影片
食家推介
相关文章
去过尖沙咀𠮶间唔错 今次有幸9点飞走前去霸妈拉面，真系一个好正嘅体验！我点咗鸡叉烧味玉鸡白汤拉面，首先汤底真系好正，白汤浓郁，喝落去有种温暖嘅感觉，完全唔会腻。鸡肉叉烧切得薄薄一片，咬落去超嫩滑，肉味好鲜，真系令人想一口接一口。面条方面，我拣咗软面，滑嘅程度啱啱好，啖啖都吸住个汤，真系食得好满足。而且配料唔少，啲青葱同埋海苔都增添咗唔同嘅层次，食落去口感非常丰富。饮品方面，我试咗静冈蜜瓜苏打，味道清新又香甜，唔会太腻，啤啤的感觉好舒服，正好可以解腻。每一口都好refresh，令我嘅味蕾更加活跃霸妈拉面嘅环境都几有日式风情，装潢简约又几靓，令我感到好放松，适合一个人静静享受或者同朋友聚餐。整体而言，霸妈拉面嘅食物质素高，服务又友善，绝对值得再来。
继续阅读
终于都有假期可以离开一下香港上机前过完海关喺food court揾食医肚平日下午人流唔算好多 揾位都算轻松拣咗食呢间霸吗拉面久仰大名 但一直都冇机会试虽然系food court 铺头唔大 但装饰几有心思满满日本拉面台店嘅木枱、红布拉面碗又放满枱面犹如置身日本炙烧豚肉味玉拉面$125卖相好靓 见到都流晒口水先试汤头 非常浓郁 香味涌晒出嚟 饮起嚟浓而不腻豚肉烧得微焦 食落去嫩滑 豚肉味道几突出拉面系幼面 食落亦爽弹 挂起汤汁食好正仲有原只溏心蛋 入面真系流心架 好正仲有大量日本笋 增加口感跟餐仲有枝豆同汽水枝豆份量都好多 食完好满足鸡叉烧味玉鸡白汤拉面$125鸡白汤汤头相对较清爽 鸡叉烧亦都系好嫩滑 较豚肉更软稔配菜有大量木耳丝 有咬口饮饱食醉上机就可以狂瞓
继续阅读
好抵呀😆😆😆今日去旅行，临上机前喺禁区揾野食时发现到呢个好地方😁😁皆因见到佢性价比超高，叫一个拉面会送一客枝豆和饮品，成日以为机场食野贵，呢间餐厅就颠覆咗大家嘅固有思想😊😊我同朋友叫咗两客拉面，有野食有小食，加埋都系$250😃😄😄灸烧豚肉味玉拉面- 好味！ 汤底浓郁扑鼻😍😍豚肉仲啖啖肉😍😍拉面份量又足😆😆 推介👌🏻👌🏻👌🏻鸡义烧味玉鸡白汤拉面- 朋友叫呢客😀😀 佢话好钟意果白汤，我见到果貌相都唔错😀 等我下次又叫先😝😝😝霸吗拉面 (香港国际机场) (赤𫚭角)赤𫚭角畅达路1号香港国际机场机场一号客运大楼 (禁区)东大堂7楼7E162号舖
继续阅读
今次坐五点机，搅掂check in手续唔食d野顶唔到落机，所以即刻去揾野食，系机场都唔敢谂有咩平靓正嘢食，但求正常就算，去到food court个位比我见到霸吗拉面，去望下价钱同餐牌，发现价钱系机场黎讲算合理，就决定食返碗拉面拉面一共有四款，都系一啲比较岩大众口味嘅款式，有辣有唔辣，我就拣咗个唔辣嘅炙烧豚肉味玉拉面，跟餐仲送枝豆一份同饮品，可以拣汽水或水，配料可以另外追加，价钱算合理，整体性价比都几高，如果系搭廉航嘅话食完先上机就啱啱好跟餐有枝水，连买水都悭返因为下午机场人唔多，好快到可以取餐，拉面未食都闻到好香，叉烧好厚肉，煮得好入味好”淋”，油脂分布刚刚好，唔会食两啖就觉得腻，味玉水准都好高，蛋味好浓，流心好正呀面质方面唔算太硬，个人唔中意食煮到淋晒嘅拉面，呢碗面硬度刚刚好配埋汤底食到停唔到口，汤底系豚骨汤，好浓好香，成碗面嘅份量都好够，食完之后好够饱，如果钟意食辣嘅朋友，可以试吓佢将个辛辣汤底，应该都好香浓跟餐送咗一份枝豆同饮品，枝豆味道正常，喺机场黎讲呢个价钱有拉面，又送小食，仲有嘢饮，份量又足，性价比真系好高另外再试多个新出嘅小食，一个系北海道芝士薯饼，仲有一个鸡肉软骨串卖晒无得试，有d可惜芝士薯饼好有惊喜，外皮热辣辣，炸得好香脆，薯饼蓉好滑好重芝士味，咬一啖个芝士馅爆晒出黎，好正，食绝对值得一试虽然好想试另一款拉面，但一个人食唔到咁多，唯有追加一份鸡肉叉烧试下，鸡肉叉烧肉好扎实，肉好嫩好有咬口，食落好满足， 加埋佢落拉面汤度食好惹味，几有水准临上飞机食饱饱，岩晒性价比高，推荐大家一试
继续阅读
由于今日放工要直接去机场飞离香港冇乜时间，所以选择咗喺香港国际机场食个快饭，入咗禁区大堂之后见到霸吗拉面好耐冇食之后又要飞欧洲冇乜亚洲野食，于是就食完先上机。我哋喺禁区大堂food court行咗一阵，眼见其他餐厅定价都10分昂贵，霸吗拉面性价比非常高，基本上同市区冇乜分别，一个拉面加支同一支嘢饮都只系$125起,我哋一行二人由于唔想食两个拉面，于是就叫咗个小食芝士忌廉薯饼，加配一个味玉同2支野饮。拉面份量10分足够汤底浓稠又唔会过咸，即叫即煮热到十足，其他拉面店汤底唔够热会影响拉面质素。芝士忌廉薯饼有两大块切开嚟芝士仲系半溶状态非常香口，另外我哋都叫咗两支日本饮品可以拎上飞机。大家如果乘搭廉航可以嚟食咗个拉面先,好过上机冇嘢好食。
继续阅读
您可能会有兴趣的...