影片
以上资料只供参考，请与餐厅确认详情
嚟亲荃湾食晏，例牌喺因为睇完早场，平啲嘛！今次就无乜心水食晏想食乜，行经「靠得住」时，见几旺，而老婆对佢都有信心，又想食吓粥同粽，就试吓呢间必比登推介餐厅。其实个人而言，就唔喺好信呢啲名牌法力，食嘢始终好讲个人口味。嚟得早，其实未够12:00pm，但都坐满人咁滞。里面装修简约，大部份都喺卡位，最靓位梗喺靠窗𠮶排啦，但我哋就只坐晌中间嘅二人枱。枱上放有纸巾、基本调味料，另外，开咗壶菊花杞子茶（$10），真喺几香，茶味清雅，不过，张枱唔大，摆咗呢堆嘢，再加埋啲食物都喺紧紧够摆。翻一翻餐牌，选择确实多，基本嘅有多款粥品、捞面、汤面，特别啲嘅有镇店四宝、精选推介、特色小食。此外，仲有啲精选午市小菜、小菜组合。肉丸鱼腩粥 $68靠得住以粥起家，粥品自然靠得住，而老婆钟意食鱼，目标就放晌精选鱼汤靓粥系列。的确佢啲粥煲得真喺好够绵滑，啲米粒开晒花，有米香，加入埋鱼汤，感觉就更鲜甜。粥面已放咗两大条鱼腩，鱼肉嫩滑富鲜味，下面仲有3粒肉丸，虽然唔知来货定自家制，但质感松化。靠得住咸肉粽 +$28嗌咗粥，可以以优惠价加配小食，老婆对咸肉粽情有独钟，散点要$34，依家叫做平咗啲。佢哋啲粽喺做得唔错，紥实，质感好，蛋黄仲有少许漏油，更重要喺肥猪肉唔多，啱晒老婆口味。蚝仔肉松泡饭 $65另一主食点咗个泡饭，湿湿哋啱呢啲天气食，睇外观份量几足，啲饭粒分明，最怕啲餐厅明明啲饭煮过笼都照用嚟做泡饭；啲蚝仔饱满富蚝味，有质素，加埋啲肉碎、冬菇、冬菜，几丰富，唯可惜，个汤偏咸，小弟相对都食得咸吓，都觉得咸，老婆口味偏淡，佢就接受唔到。因为餐厅都旺，侍应唔太多，招呼算喺咁啦，关于个泡饭好咸嘅问题，埋单后有反映俾收银姐姐知，佢话下次早啲同佢讲，叫厨房换过碗，仲话送杯豆浆俾我哋拎走饮，我话就唔需要喇，纯粹提一提，唔喺贪呢啲，但服务一环肯定加番佢分。
继续阅读
2次到访靠得住，水准一样。系一间米芝连主打云吞面嘅店舖。服务正常。云吞面面质弹，少少碱水味算处理得唔错。汤底好有鲜味，里面有好多虾子，饮哂成碗都唔口渴。至于云吞都有5粒咁多，每粒都包左2只虾，虾鲜味特岀，绝对唔系平价急涷虾仁嘅口感同味道。推荐指数⭐️: 4.8/5鳯城水饺面汤同面系同云吞面一样，水饺size会大粒啲，有3粒，味道都唔错，入面有啲云耳增加口感。不过要我拣，都系云吞较好🤣推荐指数⭐️: 3/5口水鸡呢个真系必点！色，香，味俱全！份量多，鸡滑而有鸡味。个汁系好香少辣少麻带少少乌醋，系有d重口味，但真系好食到停唔到口。推荐指数⭐️: 4.8/5
继续阅读
当日同朋友打完波见到唔系好多人排就决定试吓～我哋一行三人叫咗个套餐有鸡油花雕蒸马友同鲜甜竹笙椰子鸡锅，另外叫多咗一碟菜芯。🔹 鸡油花雕蒸马友花雕味唔系好出，但鸡油味好足够，用黎捞饭食几香😆鱼都算新鲜，带乜腥味，味道唔错👍🏻👍🏻🔹 鲜甜竹笙椰子鸡锅锅入面预先放好咗汤底同配料，之后店员会再将鸡放入去滚，佢会比个漏斗计时，够钟就食得啦！汤底都算几甜，不过就略嫌鸡就比较鞋身同冇乜鸡味，下次未必会再叫～
继续阅读
唔讲食物质素，只讲服务，高级低级职员态度一样差，$10点左壶茶，正常都系第一样serve先，点知食完都未到，叫经理跟进，（都唔敢叫低级职员）点知佢黑口黑面，只系望下你，唔答唔睬你，都唔知系咪我有错，系咪要跟程序， order张飞未出你就系冇得饮呢？另外上𩠌员工一夜队埋嚟就走人，收碗又系，完全唔会理你唔会问声你，就咁队手埋嚟就收，最后客人就算有位行左入嚟，会叫你出返去排队，一啲礼貌都冇，点解重要收加一，一定唔会再帮衬！
继续阅读
在5月头的时候，刚好经开此店食午餐，而且顺道在到这店买了一些「咸肉糭劵」。 数量也不少。当时，觉得未试过呢间的糭劵（端午节送比朋友）便买了一堆劵。（当时觉得食物几好👍🏻，先决定买咁多张糭劵）直至开始可以换糭的日子到了。朋友和自己开始去换糭，当然去不同的「靠得住」分店去换啦。点知！！！朋友去到先知道，只可以到「买卷」个间店换糭！！😭真系傻 了眼。。。首先，咁大间连锁餐厅，竟然是「只可以」到买劵个「一间」店取糭？？？？？下？呆左啦。。。。试问，一般大型连锁食肆，正常都会让客人到不同分店换取吧。后来，我们先发现原来张劵背面有写。可是，购买时，店内却竟「没有」一个职员提醒过我们。在我们食午餐时，已一直询问糭劵问题，到食完，再数劵，比钱时，都接触了不同职员及经理。都「没有」一个人提醒我们只可正在这店换取。真的令人很气愤😡最不可以❌接受是，点解客人买咁多糭劵时，（超过30张），店内竟然「没有」任何职员或经理提醒我们，原来「只能」到此店换糭？？？这是重点。。竟然一句都没提过！😭😭😭😭😭😭一般来说，都会好似其他食肆（例如：大家乐，美心等，都可以去不同地区换领，都好正常吧）但「靠得住」， 真的令我觉得「靠不住」点解可以咁样对待客人？为什么提醒一句都没有呢？店内经理都没提过？真的令人失望😞！这样的服务态度，实在人失去信心。
继续阅读
您可能会有兴趣的...