影片
港铁中环站 C 出口, 步行约3分钟
继续阅读
电话号码
25227611
附加资料
霞飞飞特别引入京、川、沪地方菜，以传统精致烹调手法炮制顶级美馔，务求满足一众老饕的味蕾 !
营业时间
今日营业
11:30 - 15:30
18:00 - 22:00
星期一至日
11:30 - 15:30
18:00 - 22:00
以上资料只供参考，请与餐厅确认详情
有关奖赏计划
相关文章
最近同朋友去霞飞飞食饭，其实几年前嚟试过，最近不约而同听到身边有人推介好评，所以再约朋友嚟试，估唔到仍然保持水准之上，今次仲有惊喜！我哋试咗个新推出嘅松茸浮萍鸡豆花，汤底超醇厚，个汤好清但好香菌香味，超级有惊喜、原来中间𠮶旧系由鸡肉整成嘅豆腐花质地嘅肉，好滑，一啲都唔嚡！呢个真系大癫！我同朋友都赞不绝口！之后再上网睇返，原来呢个系失传嘅经典手工菜式，好欣赏佢哋仲肯做呢啲怀旧菜、而家真系买少见少！主菜我哋就继续encore我最爱嘅干煸辣子鸡，一上枱已经闻到好香，味道系先麻后辣，鸡肉唔会太细粒，仲有好脆炸过嘅腰果一齐炒过再上枱，真系𩠌酒一流！不过朋友唔食得辣、所以就嗌咗小辣，但冇影响口感同风味，依然好惹味！仲有糖醋虾球，完全估唔到个虾球劲大粒、外脆内嫩、酸甜味啱啱好。豆汤半翡翠苗，冇谂过个汤底系豆浆汤底、夹埋翡翠苗度估唔到系咁夹！食饭当晚都有几张大枱喺包箱入边庆祝生日，气氛好好！原来都几适合家庭聚会、或者带啲识饮识食嘅朋友嚟试吓，食物质素系有信心嘅保证！估唔到第二次造访，无论食物质素定服务依然保持水准之上，仲见到佢哋有加入咗好多新菜式，可以继续encore！
继续阅读
🐑腌青木瓜前菜-以为系青苹果，又以为系番石榴，一问之下原来系腌酸咗嘅青木瓜。自家腌，醒胃、好味。🐑砂锅馄饨鸡-鸡汤好浓味，鸡肉煲完汤亦唔会太柴，原原本本可以食得晒。可惜个馄饨馅调味太多糖，好L怪。叫咗经理问师傅，佢哋话系正常味道🤷🏻。馄饨味道唔得，推而广之，所有猪肉馅料嘅包点，包括小笼包、锅贴、生煎包等，都唔会掂，唔好嘥气。🐑韭黄炒鳝糊-坚系掂，食第一口哗咗6声。🐑排骨担担面-面质可以。面汤好够色，以为好浓味，点知淡而无味，其在麒麟怪。我嘅估计系咁，呢个面点师傅应该就系朝头早整粤式点心𠮶个师傅，粤式同沪式嘅做法根本大相径庭，佢Handle唔到，所以做出嚟嘅嘢就变得古灵精怪。一个建议，夜晚嚟呢度食饭，唔好叫面，唔好叫包点就Ok。
继续阅读
多得阿姐请客，可以扯佢衫尾试下呢间餐厅。一行几人浩浩荡荡去开饭。装修企理，餐牌设计及颜色配搭都几特别，价钱尚算合理。服务亦算不错，侍应姐姐有礼及招呼周到，非常主动提供协助。值得一赞。炸千里香豆腐 - 亦即是炸臭豆腐。豆腐炸得非常脆，豆腐味浓。如果喜欢食臭豆腐的话，呢味一定会满意。凉拌麻辣莴笋及土豆丝 - 清新凉拌菜非常适合中和及清一下炸臭豆腐带来的味道。荠菜鲜鱼羹/ 文思豆腐羹 - 餐牌有文思豆腐羹，当然要试试。要将一砖软滑的豆腐切成幼丝就知道讲求刀功精湛，刀功稍差都难以完成。豆腐不仅绵滑得入口即溶，汤羹鲜甜，的确算是齿颊留香。另外还点了荠菜鲜鱼羹，暖和的鱼羹清淡中啖啖鱼鲜香，非常适合呢个天气。韭黄炒鳝糊 - 中规中距。糯米炒膏蟹 - 绝对不能错过。糯米软硬适中，蟹及酱油味完全渗入糯米之中，非常惹味。去骨樟茶鸭半只 - 外酥内嫩，肉质不错，充满淡淡樟木茶叶特殊香味味道。富贵烤双舫 - 蜜汁火方的确不错。主角金华火腿咸香中搭配冰糖蜂蜜汁，甜甜地，非常可口。热腾腾馒头夹上一片蜜方、脆腐竹，这算同区中较为出色的火方。小笼包 - 皮薄，但肉馅仍有进步空间。桂花酒酿小丸子 - 少数会放入橘子，算是几特别。蛋白杏仁茶 - 味道不甜偏淡，还好。
继续阅读
朋友提议在中环吃晚饭，想不到吃什么，就不如来个大集汇。主打京川沪菜的餐厅，在香港曾经掀起一股热潮，其实真正吃什么菜，也不太清楚。咁就不如直接打开餐牌了解吓！炸千里香豆腐原来即是臭豆腐！未必人人接受到，但我哋都觉得好香口，尤其加埋啲辣酱。𠮶度。凉拌麻辣莴笋及土豆丝系味道正常嘅蔬菜选择。因为各人想饮嘅汤都唔同，所以点咗一碗碗位上的，荠菜鲜鱼羹/ 文思豆腐羹/ 时令炖汤，个人认为个炖汤比较出色，海底椰甘笋茨实炖鸡，够清润；反而个荠菜鲜鱼羹啲胡椒味略嫌有啲重，盖过鱼嘅鲜味。朋友见到手掌咁大嘅红烧原只花胶扒即双眼花光，感觉好高级，相信呢道菜系属于广东粤菜系列。好耐冇食过韭黄炒鳝糊，以前去上海菜馆必点，唔会炒到好油腻，味道ok。糯米炒膏蟹应该系全餐最有惊喜，以呢个价钱，只蟹比想像中大只同多肉，同糯米一齐炒得几好味。去骨樟茶鸭只点了半只，怕食唔晒，外皮都几脆，加上已去骨，加埋啲酱用蝴蝶饼夹住嚟食，都几香。小笼包好多汁，皮唔算最薄但亦唔厚。甜品有个七彩冰粉，荔枝同菠萝都应该系罐头货，唔算出色。下次都系叫番啲传统嘢例如高力豆沙同豆沙锅饼之类。
继续阅读
突然同朋友讲起好想食蜜汁火方，search下港岛区有咩餐厅有呢道上海菜，然后就拣左中环一间京川沪菜《霞飞飞》试下。从来未去过万邦行入面，入到去已经觉得有怀旧嘅感觉😂 好似返番去以前年代嘅旧舖。餐厅唔算大，装修走中价路线，装修四四正正，入去就听到播住邓丽君嘅歌，侍应有礼貌招呼周到，成晚主动更换碟同餐具👍🏻总括嚟讲食物满意，性价比唔算高但合理，如果每样食物将细节再提高，相信更有竞争力。
继续阅读
您可能会有兴趣的...