影片
港铁火炭站 D 出口, 步行约6分钟
继续阅读
电话号码
63020467
营业时间
今日营业
11:30 - 20:30
星期一至六
11:30 - 20:30
星期日
全日休息
以上资料只供参考，请与餐厅确认详情
钟意食车仔面10几廿年，经常专登搭车出去就系为左一碗车仔面，今次经朋友介绍食呢间，完全因为我比面朋友+自己住附近，之前上网睇，见到唔少负评讲份量少及对客无礼貌，但我今日堂食，坐左大半个钟，1男（相信系老板，同店内明星相合照果位）+2位女姐姐都好有礼貌㖞，就萛佢地员工之间沟通都前后唔该，想帮下小店平反。讲番碗面，叫左油面、牛筋腩、猪红（4粒）、鱼肉条（4条）、韮菜饺（2粒）+小辣汁/冻奶茶。牛筋腩好淋入味，猪红都好正，男老板话鱼肉条纯用鱼肉做，无沟粉，唔知系咪咁，所以得4条（系咪叫贵精不贵多）我平时一般食3𩠌面，今日第一次试新店，拣左4𩠌，老实讲，虽然比起我平时食其他舖，呢间份量唔萛劲大碗果只，但其实觉得唔够饱咪叫多1-2个𩠌，食品质素好味都好重要既，衣家租金、薪金、食材样样都贵，希望老板睇到呢段评语都可以考虑下加多少许份量吸客啦，附近咁多工厂写字楼，希望小店继续用心经营，d野食真系好味，因为沙田/火炭区真系好耐无一间车仔面档，要好食既更加无，我会继续帮衬你啊
继续阅读
*食材高质，食过会想再去食既车仔面！*秘制辣酱又香又辣，粗幼面、河粉、米粉又滑又爽口，个人最喜欢牛腩/猪皮/咖喱鱿鱼/猪红/春卷/鸡奕/*猪大肠*必食门口仲有肠粉烧卖鱼旦小食，肠粉一样有惊喜，酱多又滑溜，行过路过必食😊
继续阅读
♡̆̈ 大家都知道平时我只要唔出街就会叫外卖但系呢一排真系唔想再叫外卖 所以就周围发掘附近一啲唔同嘅小店今次就去咗一间车仔面店⋯ 我比墙上面嘅明星相吸引左入去相信都一定唔会差得去边入到去梗系嗌佢哋嘅招牌车仔面「明星面」食车仔面咩𩠌都想嗌既我嗌呢个明星面完全解决咗我嘅问题总共有14个𩠌猪红 猪皮 牛腩 咖喱鱼蛋 鸡翼尖春卷 牛肚 萝葡 咖喱鱿鱼 香滑𪗋猪大肠 冬菇 卤水鸡翼 时菜个车仔面嘅份量都好足我最钟意系佢哋嘅猪大肠同鸡翼尖而个卤水做得非常之入味 ～ 煎萝卜糕平时通常都系饮茶嘅时候先会食到煎萝卜糕真系估唔到车仔面店都有煎萝卜糕煎到外皮煎得脆脆的煎得恰到好处的萝卜糕，外脆内软但每一啖都能感受到萝卜的清甜同虾米的咸香煎肠粉平时食开既肠粉都系蒸既 已经好少见到有地方系做煎肠粉煎咗嘅肠粉外皮微微焦脆 配上酱油甜酱芝麻口感既层次感丰富既有外皮的酥脆，又有内里的滑嫩呢个系必点嘅item煎糯米鸡煎糯米鸡是将外层形成了一层香脆的锅巴煎过的糯米鸡口感更加丰富既有脆皮爽口又有糯米的黏滑再加上丰富嘅馅料喺糯米鸡嘅表面仲洒上咗肉松令到个味道更加吸引冰火鱿鱼鱿鱼经过焯水后冰镇 保持爽脆的口感再搭配上少少辣既酱汁形成「冰火两重天」的独特体验。口感清爽又刺激 味觉上也充满惊喜。惹味牛柏叶牛柏叶口感爽脆，香辣惹味越食越上瘾 煎饺子佢哋嘅煎饺子都做得好出色饺子皮唔会过厚或者好干身 煎得啱啱好 咬落个馅仲好多肉汁因为好想试埋佢其他嘅小食 所以就净系嗌咗一碗车仔面share 再加埋啲小食真系已经好足够 值得一提嘅系啲员工真系好有善又会推介小食比我地 而且我见到啲街坊同佢哋都有倾有讲见到落大雨，仲会问佢哋有冇带遮真系好钟意呢一种亲切既感觉 ～
继续阅读
去火炭做完野．同事话呢间车仔面个秘制辣酱好正难得嚟到梗系要试下位置方便易揾．距离地铁站好近仲见到墙上贴上劲多明星合照样样想试 + 选择困难最后拣咗店长推介嘅「明星面」超夸张．竟然有14款𩠌最欣赏里面嘅卤水大肠．猪红整得好入味．超好食配埋自家制甜辣汁辣辣地好香好回味食完呢度嘅粗面，令我对以往食过嘅面质完全改观呢度个粗面口感好爽弹．好有蛋香味系我食过最好味嘅粗面✨冰火鱿鱼劲爽弹嘅水鱿．淋上香浓嘅辣汁一试爱上✨煎肠粉呢度竟然食到细个时喺酒楼推车仔嘅煎肠粉即叫即煎．外皮香脆加上甜酱麻酱同芝麻...充满回忆嘅味道✨冻奶茶茶底好香浓．口感丝滑正宗港式奶茶
继续阅读
经过见佢新开就打算入去试吓，叫咗碗车仔面，猪红，萝卜，猪皮，猪肠，鸡翼，咖喱鱼蛋，牛筋腩，米粉再加辣汁，都好快嚟到，有惊喜㖞~原来佢个辣汁好正㖞，甜完先至辣，辣味后经凌厉，追住嚟食，萝卜好腍，(尤其猪红特别好食😋)，猪肠好入味，鸡翼都好食，其他嘢就正常，最后跟餐叫了豆浆，服务态度都唔错，会推介给同事嚟试吓。
继续阅读