影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
第一次来帮衬、打算一阵去启德体育园行吓。点心份量足，应该是质素稳定.午市周末非常抵食，五个人有炒嘢,有菜,有五个点心,有饭,有甜品只是$400。地方宽敞舒适服务有礼。
继续阅读
今日同老人家去了青叶饮下午茶，家人成日同朋友去话几好，我就第一次。✅五谷炒饭粒粒分明但不油腻！有好多菜粒添加左爽脆既口感，食斋都觉得好味。✅ 姜葱叉烧捞面味道还好，食到劲重姜味，其实落姜可以轻手d。话系捞面，但劲多汁水，应该要整得干身D，面才会挂汁又不会比水浸到淋晒！✅ 水晶鲜虾饺中上发挥，馅料入面无用太多肥猪肉，调味较清淡几好✅ 蟹子烧卖皇虾既比例多过猪肉，所以较爽口，几好食，又系清淡的style✅ 焗叉烧餐包都唔错的，包包少少烟韧几软熟，包面搽满糖水几好，但入面既叉烧粒太细粒！✅ 焦糖蜂巢糕几香甜有焦糖味，但口感系淋的，仲以为系黄糖糕带有烟韧口感𠮶种…？✅ 翠绿带子肠唔记得影！肠粉无乜透明度，但都有烟韧口感，内馅既带子系细粒既，用了好动胡椒调味，一般。总结一下，都算唔错，口味几清淡I like
继续阅读
阿爸想食片皮鸭，之前系青叶食过，话父亲节想黎食。6月14日打电话book位时，问父亲节当日有无片皮鸭，佢答唔一定，当日要打黎问。到父亲节正日，当日朝早专登打黎再问，职员答我话有。中午一到酒楼坐底，叫茶时即刻落order要只片皮鸭，之后再拣其他野食。大家倾倾下计时，奇怪点解只片皮鸭咁耐都唔见既？同个部长追单时，先话原来无落到单，咁都不得止，佢话当日原来无片皮鸭。明白大时大节，酒楼既套餐可能会有调整，所以当日专登都打个电话问清楚，坐底第一时间都落单先，到追单先话当日无？玩咩？我当日打电话问时，就应该知道当日唔会有片皮鸭啦！平时日子都算，父亲节正日，老人家一心想食只片皮鸭而无得食。。。呢间野无下次！！！
继续阅读
呢间酒楼位于土瓜湾， 旧区附近，从食评所知，有甚多老人家光顾，令揾食肥华以为佢系一间，地痞式街坊酒楼，但当4月9日肥华和靓妈踏入此间酒楼一睇个格局，就知肥华个想法错到不堪，此酒楼嘅楼面装修格局除咗比同区嘅，富临及龙宝两问优胜外，奉客茶具亦比佢哋两间酒楼高级，加上此店早茶所供应嘅点心味道亦Ok，而个干蒸牛肉拼烧卖及煲凤爪排骨饭，更系高水准食品，本来在呢个环境及食物都令人满意情况下，叹个早茶应是一件赏心乐事，可惜此酒楼厕所却乏人清理， 尿兜有满到泻嘅情况出现 啲气味更有渗出酒楼大厅感觉，真系大煞风景，必须扣分👍👍
继续阅读
女友小熊一直想食龙虾伊同片皮鸭，龙虾伊就满足咗佢，片皮鸭就未有著落.上网左揾揾右揾揾，系邻近揾到一间酒楼叫青叶，不单只有片皮鸭，仲有龙虾伊𠻹，一次过满足哂两个要求!但最担心系..... 近期帮衬D餐厅，三翻四次出问题，上 open 睇青叶食评，话佢服务态度好差，个心即刻冷咗一半!心谂幻觉嚟啫! 吓我唔到嘅!照去! 睇吓服务系咪噤差!点咗个片皮鸭两食，片皮之后壳就姜葱炒，芝士焗波士顿龙虾伊同蒜子上汤浸娃娃菜.芝士焗波士顿龙虾芝士浓郁龙虾肉丰富又鲜甜，满意.娃娃菜份量足，早排去长洲苏波记食娃娃菜，苏波记少一半! 可想而知苏波记偷工减料几过份!好多时食片皮鸭之后嘅鸭壳都煮得唔太好食，通常炒得过柴又韧，但青叶姜葱炒鸭肉仍算嫩口 Juicy，只系D葱炒得过火唔够爽脆.片皮鸭皮脆肉嫩，同样满意!食哂D薄包皮，叫侍应加多一笼! 佢地话加多一笼"摸摸" (唔知点解薄包皮叫摸摸?) 要加钱，无问题，但人地D"摸摸"嚟齐上哂枱，我地D"摸摸"就无声气! 一话取消"摸摸"就9秒9 极速上枱!问D侍应想话攞D湿纸巾，完全被无视!服务态度果然好差! 如果唔系龙虾伊同片皮鸭掂! 相信会俾负评!扣分最多原因系想要摸摸无摸摸!
继续阅读