影片
几次经过都食唔到，因为时间唔啱，今日老公就提议去呢一度食午餐。店内一啲韩国的味道都冇，但系餐牌就有好多韩式的食物，最特别系夜晚有一个私房菜的餐牌。餐牌好旧，款式一般多，点咗泡菜海鲜拉面。个拉面煮得唔够爽身，好似煮得有啲过咗火，面又唔够散，个汤底唔辣，海鲜就有少量的金菇、蚬和虾，蚬和虾的味道都不过不失啦! 不过我觉得个汤底唔辣的原因系因为加咗蕃茄，就咁样中和咗佢辣味。另外杯柠茶都有惊喜，冇加糖都唔会苦。本以为食呢一个之后都会好口渴，但系奇怪的竟然冇㖞!
继续阅读
西湾河韩国餐厅唔多, 呢间韩一窝位于小街, 店很少, 得几张枱, 之前几次经过都见有人等位所以食唔到😅今次碰啱Lunch经过唔见有人等位, 所以可以入去一试😋店员睇黎似系一家人同埋系韩国人, Lunch Set价钱唔贵, 味道都好好, 下次一定会再黎👍汤好足料芝士味浓, 一点都唔腻海鲜饭好味
继续阅读
朋友中意食韩国野，揾左间近大家既小店食。呢间餐厅好细，得2行位，去到要等15分钟先有位，但店员招呼得十分周到😍😳⭕️豚肉辣炒年糕唔会好辣，豚肉少许肥份量足，年糕十分烟un👏🏻👏🏻 ⭕️海鲜窝连饭海鲜料好足，有虾花甲蚬等等，汤十分清甜！豆腐亦有好多件，吸哂汤汁，捞饭一流！ ⭕️芝士炸鸡半份将海量芝士酱淋系炸鸡上，十分有诚意！亦系即叫即整，够哂热辣辣！
继续阅读
发现咗呢间餐厅一段时间，终于同朋友去试一试，见其他食评都讲餐厅唔大同埋都要等位，所以𠮶日都成8点先去到，见坐咗两三枱客人，入面大约得20个位餐牌好简单，入面所讲嘅拉面其实系辛辣面，好彩有问下人之后我叫咗一个海鲜泡菜饭，好足料同埋豚肉拌饭，唔够热同油咗啲，但好多料，抵食呢个芝士炸鸡不得了，好好好多芝士，但就要等耐啲啲饭食哂先到，好够热，可惜啲系得鸡翼同鸡槌，如果系鸡胸嘅话我谂会仲正呢间嘢整体嚟讲系经济抵食，但选择唔多。
继续阅读
今天同成班FD一齐黎食，梗系叫多几样野啦。由上到下分别系：芝士炸鸡，鳗鱼拌饭，炸虾饼及墨鱼饼，部队锅，生菜包，辣酱炸鸡，辣炒年糕。提起韩国食物，炸鸡相信系近年最多人趋之若鹜既食品之一。我地点左两款味道，先讲鸡。鸡件既肉非常滑，无雪藏味。而炸皮十分脆，而且唔似得某知名炸鸡快餐店咁，一搣就成块甩出黎。辣酱鸡惹味，正常韩色辣酱味道；而芝士鸡则有惊喜，芝士有拉丝效果，食起上黎亦唔会掩盖左主角＞鸡既味道。不过友人略嫌芝士不足，呢一点就睇大家口味而定，哈哈。鳗鱼拌饭：鳗鱼肉尚算肥美多汁，其余部分正正常常，无咩好讲。炸虾饼及墨鱼饼：呢一道菜我最喜欢，先讲炸皮，薄得黎系完全cover到?虾滑／墨鱼滑，而即使系即叫即炸，亦唔会出现劲多油既情况，非常抵赞。此外，份量亦都十分巨大。坊间通常系薄薄一块，细细旧咁，而呢度系成个拳头咁大，可想而知虾滑／墨鱼滑系几咁充实。虾滑十分鲜味，够弹牙；而墨鱼滑更系出乎我意料之外，果种新鲜既程度真系令我犹如置身于海洋中。墨鱼滑系我必定encore既菜式之一。部队锅：汤底味道十分浓郁，由于入面有虾滑，对虾敏感既朋友就要注意了。呢个锅最正既地方系面头既一层芝士，只要你将筷子插到底，将最下面既面夹上黎，令?面挂上芝士，你就等于食到呢个锅最正既部分。生菜包：呢一个好难评，佢系好好食，辣得黎令你仍然食到香料既味道。肉碎仍有保留肉汁，唔会干潧潧食擦胶碎咁。辣炒年糕：呢一道菜某程度上系同辣酱炸鸡同出一辙，味道近似，值得一提既系年糕够烟韧。
继续阅读