影片
港铁火炭站 D 出口, 步行约6分钟
继续阅读
电话号码
36184536
96527033 (WhatsApp)
营业时间
今日营业
08:00 - 15:30
星期一至六
08:00 - 15:30
星期日
全日休息
公众假期
全日休息
公众假期前夕
08:00 - 15:30
以上资料只供参考，请与餐厅确认详情
食家推介
招牌菜
之前餐厅老板话出咗款新蛋糕，我见到张poster已经觉得我唔会有机会试到呢个cake，因为我几乎次次都系一个人嚟。😥今次终于有机会啦，日本同事生日，我哋几个人订咗呢度同佢庆祝生日，我当然成机话订呢个鲜果脆脆咸奶油蛋糕啦！😂我哋叫咗日式蒲烧鳗鱼饭，我平时好少会食蒲烧鳗鱼，因为怕啲汁好甜又惊啲鱼有骨。今日呢块鳗鱼又大又厚仲冇骨，啲汁唔似一般出面买𠮶啲一层好甜厚厚铺喺面，而系均匀扫喺鱼面，块鱼肉质鲜嫩，味美而不浓，上面啲芝麻令成个卖相同味道加分。😋😋每次嚟都好想试新嘢，今日试咗呢个挪威比目鱼白汁海鲜焗意粉，个焗意粉面头金黄色𠮶啲就系我最钟意食嘅芝士，啡色𠮶啲系炸完再焗嘅菇，入面啲海鲜真材实料。比目鱼厚肉嫩滑，意粉口感唔会太腍，如果你唔系一定要啖啖肉嘅，可以考虑试呢个。😋😋👍🏼👍🏼上次嘅经验话我知，炸鸡一定要尽快起哂啲鸡胸肉，我好快手就搅掂咗，果然啲鸡胸肉系嫩啲。我估唔到我个日本同事竟然钟意食梅菜扣肉，我唔系好敢试呢啲咁邪恶嘅嘢，自己一个就更加唔会食，今日有机会试吓啦😅。梅菜唔太甜，扣肉入口即化而且唔会好油腻。最后到主角出场啦，打开个盒发现个蛋糕同张poster唔同样，老板埋嚟话因为啲士多啤梨唔靓，所以转咗啲生果，完全冇谂过佢哋系咁贴心。🫶我平好少食甜嘢特别系奶油蛋糕，但系呢个就完全唔同，唔单止唔系好甜，啲奶油好滑，入边啲脆脆令个蛋糕食落好有层次感。虽然话要$398，不过个蛋糕直径6吋三磅重，计返条数，其实唔系好贵，重点系好好食。😋😋😋P.S. 我哋差唔多两点先去到餐厅，食完晒饭嘅时候餐厅入面唔系好多人，切蛋糕𠮶阵仲有啲餐厅职员过嚟唱生日歌。🎉🎉🎉🎂🎂🎂🎊🎊🎊
继续阅读
一连几日嘅复活节假期完结，又要回归返工嘅日子，每次返工都要谂去边度食晏，又谂唔到有啲咩idea喺边食？于是沿住条坳背湾街斜路一路向下行，行到中间金豪工业大厦见到露丝咖啡既易拉架，睇落有好多午餐可以选择，于是就上咗露丝咖啡食晏，上到12楼好易揾，系一个相连单位餐厅，门口有个货架摆放咗盒装嘅汤包，餐厅人流都好多，但系等位都唔算耐， 5分钟左右就有位，坐低见到餐牌有10款以上嘅餐，今次叫咗个海鲜鸡扒喇沙米线，味道都唔错，下次可以再嚟食过。海鲜鸡扒喇沙米线喇沙卖相吸引，份量十足，鲜虾带出喇沙嘅味道香浓，最欣赏系豆卜可以吸收喇沙汤嘅精华，可以encore再食
继续阅读
【沙田区】【露丝咖啡】讲讲吓好似好耐冇做火炭工商业区系列，不过大家体谅吓，我唔系成日有机会过嚟呢边做嘢，系有一排多啲咁解。所以就冇得好恒常咁出，又或者咁讲，呢排连红馆系列都少咗机会做，做我呢种 foodie 系真系好难架其实。咁今次讲呢间火炭工商业区入面嘅餐厅系一间西餐嚟，乜都有得食𠮶只，选择都相当之多。我因为做嘢关系实情都去咗呢间嘢四五次，不过有影相嘅就得两次，所以就讲呢两次啦，我觉得都好够架喇，附近又冇乜类似选择。两次我都系食午餐嘅，呢次见到农夫包觉得好吸引就想试吓，因此就叫咗 $108 嘅「清酒白汁海鲜芝士焗农夫包」，个汁几香几好食，芝士味都有。加 $5 配埋「冻姜蜜」一齐食，感觉唔差，虽然 $113 喺工商业区好似唔算平。我最想食嘅始终系扒，之后有次就食咗 $78 嘅「美式黑椒汁肉眼扒」跟「薯菜」，仲有「粟米汤」送。上菜系茶记薄牛扒 feel，成件事即刻冇晒 mood。加 $3 饮「热咖啡」多奶，咁样就 $81，咁样食法成件事就唔算好抵喇。其余嘅用餐体验，我记得都系平平无奇，所以冇咩好写。本身系想再食一次先写，但睇落已经冇乜机会，再加上喺美国返嚟之后严重脱稿，有乜就写咗先喇。唔知咩事，而家做亲乜嘢都提唔起劲同速度好慢，睇嚟似外国人喇。。。（地址：火炭坳背湾街14-24号金豪工业大厦2期12楼G号舖）#1amfoodie #foodie #hkfoodie #thatfoodiething #hkfood #food #foodlover #delicious #foodies #tasty #globaleats #followforfollowback #love #eat #1am沙田区 #火炭 #露丝咖啡 #RoseCafe #午餐 #火炭西餐 #清酒白汁海鲜芝士焗农夫包 #冻姜蜜 #美式黑椒汁肉眼扒 #粟米汤 #热咖啡 #1am火炭工业区 #1am0920 #1ambackup
继续阅读
去到火炭工厦重阵，难得揾到一间坐得舒服少少，冇咁赶客嘅餐厅。单睇餐牌真系好多选择，原来依间系火炭办公室名物。食物方面 - 午餐照烧鸡扒鲭鱼饭︰加购餐汤已经有四款选择，罗宋、忌廉、南瓜、仲有一款汤唔记得。原本想点南瓜，听讲太受欢迎，已经售罄了。最近试基本野 - 罗宋汤，意外惊喜。绝对唔系是旦求其例汤咁简单，满满一碗浓汤加杂菜料，几粒真正牛肉粒。饮起嚟舒服，香浓牛肉味，酸甜度刚好，令人开胃。大件厚鸡扒肉质嫩滑，又唔会雪藏到完全无鸡味。鲭鱼外围煎得脆口，厚厚一层鱼块，用料十足。少少鱼咸香，细心附上柠檬块好开胃。照烧汁微甜浓郁，白饭偏湿软，加上蛋丝增添味道层次感，无意间就食晒全部白饭。总结︰工厦区一般餐厅都系打工仔速食店，露丝咖啡唔赶客，座位算阔落，上餐速度快。如果跟同事一齐午餐，可以选择慢坐亦能快食，两者兼得。价钱相宜、食物味道、材料质素、份量等，全部都用心制作，性价比中高。
继续阅读
露丝咖啡嘅咖啡系咪好掂我就唔知喇，不过佢嘅西餐又真系几唔错㖞。露丝咖啡占左1/4层工厦，出䢂一转左就会见到佢布置得好靓嘅走廊，同埋殷勤嘅侍应，成个气氛好轻松。不过我就黎叫外卖嘅，佢午餐牌有成20几个餐，花多眼乱最后拣左个三色芝士焗吞拿鱼烟肉螺丝粉，加$5配个热姜蜜。可能系焗野等左都差唔多20分钟，不过拎到返屋企重好热辣辣，佢个餐重有个罗宋汤，味觉酸酸地带少少甜，好好饮。个焗螺丝粉真系好够热，芝士味咸咸地咁好够味，有啲青红椒丝同西芹丝，吞拿鱼够多，烟肉有煎过够咸香，整体黎讲系唔错嘅焗螺丝粉。姜蜜都够晒姜味同够热。一定会再帮衬🙂
继续阅读
您可能会有兴趣的...