順景餐廳

40元有找的lunch 真係賣少見少∣尼間茶記位於新蒲崗食肆區午市飯餐36，包例湯、熱飲，凍飲+2即係38元食到飽飽∡豬扒煎蛋豉油汁飯$36大大塊豬扒🥩加流心煎蛋🍳豬扒好入味，煎得兩面金黃再淋豉油汁流心蛋漿撈埋飯仲正！🤤移開豬扒同蛋以為好少豉油，點知原來豉油係飯下面，即係會有豉油浸住啲飯！好好味最抵讚係碟飯好大，食一半已經飽左🤪做飯堂一流👍🏼日日食都吾厭💸人均消費38💞回頭指數5/5…查看更多

炒飯鑊氣不足，飯粒炒得唔夠乾身，味道普普通通！但炒飯既配料有蝦、有叉燒，份量都唔算少！西多即叫即炸，金黃色西多既賣相夠吸引，內裡既花生醬都夠多，味道非常正！但麵包唔夠厚，口感不足！…查看更多

放假日子又去屋企樓下食早餐，今次叫返個早餐a餐，個熱奶茶依然出色，好香好濃好滑，我本來唔太鍾意食通粉，但個火腿通粉湯底都幾好味，不過對我來說太大份量又食唔晒，下次都係要搵男朋友幫手食大半。…查看更多

因為住得都幾近,久唔久都會去下食順景早餐,最緊要就係叫杯茶走少甜,呢度d奶茶真係幾有味,同平時去果d茶餐廳好唔同茶葉味。早餐都好多類型,今日食左鮮牛米粉,d牛肉都整得幾好味,湯底都ok。…查看更多

基本上黃大仙附近大把早餐食,但我成日為左杯靚奶茶行15分鐘走遠d食早餐。順景d奶茶真係好香好好飲,我唔加糖都覺得好有味,平時有時間都會專登來飲杯奶茶,真係有d認真其他食物都平均ok,今日既例湯都幾好飲…查看更多

晚市40蚊包飯包湯,好似好抵食,點知中伏,餐湯係普通貨色,冇咩味,預左; 個煲就出事喇, 蘿白唔淋都算,仲要舊舊都有酸味,再試牛腩,頭幾舊仲可以,食到下面果D"叔"既,唔食壞人都偷笑喇 …查看更多

在新蒲崗食晚飯，有時想簡簡單單，叫餸食飯，就會去這間順景茶餐廳。這裡的小菜大約四十幾蚊，連一個飯和湯。很喜歡這裡的中湯，每次都好多料，例如有一塊粟米、一大塊瓜、甚至一大塊豬骨連肉，又不會好多味精，正！招牌沙拉骨 $45 － 夾起一塊發覺，沙拉骨無骨？擺明是豬扒！味道似咕嚕豬扒加沙律醬，不過無骨更好啦易食d，而且味道也ok，很送飯～馬拉盞肥牛炒通菜 $40 － 不會太鹹，通菜都幾嫩，不錯。…查看更多

今日朋友係新蒲江踢完波搵佢tea一tea, 估唔到佢介紹左間正野食xd 呢間野好多野你都估唔到.3. D伙計唔係好似伙計, 掛住自己傾計, 不過都幾友善, 呢個燒雞翼個樣唔係好燒雞翼, 但又幾好食, 真係估你唔到>3< 個皮微焦, 脆卜卜咁個心又好滑, 唔錯! 有機會再返黎食啦xp…查看更多

近期由於收到好多訊息,都叫我地盡量幫趁小店,細味真正既茶記風味絕對唔係領X下既假小店,實質又係大財團下既傀儡店舖!!所以呢今日來左順景茶記食晚飯!!我地兩口子食左兩個煲仔菜!!一個係::: 沙嗲肥牛粉絲煲!!非常惹味, 雖然賣相一般!!但都幾好餸飯架, 份量都好足!!第二個係::: 海鮮雜菜煲!!呢個雜菜煲其實無乜味,個湯底淡到飛起, 而海鮮絕對係雪藏貨!!不過有地方要讚讚,有個阿姐見到呢個煲上左枱之後!!立即自動問我地駛唔駛要辣椒醬同豉油點??!由於我同肥妹仔無辣不歡, 梗係要啦!!所以其實佢個煲仔唔太得, 有服務搭救!!肥龍B係絕對體諒同欣賞架!!但都要老實講一句, 除左呢個阿姐之外...其他服務員都唔係太好服務:(可能街坊生意, 唔太在乎服務水平掛...最後總括講句...中湯同茶水都唔太OK, D咖啡仲差過沖沖包:(希望下次有改進啦!!:)下次再為大家介紹其他茶記!!…查看更多

是夜晚餐, 與一友人去到新蒲崗的一間茶記, 坐得幾舒服! 冷氣又夠!立即坐下點了一份特餐~特餐23蚊, 多士加1蚊, 凍飲加2蚊最令人surprise , 竟然係出前一丁不用加$$ ! 很美味~ 遺憾... 多士不夠厚呀.. …查看更多

來這店的目的當然又是為了奶茶，此店入選黑白淡奶奶茶大賽的頭二十大，已經是新蒲崗區的第二間茶記拿到這個殊榮，真的想不到在工廈臨立的新蒲崗，竟然有那麼多好的茶記，真的是卧虎藏龍的好地方。好不容易才找到這店子，地方真的挺難找，坐下後，也先看看餐牌，此處的早餐價錢非常相宜，由一個包加杯茶只收十三元的一個早餐，到二十三元的牛扒餐，真的非常相宜，最後也只簡簡單單選了火腿通、腸蛋牛油麵包的早餐，只收十八元，多便宜。不消一會也有得吃了，腸蛋牛油麵包看樣子也算對版，煎蛋是反蛋來的，蛋黃沒穿而不油膩，外層的蛋白微焦，吃起來是外層焦香脆口，但內層的蛋白仍很是嫩滑，反蛋的蛋黃仍舊做到半生熟，咧開一看蛋黃仍是液態的，吸一口蛋黃汁，香甜美味，但整隻了蛋的蛋香不太足，但煎蛋的功夫確是一流；腸仔只是最普通的雞肉腸吧，也是煎得熱辣辣，吃起來鹹鹹的醃肉味，是不過不失之作；最後的牛油麵包沒有烘過，不新鮮的麵包沒烘過就不會好吃的了，牛油冷冰冰的塗上了在沒麵包香的麵包，最多只可以說是不難吃。接下來的是火腿通粉，上桌是非常之熱，湯頭的味道竟不太味精，但又沒太大的肉香，相信店家用了雞湯的味粉包，通粉是細窄版的通粉，其中空的孔不大，未能盛滿湯在孔內，所以若要連湯吃，唯有用匙羹舀湯同吃，通粉軟熟好吃，沒有煮得過腍，加點火腿絲吃，都算不錯的。最後也是千呼萬喚的熱奶茶，杯子又是用上黑白淡奶的厚身瓷杯，但茶溫不算太熱，絕對是應該再熱一點，茶香才會更強，肯定店家沒有為奶預熱，幸好奶茶看起來也未至於奶脂浮出的地步，也先用鼻子嗅一嗅，奶茶還算挺有茶香，亦喝到有頗濃的茶味及奶香，而且喝起來夠滑身，茶身黏稠度夠，喝起來茶跟奶的味道平衡得不錯，在濃香滑三方面也做得非常不錯，若茶的濃度可以再高一點，就非常之無敵了，心想此茶記入二十大真的有道理，而個人認為比頭五名也要好。喝過了美味的奶茶及不錯的早餐，又要趕返公司了。…查看更多

新蒲崗出名多茶餐廳，前晚一個人求其搵就入左呢間，嘗試叫左個小菜"滑蛋蝦仁"連白飯例湯，上菜時見碟滑蛋蝦仁好大碟，蝦仁好大隻(其他餐廳未見過咁大)。食落D蛋好滑，蝦仁雖然係雪藏蝦(出面D食肆都係雪藏)，但好彈牙，冇雪藏味。又夠鑊氣。碗飯都幾大碗，例湯一般般，全部都熱騰騰。而舖內四維都有電視，環境ok，食完都好飽返出黎。…查看更多