韻味小廚

屋企团年饭，阿哥带我地嚟食呢间，第一次试又几好食，店舖不大，但又未算迫，墙上贴满小菜相片，相当吸引。特别推荐仙鹤神针同家乡炆鹅，仙鹤神针汤底淆得相当浓郁，鸽肉软冧，翅份量都唔少，正👍。家乡炆鹅炆得入味，肉质嫩身，食过返寻味😋，招呼服务都好友善，厨房师傅会出来问下我地𩠌菜味道如何，估不到小店都会做功夫菜，我地已经约好下次要试江南百花鸡、酿鲮鱼同要encore糯米饭。最后我地仲即场买左佢地自家制、无添加防腐剂嘅萝卜糕，好食不松散，萝卜丝平均分布，好有住家制嘅感觉，出年一定会再买。…查看更多

朋友介绍佐敦好食小炒，果然无介绍错，食得到厨师用心制作，地方虽然唔大，感觉气氛热闹。预早订左两个私房菜，火焰猪腰花甲窝同焗糯米鸡，另外老板娘推介新鲜豉汁蒸金沙骨，因为仲早客人唔多，佢就提议可以加个煎米底，咁当然要试下啦，个脆米底吸左啲豉汁简直系绝配。见隔离枱食左个麻辣鱼春鱼卜煲同姜葱蚝都好似好正，下次一定要试下。…查看更多

间野环境狭窄，食饭时候要不停避人，地下十分油腻，要小心行。另外收银个短发女人态度极差。俾八达通，系我有啪卡情况下 佢部机自己向左嘟一声，我以为俾左就准备走，点知话我冇俾，咁ok 我再啪多次。见我俾左即刻用粗口闹我，话我未俾钱就想走人。另外见到舖内有曱甴自由自在系度爬。味道食物俾4星其他拜拜佢条尾完全唔系做生意的环境狭窄收银个短发女人态度极度恶劣及差，绝对要改善，唔会再帮衬，有啪卡情况下部机向左，嘟一声，比完钱仲要受气。…查看更多

午餐谂紧食乜之际,见到间小店玻璃门周围贴满美味嘅小菜相片,而且有精选午餐,于是同朋友入去试一试这间小店😋叫咗个~脆皮菠萝咕噜肉$54🐖 同~姜葱炆鲩鱼饭+时菜$57🐠午餐都是即叫即炒,镬气十足,咕噜肉皮脆,姜葱鲩鱼又够野味😋包汤或饮品,我哋拣佐养生汤今日~土茯苓糖排汤🍵真材实料,净汤都值回票价👍…查看更多

到佐敦揾食乱行，无意中行过这小店，被门口贴满小菜的相片吸引，价钱实惠，款式又多，店内光猛整洁，又有位，即冲入去试吓先。服务员态度友善，主动奉上热水，并提醒是非清水，已加入柠檬！西兰花牛仔粒 $108味道可以，但牛柳粒算少，相中摊开已是一整碟份量，牛不韧，花爽脆鱿鱼须 $78外面的脆酱与平时食开的不一样，呢度薄身的，佢配上特制酱汁，酸甜美味煲仔饭 $68可能有鸡件，饭内多碎骨，但有饭焦食，好香口，有咬口…查看更多