手，有几件细细只猪手，最后我拣$128铁板黑椒猪手，系一只大大只猪手，皮脆肉嫩，正😊安格斯牛肉， 合格。避风塘炒蟹，因为只蟹非常多膏，点煮都好味，辣度大众化。花竹虾刺身，先食炸虾头。总结，店内座位少，必需要预早订枱，部份食物亦要预订，如花竹虾，招呼服务佳，会再次光顾。
继续阅读
最近较喜欢去平时自己少出现地方觅食，今天就选择去佐敦。 佐敦道近庙街一带，有好多不同特色小餐厅。 行行下看见到有间新开川菜馆餐厅旁后巷位置挂上餐厅logo及大量菜式图片，十分吸引在门口看见餐牌价钱又唔算贵，餐厅内又多客，一于入去试试椒盐九肚鱼(表层炸得又薄又脆，九肚鱼够新鲜又滑，火候十足)酸菜桂花鱼(酸菜唔够多及超辣。 虽然桂花鱼浸至刚熟，鱼肉十分滑，可惜味道不够好)辣子安格斯牛肉(牛肉切成粒状，配上炸腰果及辣子爆炒，味道超正）黑椒猪手(用鐡板上，再淋上黑椒汁。 猪手唔干，肉质唔错，汁好香不过黑椒味可以再浓一些）得闲四处逛逛去觅食，有时也有意外惊喜。 好像今餐晚餐，整体来说味道及服务也真的不错，这才是一顿令人享受美食。
继续阅读
上次同屋企人嚟食饭，食完觉得唔错，环境舒适，唔会太多人好嘈同埋唔会坐得逼。啲嘢食质素唔错，好好味，花甲包，火焰海鲜锅都好好味，海鲜锅嘅蟹够晒新鲜又爆膏，所有海鲜都好鲜甜，仲有鸡煲又够香，除左打边炉，仲有好多小菜同小食，好似泡椒鸡脚，口水鸡，椒盐鱿鱼，冰镇咕噜肉，麻婆豆腐，仲有好多麻辣嘅小食，味道够香够辣，价钱合理，大人细路都啱食，而家仲有世界杯直播，可以边食边睇波，餐厅嘅人又好好，会再同同事一齐再去
继续阅读
昨天一行4人初次去食，一入到去环境同气氛好好，有几台系度睇紧波，情绪高涨！但我地唔睇波，就选择左埋边的位置，我们点了水煮桂花鱼煲，麻辣鱼春，清炒莴笋，土豆丝，凉拌皮蛋，样样都系有水准，同行中其中一人系四川人，连她都话呢间不错，下次可以再黎！个水煮鱼好值得一赞，必试，唔咸但好有味，d鱼又好滑，食完个鱼再追加边炉料，响铃又系必食推介，新鲜即炸，放落个锅度仲听到炸炸声架！其他配料都系好新鲜，碟碟大大碟，好满足的一餐
继续阅读
𠮶日四个朋友八点几去到点左口水鸡、酸菜桂花鱼、水煮牛肉同串烧酸菜桂花鱼：极力推介，酸度恰到好处，桂花鱼劲滑口水鸡：辣度适中，鸡件没有碎骨，份量足够四个人食水煮牛肉：有点偏辣，牛味够，里面的粉皮烟烟韧韧十分搭配串烧：有惊喜，调味粉冇重庆串烧咁浓烈，但味道十足
继续阅读