影片
以上资料只供参考，请与餐厅确认详情
最近感冒完，想食清淡些，就想起靠得住，好耐冇食过，午市时段叫了粥套餐，碎牛鱼片粥加混酱肠粉，粥热辣辣和软绵绵，食后没有口渴的感觉，真材实料👍🏻，肠粉保持水准，滑嘟嘟，混酱调味适中，满意😀这店的环境舒适阔落，让人可以舒舒服服地享受午餐😊😊😊
继续阅读
星期日比较多人，求其揾间餐厅，屋企人（年纪较大）1:50去餐厅，当时职员比左QR code佢哋，佢哋想叫午餐唔系好识扫code，叫职员落order唔肯帮手落，之后我到餐厅帮佢哋系电话叫，当时落单时间2:06，menu已经转左下午茶时间，无左佢哋想食嘅午餐，因为个时间比较尴尬，落咗个云吞面加油菜，我之后先发现下午茶餐一模一样，而且平啲（怪自己睇漏眼），叫个职员问佢可唔可以转做茶餐，个职员讲嘢态度好差，话系跟入坐时间计，无得转，留意返哩间野啲价钱唔算系平，有得转又一模一样当然想平啲，我话你地个电子menu都转左做下午茶啦，点解无得转，而且落单时间系2:06㖞已经可以当系下午茶啦，然后个职员话如果想食下午茶再出返去排过队，真心嬲，比钱食饭系受你气？岩岩无排队入黎食？（午餐）唔帮人手动落单都算，啲职员懒懒行，下午茶转唔到都算，当自己睇漏眼，仲加多句受气？真系唔想写差香港啲餐厅，不过请埋啲咁嘅职员等执笠啦，之后有个男职员过咗嚟，我问个女职员叫咩名，个女职员都走左过嚟我睇左全名（佢自动消失），个男职员系哩间餐厅嘅经理，问发生咩事，我话要投诉佢（女职员）态度，佢（经理）话唔好，佢（经理）都解释咗因为系计入坐时间所以改唔到茶餐，表示唔好意思，佢（经理）应该见我几火，都有同我地道歉话会同返个同事讲（讲真哩啲职员讲黎都嘥气过一排咪又故态复萌），我见个经理年纪都有啲大，而且唔关佢事，态度都好，所以唔想为难不必要嘅人，佢（经理）仲话请我哋饮豆浆酸梅汤，讲真受唔起，亦拒绝左佢好意，都惊佢哋会加料⋯4个人埋单$306ps 如果咁不幸迫住要食哩啲大型连锁餐厅留意个电子menu ，fake fake地
继续阅读
难得今日可以食下午茶，睇咗几间最后去咗靠得住。果然系米芝莲，食物同埋服务都好好🫶🏻入到去服务员嘅笑容同埋温柔嘅说话，已经好窝心。下午茶餐叫咗牛腩面有专人灌汤，牛腩好腍，三嚿牛腩两嚿根，啲面好爽。再跟一个混酱肠粉，份量好足好好味。为食再叫多份甜品，$12腰果露，绝不欺场，好香，好明显系炒完即磨，冇沟粉，太美好。😋😋😋
继续阅读
昨天是第一次光顾此店，正奇怪在晚上8：30还需要排队轮候。茗茶我们点了菊花杞子，已经是非一般的选择。主菜点了春日丰年讼，包括的竹笙椰子鸡窝出奇地鲜甜，马友加上花雕和金华火腿粒配合得恰到好处。平民价钱侍应有礼招待也是意料之外。总括而言，此餐厅是5星级性价比！
继续阅读
今日系母亲节嘅大日子。我只死仔，话要请佢母亲食饭. 作为父亲的我 当然可以黐餐。 我老婆（就住）佢嘅荷包，求其揾一间。我哋决定去咗太古城嘅 靠得住。 门口写住米芝莲推介餐厅。我都估唔到 粥粉面饭嘅连锁店都会有米芝莲！先畀我介绍一下， 太兴 集团上市之后， 除咗佢哋嘅手本名曲太兴烧腊 亦都起咗 几个大品牌, 敏华冰室, 茶木, 亚参鸡饭, 靠得住。。。靠得住大家都知道做粥粉面饭。佢哋对驰名嘅系 以自家鱼汤粥底驰名！ 佢哋嘅粥底系用海鲜淆出个海鲜汤，再煲粥！我哋叫咗个鲜甜带子粥佢嘅粥底果然鲜味， 但系老实讲， 可能用得太多海鲜之旅嘅嘢， 我食落感觉得有少少 味精感觉。 总体味道不错。 带子大大只， 唔会煮个笼。我亦都叫咗个 滑牛肉粥。 粥底基本上系一样。 牛肉方面算系 软硬适中。 感觉可以。我亦都叫咗一份云吞面， 因为我不嬲钟意食云吞面。 佢上云吞面嘅时间系用个煲仔喺你面前放啲汤上去， 目的就话唔好浸淋啲面。 佢嘅云吞面都可以， 小弟觉得佢偏咸。我哋亦都叫咗啲小点。 混酱肠粉， 萝卜糕， 炸酱面， 银芽炒面。混酱肠粉， 我觉得都可以，唔会有 冰过嘅感觉。萝卜糕就一般。银芽炒面， 食落好味香口， 面质太薄， 如果面轻轻粗少少会更加出色。炸酱面就太咸啦， 𠮶酱太浓。总体嚟讲,如果佢称 佢自己没用味精. 我唔系咁 相信.靠得住系连锁店。 能够 在管理上 做出 咁嘅 菜式 ， 都算系不错.
继续阅读