影片
食家推介
突然想试下食韩国菜，第一次帮衬，但无谂过个份量细得惊人，价值$68 嘅炒年糕加埋十旧都唔知有无，再加咗几粒鹌鹑蛋，我真心宁愿佢畀多几旧年糕我😂同隔离放腌萝卜嘅size 大少少咋然后炸鸡都要原价$132，减价$92.4，但都系甩皮甩骨咁🙃仲有买咗个一人便当，都系减价后八十几蚊，份量算系正常少少，但若果原价要成$108，真系好昂贵啰我谂最抵系个泡菜因为减价系$2，个腌萝卜都系$11左右，不过睇完成个portion 真系大食少少都唔会够，下次都唔会再帮衬，去食烧肉食饱晒都唔使呢个价，仲有最重要其实佢只系喺街市里面，不过卖紧中价位食物，我认我穷食唔起了🥲我仲要见到好多其他食评话佢大件又抵食，真心难以置信
继续阅读
一个黑色暴雨搞到所有嘢都乱七八糟，每个地方都仲未还原，今日仲要约咗个客开会，工作越嚟越忙不过就越充实，由于东区唔系话非常之熟路所以带埋个同事一齐，咁啱佢又住蓝湾半岛，果然好帮得手~开会完搞搞埋埋都已经到下昼，因为离晚饭仲有一段时间，就问下同事呢头有无好嘢食，佢就谂都唔驶谂就话附近个屋邨入面有间食韩国嘢嘅几好食几多人去，咁啱呢个时间可以慕名试下，咁帮得手梗系请佢食餐啦~ 佢带路入咗去街市位置见到间小店啦，呢间餐厅食物选择都算多， 餐牌上大致有几款，分别系拌饭、紫菜卷、韩式便当、水冷面同埋必定有嘅炸鸡，最重要系佢嘅价钱合理。问个同事有咩心水，佢话见好多人食紫菜卷同伴饭，而且仲有炸鸡，由于我夜晚要同另一半食饭，所以依家就食少少嘢算啦，最后我就叫咗个炸鸡，而佢就叫咗个牛仔骨便当。正当烦恼紧喺边度食嘅时候，原来隔离有个公共空间可以现场享用美食，等咗大约十分钟左右食物终于都上枱啦~ 首先介绍我𠮶款韩式无骨鸡，佢即叫即炸而且份量估唔到相当足够，一摸上手就好够热，我同同事都急不及待整返一嚿嚟食，刚刚出炉嘅嘢系最吸引，一放入口热辣辣，佢个炸粉好薄炸出嚟好脆身咬一啖有丰富嘅鸡汁，事后听职员讲返原来佢系用鸡髀肉，果然每嚿肉非常鲜嫩，如果唔系今晚要食饭我都一早清晒。等咗阵间到我同事份牛仔骨便当都上埋枱，个便当分别有四格：酸萝卜、炸紫菜粉丝卷、牛仔骨同埋白饭，见到佢个牛仔骨香喷喷我都偷食左一嚿，佢呢个牛仔骨估唔到好有惊喜，个味道甜甜地一啲膻味都无，而且肉质嫩滑亦无筋位，果然系好介绍~ 坐坐下最后都食咗几件鸡，而佢就清晒所有嘢果然后生真系唔同，呢餐饭埋单都系$160蚊左右，性价比都好高。见佢门面都有学生哥套餐，如果一家人或者三五知己要轻食嘅，呢间我都觉好值得一试，今日就到此为止，食完餐咁丰富好味嘅，令我更加期待夜晚𠮶一餐~
继续阅读
好多分店嘅高质大份抵食韩国菜外卖😗猪肉kimbap🐷🍙 $48必叫kimbap‼️低碳减肥人士都食得，因为佢超级多料劲少饭🤣猪肉唔算话好辣，加埋巨量鸡蛋丝，青瓜，萝卜，同韩国饭卷嘅麻油香，我超喜欢的💓牛肉便当🐮🍱 $68便当好丰富🥰超多牛肉的，韩式甜甜哋嘅调味好吃，白饭系珍珠米，仲有小食紫菜粉丝卷🥳泡菜 & 白萝卜(S) $10我超钟意食韩式前菜😀$10一小盒好便宜，味道正宗，白萝卜清爽解腻，泡菜是食韩国嘢必食的🤓
继续阅读
今日吾煮饭😁，去屋企附近街市买韩式外卖，美味又经济。❤️呢间韩式外卖小店叫韩米，门面鲜橙色好抢眼，离远就见到👍🍙牛肉紫菜卷 $48有蛋丝, 红萝丝, 青瓜丝, 牛肉同黄萝卜, 馅料丰富, 美味饱肚之选❤️🍱韩式牛肉拌饭 $58大大盒，颜色丰富，好吸引。有牛肉，紫菜，泡菜，翠玉瓜，芽菜，菇，捞埋泡菜同拌饭酱，非常惹味。😍🥢韩式炒粉丝 $48十分足料，里面有不少豚肉片，仲有好多蔬菜，例如洋葱及红萝卜丝， 即叫即炒热辣辣。
继续阅读
天气咁热🥵都唔想出街食lunch，今日突然想食韩国野，醒起有间去朋友屋企嗌过外卖party set黎食系唔错的😋泡菜+白萝卜+大豆芽全部前菜既份量都算多！泡菜切合大部分香港人口味 唔会太辣得黎又够味😌 白萝卜酸酸的好开胃～芝士牛肉紫菜卷🧀🥩个人最钟意芝士牛肉紫菜卷😍芝士同牛肉呢个组合系冇得输 每件饭卷既牛肉都多到就黎泻出黎😆而且牛肉好好味好出色💯炸虾紫菜卷🍤以为外卖炸物会冇咁脆口 但一食比我想像中脆👍🏼头同尾都特别大件 配以沙律酱 萝卜丝 青瓜丝 将虾卷升华💯酱汁无骨鸡🐤每件无骨鸡都沾到酸甜酱，每一啖都好够味😋值得一赞系每件鸡都又脆又滑！忍唔住食多几件～韩式炒粉丝🥢最期待既韩式炒粉丝都有惊喜，份量多不在话下，配菜都好足料，麻油味都好香～独特既系加埋黑淑，出面比较少食到，但又相当夹😎总括黎讲，食物质素高 份量多 价钱亲民😃店员仲要好nice!! 睇得出包装都好用心🥡 下次想食韩国野时都会再嗌呢间😋韩米 (柴湾)柴湾小西湾道10号小西湾广场本湾市场地下4号舖
继续阅读