影片
以上资料只供参考，请与餐厅确认详情
招牌菜
好想食放题，事关小妹真系太中意食日本野~但自问因为食得多所以已经炼成一把腌尖咀 不过今次呢间又比到惊喜㖞~~原先食之前睇左d食评以为麻麻，但亲身试完真系觉得可以推翻晒！先讲刺身，因为同朋友庆生，而朋友又中意食海胆，所以特别订左~一坐低填好刺身后师傅已经好快搞掂上台~碎冰底有装饰好用心，砌得好有传统日式老店强调的风水画同亭台楼阁feel~做得好好~]试味之下，海胆无得弹，鲜味到不得了，三文带子吞拿北寄样样都好掂！好新鲜！虾系极大的，肉质爽之余劲有虾味，虾头劲多羔，谂番起都开心~ 小食同寿司种类都够，小食一睇就知师傅又系别有用心地汁过，所以卖相好靓仔~]虎虾刺身d酸汁好match,,而且虾系够晒新鲜，超好味~蟹沙d蟹子绝对唔会偷工减料落得好足，而泰式凤爪都ok, 唔会过淋或者酸，完了唔系斋沟白醋既效果，要知道大x屋果d就系一味得个醋酸味，所以呢个系good既！ 另外寿司都好味~个人最中意食卷物，呢度既软壳蟹系正既~蟹又大件又够味，系某d以软壳蟹为皇牌既连锁例如元x 都做唔到既~~非常抵赞~~最后系和食，金姑肥牛卷同焗蚝很好~~本来打算再encore, 但小妹的胃没有想像中大所以最后都系无叫，，但系系值得一赞既~~~ 总括而言，呢个价位系尖咀，有呢d质素既野食真系抵到烂。。。。都唔知个老细有无得赚既~~但作为食客既我系非常开心的！一定会再encore!!!!!!
继续阅读
两个傻仔系尖沙咀行左好耐, 想食既又无位, 最后见呢间无人等位就入去啦, 之前系旺角食过谂住应该唔会 中伏既! 点知总是事与愿违...寿司-唔知点解啲饭系热既, 啲刺身都系热既@@...味道还可以, 感觉只系好食过争鲜少少。刺身-甜虾都几大只, 但唔太新鲜, 唔敢食虾头 三文鱼切到劲细块, 仲痴左啲啡啡地既皮, 真系救命同明将有得挥;带子系劲细粒𠮶啲, 算不上是带子吧? 马刀背好似系唯一正常啲, 几爽口。天妇罗-炸虾太多粉, 虾亦唔新鲜;蕃著同南瓜就不错, 都几甜; 蟹柳都好味既, 应该都几难唔好味?烧物-羊架系咪俾人切哂啲肉先上桌俾人食?黑椒味重到...食左一啖就放弃了; 鸡软骨同菠萝系唯一值得俾正皮既, 两样都烧得好好味; 烧蕃薯仔几特别, 睇样好似烧㶶左既芝士肠哈哈, 但几甜几好食既! 盐烧海老都几好, 系三款虾入面最新鲜既~其他-炸蚝都几恐布咬左一啖食唔落; 炸芝士豆腐ok啦, 呢啲死唔去; 牛柳粒又轫又鞋, 都真系唔试好过试; 金菇肥牛我的妈, 咬极都咬唔烂点食啊? 甜品除左雀巢雪糕其他可以唔洗试!已唔想再讲其他食物 价钱$238一位再加一, 呢个价我相信可以食到更多更好既野!
继续阅读
今日去试近近地既放题，本身冇谂住打，因家庭简单食一餐，但食到唔服气，不吐不快。事由成日行过都冇咩留意, 见到佢有85折, 又有二人同行一人半价, 咁四位去食就送一位 听到都几吸引, 5点55分就去等, 都有2-3家人等紧, 六点2分先有人上黎, 算, 之后同佢讲食二位同行一位半价既, 佢就话七点半前要埋单走人, 唔系要收正价,虽然见易拉架系写6点到7点半(限食一个半小时), 但你又迟, 又到我地准时, 算x2, 今次当试下, 唔系见个价钱吸引, 入座第一时间写单, 4个人叫20 件三文鱼,20只虾，其他刺身就10件，炸蚝芝士豆腐八爪鱼丸，羊架牛柳粒鸡串，烤冬菇鸡翼鸡软骨，蟹柳天妇罗蟹柳沙律，前菜有泰式生虾，我地都好中意食虾，叫20只试下先，叫埋软壳蟹同海胆手卷，一支清酒，一分钟写住咁多即刻俾单，因为都唔够个半钟食，但个侍应好悠闲咁讲笑，而家六点几ja,都唔知佢知唔知佢公司出既优惠同限时架过左几分钟有个人拎返张泰式生虾纸返黎问，泰式生虾一只一个碟既㖞，你地要20件唔够放，心谂顶你，我问佢唔可以好似刺身一大盆上?边个会知青叶要一碟仔咁上㖞，佢话唔得，试下一碟仔多放几只咁就走左去啲人都特别等成十分钟先上野蟹柳沙律同泰式生虾四碟仔，一碟两只，得八只，我问佢我叫左20只㖞，佢覆我"边叫到咁多"我再讲多次，我再讲"我写左20只"，佢唔理我咁走左去顶，咩服务黎，生虾个汁唔够味，日本放题有生虾都系流流地，两淡食完又等，之后上烤冬菇鸡翼鸡软骨，都觉得系冇腌过，连味粉都冇咁，烤得ok,但冇味，食完又系等，出菜既速度唔睇到仲以为系好忙，睇到出菜厨师好慢慢做，侍应好悠咁行黎行去，终于上碟刺身啦都冇20件三文鱼同20只虾既，全部都系10件10件咁，都唔知系落单食左定系公司潜规则，食住先，边食边写单落野，唔系咁等落去，十点都上唔到多一转野食，意外个刺身都正常，清酒到心谂出面清酒一支都5，6十蚊，试下任叫既差几远，清酒个味点解好似沟左水咁既，不过感觉都系沟左少少水，清清地，之后到手卷上到，软壳蟹意外的ok,可能炸野都唔得太收得铺了，但个海胆份量少到喊，其他野都上埋卦，都唔记得叫左咩，有野食就算，叫多转三文鱼加赤虾，20件都只系俾10件，叫个朱古力波，等左都好耐就问佢，佢先话冇，顶，冇就出声啦，最后试埋个甜品，芒果布甸，快手都一分钟就上，其他野食就等成十分钟啰
继续阅读
话说某位庄员生日，我地陪佢去青叶食放题庆祝生日。放题餐厅通常都因为成本问题而提供劣质刺身比人食，但系呢间餐厅完全出乎我意料之外，虽然只系比左$220蚊，但系食到极高质素既刺身，非常抵食！无论系三文鱼、油甘鱼、甜虾、剑鱼、北寄贝、带子，都非常之新鲜，啖啖鱼腩，食到我地鬼死咁滋味。特别系三文鱼同甜虾，可谓入口即融。另外，除左刺身外，青叶都比我地任点唔同既食物，例如烧物（牛舌、羊架）同天妇罗，种类繁多。最后，青叶仲送免费雪米滋比我地食，非常贴心！
继续阅读
与朋友庆祝生日，选了尖沙咀的青叶放题。入到去枱与枱之间很阔落，唔会话坐到好逼。 可惜呢度服务态度好差，话说我地发现少左只碟，个侍应居然叫我地'你自己系隔离枱拎住先喇'之后成个过程d态度都唔好,人手不足,经常性无人接单，要等好耐先落到order，而且漏单情况严重。食物方面，刺身尚算新鲜，只只甜虾真系好似推广所言，好大只，但每只都系连肠上，无乜鲜味，感觉恶心。而其他食物都系好一般，淡而无味。甜品有雀巢雪糕，是日糖水系芝麻糊，朋友话好好食，另外仲叫左芒果布甸，一d味都无,十分差。整体黎讲，咁既价钱但咁差既质素，唔值得推介，唔会再黎
继续阅读