影片
成日听朋友讲话呢间面皇既牛肉面几好食，其实我唔食牛既，啲牛几好食都唔系好关我事啦！🤣🤣🤣 因为成日听到佢话牛肉面好食，我以为佢系专食牛嘅🐂🐂，不过原来佢既手工面先系重点！误会大了！🤣🤣🤣今日行过，同妈咪入咗嚟试下，店面设计都好得意，人唔多有枱唔使等！yeah~✌🏻✌🏻 打开餐牌睇睇。。牛，牛，牛，辣，辣，辣。。死啦！我唔食㗎㖞，好在佢个汤底可以㨂下，仲有少少非牛类既食物！所以今次我地拣左秘 制猪软骨清汤粗面，仲有一个睇落好colorful 既三丝凉面(幼面)....呢度好得意，佢有汤底拣之外，仲有面拣，所以我地一粗一幼面试下。🤣🤣✌🏻✌🏻先来个猪软骨粗面，个汤底好清，系鸡汤底，但又带有啲胡椒味，所以有少少辣，面身好爽，猪软骨好林好入昧，不过清左少少。😊至于个三丝凉面，好好食啰，青瓜，红萝卜丝仲有牙菜丝，全部都好爽口，仲有个幼面同个凉面芝麻酱汁好夹，好爽口又弹牙！我钟意食佢个幼面多过粗面啰！👍🏻👍🏻好食！😊😊😊话说呢度啲面都唔平，而且加上疫情下，我估唔到我入去到食完呢个咁短既时间下，竟然会坐到Full House, 仲要有人等位！😱😱😱好夸张啰！我奇实觉得几好食，不过如果要排嘅话，我又未必会食啦！(懒人代表mode)🤣🤣🤣🤣
继续阅读
一碗咁嘅面又吾系多肉多料，成70蚊一碗！加多个菜，又系得果几条又收成20蚊！真系都算鬼数！外卖一个盒另外再收2蚊，局分汤果道又一个盒！即系简单d讲，一碗劲小料嘅面加果几条菜，仲要系生菜最cheep 果d菜如果你系外卖，就系要成一旧水先有交易！大家如果钱多未那管去帮衬！
继续阅读
年三十晚都要返工嬲，收炉前同个friend食个团年lunch啦。今次到我行去长沙湾𠮶边和佢lunch，本身想试𠮶间餐厅无开，就求其揾间有开嘅试下啦😊。餐厅喺元州商场嘅街舖，都几旺场，所以食食下成间坐满哂人。餐厅几大间，坐到唔少客，而且环境都算几四正，仲有大大幅墙画，装修算系咁。但有部分櫈比较细张，无椅背，坐得有点辛苦😅。睇下餐牌先，原来呢到无做lunch set的，即系全日都系呢本。我认为价格定位都真系唔平，一碗面最平都$4x，有啲甚至去到$7x，饮品同小食仲要额外嗌😩。连锁米线店几𩠌都系$4x姐嘛。Anyway餐厅主打手工面，有几种阔度可以拣，分别系由幼、中、粗至宽。而汤底亦有得拣，原味清汤、麻辣、胡麻、胡椒、酸辣同酸麻汤底。𩠌就有唔同价位，花多眼乱🌸。不过望住餐牌嘅我哋有啲一头雾水，因为自选面其实系几钱呢？要问姐姐等佢解我哋听，原来餐牌入面无𠮶样𩠌嘅款式，就最平$46㖞；但餐牌入面有嘅款式就跟𠮶个价钱，而汤同面都可以再配搭🤔，好鬼混乱，听完都唔明。题外话，个餐牌油油地，有点赶客。我落单前问姐姐麻辣微辣辣唔辣🌶，佢好认真答我辣㗎。我再问佢咁唔食得辣系咪会顶唔顺，佢话条脷👅会好麻啰。我又问咁胡辣辣啲定麻辣辣啲，佢话梗系麻辣啦🙈。好，问完三条问题后、经过姐姐嘅再三温馨提示后，我都系决定试麻辣，因为最近尝试食多咗辣，但真系心惊胆战，惊自己一阵食到喷火🔥。我点咗猪肉手工面($45)，碗面好大碗，面同𩠌都几多。我要咗宽面，真系好鬼粗下，口感都几弹牙，浸喺汤入面都无变淋。𩠌方面，除咗🐷猪肉外，仲有几条生菜、芽菜同菇菇。而猪肉系出奇地好好食，肉质好嫩，无肥膏，肉味仲几出，无臭猪味。平日出街食猪肉我好少会觉得好味，而呢到真心正😋。至于个汤，我饮一啖就知姐姐无呃我，辣就真系唔算辣，但麻嘅程度非常高。饮半啖都开始觉得条脷痺痺地了，其实个感觉系几过瘾，但keep住成程食我惊顶唔顺。我决定拎个碗仔将汤同面分开，好似捞面咁😂，真系食得舒服好多。间唔时就饮啖汤刺激下。虽则我都食得哂个面，但都系叫咗枝豆浆($10)饮下，帮帮手XD。餐厅有杯仔提供，所以一支豆浆可以两份share饮👍。我朋友就点咗原味清汤秘制猪软骨手工面($66)，我觉得好贵啰！朋友话味道都ok，我目测🦴猪软骨有成4-5嚿，仲要系大大嚿的。但佢诈型话估唔到手工面要中嘅粗度都咁粗，系扁扁地𠮶种，佢expect嘅幼身咁嘅样哈哈。咁中嚟讲，又真系粗粗地嘅哈。另外，餐厅唔错嘅地方，就系有一个自助区畀客自己拎杯拎碗拎纸巾同斟水，唔使麻烦店员😊。总括嚟讲，我觉得我碗面系几好食🤤，一定会再encore猪肉，面下次会试幼面。虽然我唔食得辣，而佢个麻辣又几高阶，但我都食得几开心、几过瘾，觉得唔错。不过佢最好喺微辣下面加多只辣度，叫BB辣，应该会啱我啲😘。但性价比来说，真系好一般，就咁一碗面起码要半百蚊，间唔时食下算。
继续阅读
好少食手工面既我今晚行经尼间自家面～首先绝对不是比面吸引到而是自家制馅饼～决定入去试下同男友两人一人碗面～男友叫既系烟鸭胸粗面胡椒汤而我就系猪软骨酸辣汤另外再叫左一个纯牛肉馅饼同酸豆角猪肉馅饼🥧 面到超大碗～烟鸭胸有成10块咁多我果碗猪软骨面都有成4-5旧好正～同埋食完个面已间饱到傻～跟住再尼馅饼⋯⋯馅饼本身已经食唔落但好试就先咬一啖～哗😱😱馅饼皮有丝丝甜味衬埋我拣既酸豆角猪肉既咸咸酸酸～真心好正👏🏻👏🏻👏🏻👍🏻👍🏻👍🏻男友话佢果个都好食～但系由于太饱我食左一半另一半要打包😂😂猪软骨酸辣幼面👍🏻烟鸭胸胡椒粗面～食完个人好暖～冬天一流👍🏻👍🏻爆馅馅饼👏🏻👏🏻👏🏻
继续阅读
无意中上网揾到呢一间餐厅，佢有我最爱既胡椒汤底，一于今日去试下。环境干净，位面有30个左右，平均一个面50-60蚊，我叫左腩肉中面胡椒汤底，腩肉厚得黎唔肥，啲面煮得岩岩好，个胡椒汤好重味，值得推介！
继续阅读