韓一窩

营业中

休息中

這間小店以前是開在一條橫街上，感覺是家庭式經營，部份樓面和廚房應該是一家人，後來沒有經營，原址變了一間拉麵店，以前去多數食步隊鍋麵、炸雞。前排去綠在區區發現原來搬來這裏，這條後街亳不起眼，很少人流，但應該幾多司機的客人，因為可以泊車在外。我食過幾次早餐和午餐，覺得出品都不錯，最近仲有電子支付，非常方便，同埋來食野的客人都不少。早餐我最欣賞煎蛋，因為煎得好靚，同埋不是薄片，是有厚度的，出面茶記多數形狀不靚同薄，呢度就圓碌碌同厚D，所以我每次早餐都要雙蛋，通粉湯底都不錯，似忌簾湯。午餐吃過海鮮湯和豬腩肉都幾好食。同埋呢度唔會有茶餐廳bilibala的情況，環境算靜，唔見有食客大聲講野嘈通天咁。所以我間唔中都會去食野的，不過呢間廳餐好奇怪，是不做晚市，以前橫街時是有做晚市，唔知點解唔做呢。

午餐定食選擇好多，令到有選擇困難症嘅我非常之困擾！最初order咗韓式炒年糕，因為見到隔離台有兩個人食緊非常之吸引，可惜柯打完五分鐘佢話畀我聽原來賣曬～唯有退而求其次整個泡菜豬腩拉麵，幾好味豬腩肉夠厚又煎得好香，個泡菜湯都好好飲，可惜個拉麵感覺上同普通公仔麵一樣，此平時韓式粗身嘅拉麵。飲品我揀熱咖啡，冇飲到韓式特飲，所以都係普通咖啡。

香港人最常見既早餐組合一般都係一碗粉麵加腸仔炒蛋多士及一杯飲品，呢度就有韓食早餐，好特別！韓國全日早餐有紫菜卷、泡菜、芽菜、炒蛋、焗蕃茄及韓式煎餅，對於喜愛韓國菜既朋友，呢早餐的確有份新鮮感呢！

近期來到西灣河工作， 朋友介紹下，到韓一窩吃午餐， 1:15pm到達門口， 店員說要齊人才可以進入店內。我們坐下點了餐， 食物約３—５分鐘就上枱了，非常快， 如果趕時間， 真的可以來這裡吃。我點了雞扒牛油果沙律，餐飲熱齋啡。 雞扒牛油果沙律，上枱已嘩了一聲， 份量十足， 賣相一流，顏色吸引，比人有新鮮的感覺，沙律菜好fresh，爽脆美味，牛油果同樣新鮮，熟度適中， 其他菜有生菜，甜黃椒，青瓜，小蕃茄，洋蔥，紫椰菜等等， 非常豐富， 醬料有兩隻，包括黑醋和芝麻醬， 還有主角雞扒， 煎得金黃香口。餐飲熱齋啡，普通咖啡一杯， 接受的， 沒有苦澀味，也不會令你聞到濃郁的咖啡香， 沒有要求的我，是ＯＫ的。$62一個午餐， 話平不平， 話貴不貴，但講速度和份量，又坐得舒服，不妨一試。

‘韓一窩’沒搬來呢度，仲係筲箕灣工聯會附近時，我已經食過幾次，感覺唔錯。有日突然發現小店已經易名？原來佢搬去了更隱蔽的地方，衣家嘅’韓一窩‘小店，週一到週日，只做早午兩餐，下午15:30就休息，估計生意好，唔懮做😜今日專程來試搬遷後的‘韓一窩’ ，佢面對著筲箕灣海天廣場停車場，周圍人流稀疏👇🏿依然係小店小檯，基本都是1-2位的檯～menu也簡單：我哋兩人各自order+1份外賣帶回給家人1）L19 - 泡菜腩肉拉麵+熱coffee HKD62.-👇份量大，腩肉切的比較厚，整碗拉麵重口味2）牛扒小甘薯沙律 。HKD73.- 推薦👍- 牛肉好食唔使講，- 小甘薯比較少見，睇落似一枚枚的橄欖🫒，但係食到口入邊，糯糯的，甜甜的，幾特別😍- 各種沙律菜新鮮爽口，fresh！3）蜆肉大醬湯 HKD8.-，味道OK，少少貴！4）打包一份： 韓式炒粉絲 HKD58.-貌似唔錯😍買單total HKD205.- （打包果份有9折），總體：服務9/10；環境8/10；食物8/10；價格8/10

之前看了食評關於這家的部隊拉麵和部隊炒飯好，所以一直想去試下。.🎈典故韓國部隊鍋 (Budae jjigae) 得名有原因，以前韓國經歷戰爭時及戰爭剛完後，戰亂物資貧乏，肉食不多，韓國士兵經常會用基地剩餘的香腸、午餐肉等作為材料烹煮，以便充飢。發展至今，部隊鍋已成為韓國十分受歡迎的美食。.🎈餐牌午餐時間為11:30am至3:30pm，午餐大概$50-$65，包熱飲，凍飲加$3。.🎈環境店內簡單樸實乾淨.🎈食物.部隊炒飯午餐 $55⭐️⭐️⭐️💫(3.5分)顏色配搭佳，感覺良好。蛋滑溜look，唯一是芝士在哪裡，應該有大片拉絲的芝士。.👇於是把蛋拿開看清楚有什麼其他餸料，結果看到了貌似半片的芝士，餸真的有點太少，只有少量香腸及午餐肉粒、泡菜一兩小片、生菜一大片，以及太陽煎蛋、芝士半塊。味道稍為鹹了少許。.👇餐飲熱菜蜜 (不太甜👌).🎈總體✅十分有禮的幾個年青侍應✅樸實、乾淨的內在🆗部隊炒飯味道稍為鹹了少少，餸少

第一次寫食評就獻給這間人情味濃的街坊小店這裡佈置十分有趣一上枱凍檸茶，竟然足料到有四片厚厚的檸檬。早餐都要食既韓式辛辣面？！因為實在太好味了！我選了雞肉和窩蛋（自選兩款餸）。這碗麵不是平時打開包裝碌個開放包味粉咁簡單。它用料十足，酸酸甜甜蕃茄加上去之後中和了辣味，容易入口。還有半片芝士，讓食到沾了芝士的面多了一個層次感。仲真係有泡菜，完全配合了辛辣面風味。略為見佢啲雞肉有點過熟，有點老，但我重是欣賞這個面。誠意之作。 $42這質素的早餐是性價比高。服務員很有禮貌。

天呀，以前依間野好好食架，但係唔知係咪轉咗手呢？今日lunch食咗依個飯，鰻魚蛋包飯，我第一次食鰻魚咁腥咋，個感覺好恐怖，腥到想🤮咁滯，最後我只係食咗兩啖😰啲蛋就正常ge，報告完畢！唔會想再食，60幾蚊一個鰻魚飯，又唔抵，又難食。店員服務態度OK嘅，但係上菜速度慢，每一張枱嘅距離太近，韓式食物嘅選擇比以前舊舖少，反而就多咗泰式食物嘅選擇。希望佢之後可以做返好啲食物水準，希望可以變返以前嘅水平啦！加油

食左幾年，係一間有人情味又誠意十分嘅小店❗️佢哋主打私房菜，有韓國嘢，亦有泰國嘢。每次去食都好似食梗住家飯（大概就係私房菜嘅意思），唔只係食物嘅味道，更係店員俾我嘅感覺。總係好誠懇的落單，埋單又不忘說再見。說少飯，就真的回應訴求，給你少飯，邊似連鎖店當你發瘋。所以！咁好嘅餐廳不能只有我知道👍🏻-🍽部隊炒飯 $55部隊拉麵/部隊鍋就見得多，部隊炒飯又食過未？碟飯嘅材料同部隊鍋差唔多，都係煎蛋、芝士、腸仔、午餐肉、泡菜，只係炒飯就將啲肉切粒，而且芝士亦有拉絲效果❗️（看圖二）碟炒飯都幾大碟幾飽下，細食嘅話，可以同佢講少飯💪🏻 辣度方面，都少少辣，至少我一定要嗌杯凍飲先得🥤btw, 凍飲加$3，熱飲唔洗加錢🍜部隊拉麵 $55留意返，menu 上嘅拉麵餐係指即食麵，而非「拉麵」，正在減肥嘅朋友要注意啊⚠️ 材料方面，當然有大家熟悉嘅午餐肉、芝士腸、紅腸、芝士、雞蛋等等，我覺得午餐肉可以切厚啲，因為我第一眼望落去似火腿，亦都冇左午餐肉個種口感🙈碗麵唔算辣，可能因為有芝士同雞蛋中和左

服務態度好好👍👍👍食物有水準👍👍👍最主要環境舒服！令到每一個客人真真正正可以享受一個美食嘅地方！家庭式操作！好有愛嘅！响呢度會感受到新一代年青人嘅禮貌同熱誠👍👍👍

🔎韓一窩 (筲箕灣)📍筲箕灣興民街68號海天廣場地下1-3號舖-呢間韓式餐廳都有d隱蔽 除左韓式午餐仲有d茶記款式 不過擺盤係有心嘅但價錢都係收返韓式價🔹部隊炒飯🌶️ $55 凍飲＋$3 韓式午餐有一半係飯一半係拉麵類當日唔係太想食麵 就揀左個部隊炒飯有隻流心煎蛋 煎蛋底有d芝士 入面加左腸仔，餐肉，紅蘿蔔，泡菜等材料炒成 雖然個menu有隻辣椒🌶️ 但食落就真係完全無辣味 建議可以多d辣會似返d韓式炒飯

我通常星期六日都會出街食早餐今日就嚟依家未食過嘅餐廳試下睇個名你會以為佢正係食韓國野但係佢原來連私房菜都有得食架！!早餐佢都有分韓式早餐同港式早餐All day breakfast 叫價78大元~我都係食返叫價42蚊嘅吉列魚柳早餐算份早餐都幾豐富架！!有火腿奄列, 薯仔粒,  茄汁豆, 同迷你牛角包質素正常 同半普通茶記差唔多有奄列食 唔係煎雙蛋都係加分位杯奶茶都過得去住附近嘅街坊都可以嚟試下~~

最近突然很想吃韓國菜，所以到就近的一間韓國餐廳。這間餐廳位置比較偏僻，位於內街。我點了這個牛肉拌飯，顯然而見，拌飯的配菜非常豐富，有蘿蔔絲、黃豆、香菇、青瓜絲和半生熟的煎蛋。當侍應送來拌飯時，我抱著很大的期望，因為看上去真的挺吸引。然而，這道菜的敗筆在於辣醬，這個辣醬偏甜，完全不辣，但又沒有香味，所以拌飯有點淡，沒有香料味道，很可惜😭😭值得一提的是，餐廳侍應態度十分友好，很主動，會與客人閒聊幾句，也會開玩笑，使整個用餐氣氛良好。另外，上餐及清理餐桌的速度也很快，不需要等太久。如果餐點味道方便再加以改善，相信對餐廳會有更好口碑😊😊

內巷都會隱藏住美食，在筲箕灣的內巷中竟然比我發現到一間韓國食店！今次我食左個烤五花腩飯，不只份量多，烤岀黎仲有脆脆既感覺！油脂比例剛剛好，食到我回味無窮！餐廳設計雖然簡單，但佢既舒適度高，桌與桌之間不會太近，適合在鬧市中尋找安寧

🐣 炸雞咖哩蛋包飯 HK$52炸雞粉好薄，但唔脆。咖哩味道幾濃唔辣，但唔夠多，好彩同佢講會比比extra嘅。.🧀 芝士海鮮焗飯 HK$48海鮮有青口、蜆、蝦、魷魚、蟹柳。份量都幾多。芝士味道唔特等濃。外貌就咖哩飯吸引啲。