霸王山莊

营业中

休息中

心血來潮想食北京片皮鴨，便試吓開咗好多年的上海菜館—霸王山莊，重拾正宗的上海口味😍😘第一道菜就是花雕醉雞，本身選用了雞髀的位置，所以肉質鮮嫩，口感十足，軟軟淋淋，加上花雕酒味濃郁，好味😙接著就是黃金蝦球和紅油抽手，鹹蛋黃的菜式，怎樣也好味（個人喜好😂），加上新鮮大蝦，蛋黃又香香脆脆，而抽手則皮夠薄，晶凝通透，加埋微微辣椒醬，開胃😊之後就是必食的蜜汁火方餅夾響鈴，鹹鹹脆脆。😘到重頭戲北京烤鴨，皮脆脆，肉有少少厚，食一兩舊就好飽了😊

今晚加班到差唔多9點放工諗住搭車返屋企，喺霸王山莊門口等屋巴士之際，突然覺得好肚餓，所以入去諗住食個快，入到去好彩仲有一張檯唔洗等，一坐低見到隔離檯有兩位靚女食緊黑醋排骨，突然令我口裏一酸，所以我二話不說都叫左一個，加個白飯簡直無敵，黎到一碟有好多件，酸甜比例非常唔錯，用啲黑醋汁黎撈飯食，真係好好味😋，最後我自己一個都係食唔晒，最終都要打包食剩左嘅返屋企留返聽日帶返公司當午餐，成張單埋單百多元必有下次👍🏻

點咗個4人套餐 $4xx，一心為咗去食個主角片皮鴨，非常失望，又厚又乾又唔香，同朋友每人只食咗一塊打包返屋企切絲煮米粉算數，其他小菜不過不失但應該唔會想再食，黃金蝦正常應該安全，但呢度炒得唔香，同出面其他地方比較算差，好彩蝦肉夠彈牙加返分，小龍包一如以往保持到都仲幾好食嘅。唯一值得讚嘅係店內侍應，每一位都好熱心好有禮貌，令環境加分，坐得幾舒服。如果冇咩期望只係想去食個單人午餐炒粉麪其實不錯，價錢平味道可以，坐得舒服，但如果去食小菜/名菜... 絕對地失望。

去呢間食之前都有睇comment，睇下有咩新嘢食，點知有劣評，心想可能係個別例子啫，以前食過都好食，又唔係跑馬日，所以冇理，照去呢度食晚餐。當晚個塲都唔爆，只係開左樓下，坐滿側面的car位，最多都係坐左8張枱，限衆令4個，所以都唔多人。3個人叫左以下食物：小籠包 - 餃左一半，即吐出來，好濃厚的酸縮臭味，差！酸菜魚走辣 - 個湯底極咸，面頭d魚冇浸晒湯，仲可以食到，下面浸左湯嗰d腐竹薯粉浸到勁咸，跟本食唔到，差！蒜蓉炒娃娃菜 - 又係勁咸，d菜索晒d咸汁，點食呀，差！片皮鴨 - 除左有青瓜條，以前會有哈蜜瓜條，樓面阿姐話因為少左生意，依家冇左哈蜜瓜條了，呢點明白嘅。雞絲粉皮 - 和以前一樣味道，keep到水準。高力豆沙 - 好硬，冇以前咁鬆軟，起碼食得入口，尚可啦，仍有進步空間。總結：記得要睇食評，睇完要相信人家的食評。

以前呢間野都仲好！尖沙咀霸王川莊而家簡直係垃圾之中嘅垃圾訂咗枱，跟住入去一個人都冇原來呢間野竟然係「惡夢」叫咗二千幾蚊，冇一樣嘢食得晒全部都有「異味」啲餐具「癡立立」，完全唔明發生咩事菜肉包得菜冇肉鍋貼啲肉生嘅東坡肉甜到不得了，賣相見到都唔想食，肉一啲味都冇，垃圾之中嘅垃圾回鍋肉八成係菜，得幾舊肉白飯都難食過人片皮鴨又老又唔好食你唯一過嚟可以飲啖茶從來未食過咁垃圾嘅食物有四間執笠到得返一間(尖沙咀)永遠永遠都唔會再過嚟食呢間垃圾仲要係藍店免費都唔會嚟食希望佢早日執笠

尖沙咀上海菜環境寬敞，今日5:30來到有兩台客和得兩個樓面，某女侍應耳仔比較不靈敏，要叫多幾次先見到😂茶位$12一位，提供濕紙巾，另收加一服務費以前食開覺得唔錯，現在質素差了><不過好像有節日優惠，晚市7:30很多人預約#山東手抓餅 $33兩位千層蔥油餅的感覺，幾香，淡淡地～#霸王小籠包 $42略嫌皮較以前厚，不過還算多汁，味道較濃#砂鍋雲吞雞 $58一位非常清淡的湯，細細配有一件雞胸和一粒雲吞，1-2棵菜，健康服務質素：5/10環境舒適度：6/10ᶘ ᵒᴥᵒᶅ個人口味評分：6.5/10

好耐無去過尖沙咀，今日出開黎覆診，以前喺尖沙咀返工，經常同埋同事幫襯，自從無喺尖沙咀返工，已經多年無黎過，而家可能疫情關係，以往店舖好多外國客人，但今日除左無外國客之餘，連香港人都唔多，可能疫情，地方比以前濶落，衞生環境都不錯，比以前還要好嘅感覺，今日自己一個人黎到，叫左個$88午市套餐，$88有涼菜，小籠包，擔擔麵，豆漿，小籠包依舊做得非常出色，皮薄多汁，擔擔麵今日好似比以前辣左啲，但味道一流，值得一讚！眼見而家尖沙咀區好多食上海野既店都無左，所以希望呢間仍可撐得住，否則尖沙咀區又會少左一間好味嘅上海嘢

到店口頭同職員講落左片皮鴨先 職員都話左好 後面係落單紙有再剔左要片皮鴨 職員都再確認左話有 結果遲來既客人既鴨都上埋 我地哩台依然係冇 叫人比左錢先張單又將缺貨既菜既價錢照計埋上去 上個月黎幫襯一次又係咁 一心想黎食鴨 結果都係食唔到 好無奈

經同事推介，我今次初嚐霸王山莊Open rice訂左枱，可以準時入席 仲可以全單八折😗😗座位闊落，服務質素都唔錯扁皮鴨/$398 扁皮鴨送上黎既時候已經凍左 凍食感覺麻麻地 值得一讚係鴨唔漏唔肥 食多都唔會打冷震起雞皮。雞絲粉皮同其他舖頭唔同，加左大量花生醬同花生粒，有特色但太濃花生味蓋過左其他食物 整體係不過不失。小籠包皮薄，可以一咬就索到肉汁 但肉味唔夠香濃。糖醋魚係我比較失望既菜式，酸味好足好開胃，但主角：魚 🐟 吸收唔到本身既汁 總結：妹仔大過主人婆

食物味道非常一般😣我哋叫咗個2人餐加松子魚、翡翠苗，套餐有: 2碗雲吞雞湯- 正常、雞絲粉皮 - 花生醬太濃太多、小排骨- 正常，係每嚿骨都好大嚿、蛋白炒飯 - 未見過啲蛋白勁大嚿咁同飯分開晒、個飯又無乜味、小籠包 - 正常, 皮厚左啲、片皮鴨 - 鴨肉比較老、翡翠苗 - 正常、最差係松子魚，條魚又淋又無味，連個汁都冇乜味，完全無酸甜味，好少食到咁差既...另外，好多碗碟都崩晒，好似放蛋白炒飯嗰隻碟，碟邊崩咗一大勿，雖然佢用coating 封住咗，但始終好唔係咁好，其他餸菜用既碟都有差不多既情況。總括而言，浪費出街食飯既quota

這店在漆咸道現址頗有歷史，我哋常响門口等巴士返屋企，見門面冇乜人，一定係貴或唔好食。最近疫情關係 多咗响 fb 見到廣告優惠，終於去試套餐。入內原來內有乾坤，座位都在內裡。先開壺茶🍵叫個套餐先來兩粒小籠包。正常再來前菜和炒飯。烤麩好味，送飯。正章係片皮鴨。特價餐但份量不太少，配麼麼皮（？）都不馬虎，每片之間 夾蒸籠紙。最後，甜品係高力豆沙。甜度剛好，若更大更鬆軟就更佳。餐價 $229 加十二蚊茶位。下午茶也有其他套餐，一個麵加飲品加三小碟。

呢間野係尖沙咀好耐，以前都淨係食佢嘅lunch，今次同朋友約咗食飯決定食日式佢嘅晚飯，朋友非常之想烤鴨，我哋決定嗌左個鴨同湯孖寶餐，外加一個辣子雞，不得不說十分之欣賞佢個湯木瓜魚頭湯，木瓜好甜，魚頭啲肉好滑，個湯都非常之鮮甜，我哋唔止飲晒啲湯仲食晒成煲湯渣，至於烤鴨，就都不錯👍辣子雞都非常之好食

今日中秋節滿心歡喜地去霸王山莊外賣片皮鴨一隻，東玻肉，點知一反到屋企一睇就出事了，東玻肉似係白烚，加小小糖嚟煮， 食落去只係 食出少許甜味， 片皮鴨完全失曬望， 啲肉好(駭)皮好老, 完全唔係一間專食片皮鴨出名嘅店出品，失望！

唔酸唔辣既酸辣湯麵，失敗，湯麵啲湯少到似撈麵係咪慳皮慳成咁呀，失敗，份量勁小，失敗， 仲要加收2蚊外賣 仲以為咁大方畀七折，今次第一次寫食評就係唔想有其他人中伏，唔怪得 執淨一間，

Tea time時間好肚餓，有好多嘢都想食，最好樣樣都有啲就正，行過見到頭盤可以有3樣揀，有隻小籠包，好出名既紅燒牛根腩麵一大碗，啱晒我胃口，，頭盤：雞絲粉皮粒粒花生醬香噴噴，爽滑粉皮青瓜加少少雞絲，春產雪花海蜇頭爽脆口感，厚切細粒好清新，水晶鎮江淆肉唔會好酸，剛好帶出咸香，好似薰蹄既感覺，小籠包皮好薄，肉好滑，湯唔少超juice，主角紅燒牛根腩麵出場，雖然係tea set 份量唔孤寒，牛筋腩有7件，五香味濃又好林，伴菜蛋絲同平時正價食一樣，幼麵吸收哂腩汁，下次試吓粗麵先