影片
落单之后等咗九个字先开始有嘢食到等半个钟催咗一次 开头以为冇落单个waiter系咁话落咗落咗等阵等阵根本外场0人手仲要系走埋去counter同佢讲先有人应一味系咁叫啲人入嚟坐满晒啲嘢食就一碟都未到嗌个冷面同紫菜饭卷有乜可能要45分钟劲似系等齐某个数量先开始整😅（低能 见隔篱枱等咗三个字就有）完全唔知做紧乜，外场可以15分钟完全冇人？斟杯水都唔知揾边个😅全场得个阿伯斟茶递水，仲要成个路人咁，连件正经制服／围裙都冇，喺度游吓游吓又游返入厨房，如果唔系见佢突然消失又出返嚟，仲以为佢嚟食嘢🙃啲嘢味道好普通 虽然唔系话特别贵但我比呢个价你嚟嘥我时间 完全唔得🙂🙂🙂一系就请多几条友做晚市一系就等折唔好浪费大家时间🙏🏻
继续阅读
本身都谂住算架啦，但愈谂愈激气，所以都系想写出黎，个日晚上差唔多7点，出而好多地方都要等位，见依家野唔洗等，入面仲有好多位，我同朋友就坐系卡位到睇吓menu谂食乜，最初店员妹妹仔都比左杯水我哋咁，隔咗一两分钟，有个阿婶同妹妹仔讲几句后，个店员就走黎同我讲烦忙时间，我哋唔可以坐卡位，要我哋搬细枱，我即刻火到黎，明明个店都冇咩人，好多枱剩，咁都要迫我去细枱（利申我哋有2个人，身型都唔细😅），咁都要迫我坐细细枱，我都真系搞唔掂，最惨系有啲两个人既都系黎冇耐就有得坐卡位，咁系咪歧视我哋先，真系即刻起身话「好呀」，咁我就走左啦，激到我一肚气，真系对依个店冇期望，要放长双眼睇
继续阅读
图片同实物两件事！！！！伏到觉得浪费晒钱谂住新开张捧场，入到去价钱俾平时都贵，唔紧要，好味都OK 。一上菜同frd都话咩黎咖我地嘅咩？原来系韩式年糕，又细碟味道还真的好一般，哎 不如用心研究下再开舖？
继续阅读
食完觉得俾人呃钱，真系要写出嚟提吓街坊唔好中伏。我同屋企人第一次试呢间餐厅，叫咗比较稳阵嘅人参鸡汤饭同海鲜大酱豆腐汤饭。食物一嚟到，完全货不对版，个人参鸡好似一碗清汤咁（见图），同menu上嘅完全两回事。重点系一条人参都冇！一边食都仲一边谂会唔会系喺个底到，但食到底都系连条人参须都冇！其实个碗好细，一眼睇哂～同埋晚餐嚟讲，份量绝对唔够～仲收$98⋯⋯已经唔系多同少嘅问题，系冇！当menu的相片同文字都有时，而真实货品系冇，其实系违反商品说明条例。至于啲鸡，系细鸡，好少肉，好似煲咗好耐（因为啲骨一咬就碎），味道普通，主要系味精调味。同华心间韩国嘢比，真系觉得人哋比较老实，起码有人参同有有肉嘅鸡。而海鲜大酱豆腐汤饭就系面豉汤咁嘅味，12蚊店一pack几包冲水𠮶啲面鼓汤，出面食嘅大酱汤绝对唔系呢种味，不过起码好过个人参鸡，叫做有啲雪藏海鲜。大家可以直接睇相会比较客观，有图有真相。
继续阅读
偶然经过见到新开食店，以试食心态试试，一进店，员工态度有礼貌，有热诚；安排坐位后立即逢上茶、前菜，餐厅用QR Code落单，1个人点咗炸酱面同紫菜饭卷；炸酱面，味道一般，质地好黏，仲有啲过咸紫菜饭卷，味道唔错，可以选择牛肉、猪肉、吞拿鱼、芝士或者泡菜，今次就试咗猪肉，下次可以试吓其他
继续阅读