影片
招牌菜
今日五人行嚟到屯门三圣邨依间青山湾海鲜小厨帮衬。一嚟到见到摆满哂位，全个楼上area都系，就知生意应该唔错。我哋好早嚟到，所以仲未多人。果到有电视，枱又够大张，有大风扇所以都唔算话好热，已经好过唔少大排档。可能因为间嘢够大，通风、又近近哋海，所以都ok嘅！我哋叫嘢食先知如果要食海鲜，要自己买再攞过嚟煮。我哋行咗几廿步路，就到海鲜档，海鲜档都有唔少间，差唔多想食咩海鲜都会喺到买到。最后我哋买咗濑尿虾、砚。去到俾果间嘢煮，佢会问你想点煮，我哋话想鼔椒炒砚同椒盐濑尿虾。另外，我哋叫咗个金银蛋苋菜、椒盐八肚鱼、胡椒猪肚汤、烧鸭。烧鸭要八点先有，可能果个时候先烧挂。等咗唔系好耐，菜、汤、八肚鱼就嚟。个菜好好味，煮得好嫰，好快就俾我哋''清''咗！推介！个汤都唔错，好香胡椒味，但饮多几啖，我就觉得胡椒味又过重！八肚鱼相比起就较一般，我严佢炸粉好似多咗啲，食多几旧就要停口。但个鱼其实都ok嘅，唔腥最紧要！食得七七八八，个砚同濑尿虾都嚟到。佢哋卖相好好，一睇就知好入味！个砚有时会食到啲壳嘅碎，但唔系大问题，因为真系几好食，炒得好香好有鼔椒味！个濑尿虾佢帮我哋分左几份，椒盐味好重，好惹味！虾可能买得好，加上佢煮得刚刚好，令虾好juicy、弹牙！真系好食！个烧鸭最迟嚟，食哂所有嘢再等咗一排先到。但佢一摆上枱面，我哋见到个色泽已经知会系唔错。食落去，好肥美、好嫩，完全唔老，好够火喉! 等多一阵都值得。但就觉得份量太少，除咗鸭臂之外，都冇咩肉，大部份都得返骨。Anyway, 觉得喺𠵱到食野几开心几free, 热就一定，但唔算好焗！一大班人开心食餐饭系唔错选择！下次会再嚟。食咗$540，海鲜买咗$460
继续阅读
一班同事食晚饭,专程到这里食海鲜旺角收工后差不多一个钟先到去到立即开支酒，食物未来佢地几乎已经饮哂成樽都吾记得成晚饮咗几多,讲番食物六个人都买咗好多海鲜豉油皇大虾好大只淡淡肉又有膏姜葱炒蟹 感觉唔到有获气,食唔到有姜葱味 蟹膏蟹肉不算多, 剩系食到咸味大东星两食分别是起肉用西芹炒球啖啖肉鲜味其中一味就是火腩炆头腩，油左d个人不太喜欢油盐水蚬普通SIZE,肉就一般啦有D有沙,有D辣龙虾本身够鲜味和爽口,唯一缺点系个汁好淡椒盐鲜鱿香脆热辣又野味灼西生菜好大碟普普通通其他都无乜特别好食和一般酒家差不多因为朋友喜欢先陪佢地来真系唔使突登来啦
继续阅读
和同事一行6人特意来三圣食海鲜，三圣海鲜我只尝过这间，觉得不错，便向他们推介，2个同事先买海鲜，其余后到，所以我一坐下便可上菜，听他们说，海鲜档主也向他们推介这餐厅。一开始先上辣酒煮花螺，卖相当吸引，味道不会过辣，花螺也很鲜甜，不吃辣的同事也觉不错。椒盐濑尿虾 每只都长过手掌，啖啖肉，再加少少干蒜，十分满足。小炒王，有九菜，虾米，腰果炒成一碟, 爽脆惹味， 伴饭一流 。上汤琵琶虾 琵琶虾的肉质比龙虾更爽口弹牙，价钱也相对便宜，同样啖啖肉，再配上像伊面，成为一绝焗蚝 不知是否砵酒焗的，因为尝不到酒味，做法是先走油再加调味焗，每只蚝都有拳头那样大，吃一只已相当饱肚，个人觉味道不错，但同事则认为味道有点失望，各人口味，见仁见智。粉丝蒸扇贝体型也是相当大，壳比碟还要大，粉丝吸收了扇贝的鲜味，加上蒜蓉调味，正！ 因每碟份量也很多，最后还需打包。海鲜加加工费，每人约四百元，下次可以买少一点海鲜，不用饱得肚皮破裂，价钱也可以便宜一点。
继续阅读
12 个人，2000 蚊海鲜，千零蚊油料钱，每人280，又有海景，服务都ok，夫复何求？开头见到咁低分都惊惊地，但食落又无乜野㖞，好过西贡𠮶啲好多！最紧要啲料新鲜，难食极都有个谱。瀬尿虾，炒蟹都够惹味。蒸鱼，蛏子，鲍鱼仔都蒸得唔错，系个辣酒花螺唔系好够味。炸蚝好大只，但火候刚好啲肉重好滑，不过太大只好饱滞。椒盐鲜鱿啲肉刚好唔靭，其他𩠌菜都ok。食海鲜大餐又想食得经济啲，呢度都系一个几好选择。
继续阅读
今天慕名而来﹐但发现原来新鲜都可以死得好无价值！由入坐到第一道菜上枱﹐等了一个钟！第一道：海班炒球﹐无味，似用开水焯熟一样﹐无味！第二道：鼓油皇大𧎚﹐淡而无味﹐好彩似可以食到鲜味第三道：清蒸鲍鱼﹐老到阿妈都唔认得！4th：炆头腩﹐变左炸！原全无炆过5th：蒜蓉粉丝蒸圣子﹐again老到阿妈都唔认得﹐似柴皮！6th：辡酒煮花螺﹐得过辡字！7th：苏炸生蚝﹐炸酱厚个我D脚枕8th：盐焗羔蟹﹐终于都似返是食紧海鲜今天真是是觉得D海鲜死得好无价值﹐都学会一件事﹐海鲜都可以“被” 煮到毫无鲜味﹐但买的时候仍然是生猛、游水！海鲜自已买﹐加工成～＄800， 加埋酒水﹐＄～900。
继续阅读