影片
以上资料只供参考，请与餐厅确认详情
第一帮衬，亦系最后一定帮衬🤦♂️，琴日同个仔响荃湾路过呢间小食店，见到佢哋有卖陈皮鱼蛋，我自己本身好钟意食陈皮鱼蛋，所以就好想试，同店员讲话要$30有24粒，但系见到个店员一滗起啲鱼蛋，望到个样都有啲奇怪，好似摆咗好多日咁，即刻问个店员呢啲就系陈皮鱼蛋？个店员话系，我再问佢点解系咁嘅色咁嘅样，完全又黑又奇怪，同张相争好远，本身都有食开陈皮鱼蛋一定唔系咁嘅样咁嘅色，再次询问店员，佢哋话佢哋系用唔同嘅汁整，最后我唔要咁多，买咗$10，个仔急不及待咁食，我都试咗一粒，个味真系好奇怪，好似摆咗好耐咁。结果个仔返到屋企就即刻唔舒服又屙又呕，全晚都好唔舒服。真系以后都唔会再帮衬👎👎👎
继续阅读
📍 青蛙仔香港地美食 (荃湾)荃湾杨屋道18号荃新天地2地下一门町市场内J16号舖青蛙仔系肥姐大仔和新胞Eva主理，唔使专登去旺角都食到咁地地道港式小食，例如：陈皮鱼蛋、鱼肉烧卖等👉 全家福💰$155😋😋😋😋.8/5即系样样都有啲，最钟意弹牙嘅墨鱼同埋生肠。同埋佢哋将啲猪杂处理得好，食落无异味，捞埋个酱汁更加好食。仲可以做𩠌。再加4只鲍鱼仔，食唔停💕💕💕回头：yesyesyes！呢间真系店员又nice，帮我地入盒再分开酱汁，劲亲民 💕💕
继续阅读
今日约咗老婆去荃湾拍拖😘因为荃湾搭车方便😘😘😘食嘢嘅地方都特别多行经荃新天地二期俾我地发现左观塘个间好出名嘅卤水店荃湾开咗分店两公婆嘅最爱当然唔放过🤤🤤🤤立即就拣咗$155嘅全家福收到我哋嘅全家福𠮶阵卤水味真系好香全家福嘅份量都好多、红肠、鸡翼尖、猪耳仔、鱿鱼、鲍鱼、猪心、猪脷、猪颈肉等味道非常不错👍👍👍📍 青蛙仔香港地美食 (荃湾)荃湾杨屋道18号荃新天地2地下一门町市场内J16号舖
继续阅读
想食肥姐终于唔使喺旺角街头排长龙啦，是关肥姐新抱创业开咗新品牌青蛙仔，进住咗荃新天地，可以喺商场入面叹住冷气排队买。是晚口痕又嚟买卤味小食，八点嚟到几乎咩都卖晒，咁就扫几串卤水同烧卖鱼蛋啦。点咗份孖宝，要七粒烧卖加九粒陈皮鱼蛋，要埋混酱汁加麻辣，烧卖烟韧鱼蛋弹牙，酱汁咸咸辣辣先至正😋卤水净返唔多，要咗墨鱼、生肠、红肠、鲍鱼仔、鸡翼尖同猪头肉，酱汁梗系全要啦，豉油、甜酱、芥末缺一不可🤤墨鱼、生肠、鲍鱼仔都好爽口，但各自嘅口感又唔同。红肠同猪头肉啖啖肉好正，鸡翼尖都好好味，但系街边要𦧲骨就麻烦啲🤣喺街边食咗几啖，就拎返屋企慢慢叹啦。想多啲款拣，下次要早啲嚟先得😎
继续阅读
青蛙仔香港地美食 荃湾今日我去咗荃湾嘅青蛙仔，真系一个香港地道美食嘅好地方！喺OpenRice见到好多人推荐，就决定一试，果然冇失望。🥰墨鱼，口感滑溜，咬落去有种鲜味，肉质紧实又唔会太硬，真系好正！细生肠就更加惊喜，外面薄薄嘅皮脆口，里面肉质鲜嫩，咬下去有满满嘅肉香，口感非常丰富。猪膶，卤得刚好，口感软滑，咬落去带有一种淡淡嘅香味，真系好舒服☺️猪头肉就系另一种享受，肉质鲜嫩，脂肪适中，味道浓郁，咬落去非常满足！陈皮鱼蛋，鱼蛋口感弹牙，陈皮嘅香气唔会过重，反而带出咗鱼蛋嘅鲜味，真系一绝！葱油香烧卖，皮薄得嚟，内馅充满肉汁，咬下去好Juicy，令人回味无穷。鸡肾，第一次试，口感特别，有一种柔软又富有弹性嘅感觉，味道亦相当吸引！整体嚟讲，青蛙仔嘅卤味同小食每一样都好有水准，口感同味道都令人印象深刻，绝对值得再返去试其他嘢！☺️
继续阅读
您可能会有兴趣的...