雲貴軒米線專門店

营业中

休息中

香菜饺子配香菜🥦净香茜饺🥟爱吃香菜的，这次真的有福了！不仅上面盖满了大条的香菜，这个肉馅也是吃着口口有菜🥬，不仅格外的清香，而且还带来了脆爽多汁的口感，独特的香菜气息是欲罢不能🫣湛江小排骨红薯粉🍜小波浪的红薯粉超爽滑饱满、挂满了汤汁，而排骨咸香软糯，腐乳的鲜香浸入到了排骨的每根肉丝，在嘴里一呡脱骨，与粉条完美结合♿️是中式快餐的好吃

好耐冇去食，昨早約兩位朋友食早餐，朋友話去這間諗住比起其他附近食肆坐得舒服d, 一入去已經嚇一跳，全部枱都係一個人坐，冇4人吉枱（除左我朋友坐果張），朋友坐響其中一張四人枱有人坐嘅斜角位，咁啱我行到入去隔離張二人枱人走，我就坐低坐去二人枱，跟住坐隔離枱個朋友來同我坐埋個張二人枱，未叫野食，睇緊餐牌啫，隔左一陣，另外果位朋友都到了，行左埋去我地度企左響度，跟住有位侍應走埋黎同我地講［唉！你哋係都要坐埋一齊嘅] 跟住佢至叫對面張四人枱個女人坐過去隔離果張冇人坐嘅二人枱度。侍應唔係要安排好坐位比客人坐，仲要話返我地好要一齊坐，三人黎唔通要分三張枱坐？

食個lunch 睇距坐得寬闊無咩人點知真係好伏 我係元朗同一間已經伏過一次 估唔到原來唔係間野問題 係成個集團/全分店問題首先，酸辣米線係超級酸 米線碎既 豬排係好多黃色肥膏仲要d內地阿姐態度惡劣 問有無紙巾姐 洗5洗咁唔耐煩呀！非常建議大家唔好重蹈覆轍

我知道佢嘅米線好食 今日嚟到富健花園睇醫生登記咗要等一個鐘 所以有時嘆個早餐一於入呢間雲貴香試一試佢😋米線 米線不過佢早餐無正常米線option 收哂早餐 常餐嗰種我揀左佢嘅沙嗲牛肉米線 凍檸茶 奶醬多都到試埋 好耐無食過😅🥰我覺得佢早餐 沙嗲牛肉米線都正常無話特別好食 可能唔知係咪我食過屯門最好食嗰一間 所以覺得佢普通啲奶醬多就好好味嘅 多奶多醬搽得好均勻 正！下次要嚟食佢嘅米線先🤣都諗好叫咩餸㗎啦 炸醬肥牛酸辣米線😋

啱啱跑完步經過龍門居個，肚仔有啲餓就決定喺龍門居搵食，咁啱撞正下午茶時段咁朋友就建議去雲貴軒度食下午茶，因為佢話上次食過呢間嘢都唔錯。我哋兩個人嗌左一個芝士漢堡配脆香雞翼，另外加$8可以加倍一款撈米線，我就揀咗台式肉燥撈米線，朋友就揀咗碗仔翅撈米線。餐飲方面呢就一日嗌咗一杯特色飲品。個漢堡包係用豬仔包來做包皮，雞翼都揸得唔錯，個感覺唔似食雲南嘢次食港式嘢但真係幾得意同多元化。米線煮到好滑，唔會太淋啱啱好。肉燥味道十足唔會太鹹。碗仔翅個玩我就冇試過，但係聽朋友講都唔錯。我就帶咗柚子特飲朋友嗌咗芒果特飲性價比都真係好高。買單啱啱好$100 ，個餐包咁多嘢食真係好抵，睇埋佢個晚餐牌，下次到真係上嚟試多次佢嘅晚餐。龍門居嘅朋友仔都建議黎試吓，因為好少舖頭咁有心會有咁多款嘢食俾你揀。

米線店總有一間係左近，但有得食魚肚嘅真係無乜😂餸嘅選擇都有好多，我通常食一餸，A先生食三餸再分啲俾我🤣🤣個人認為佢哋嘅湯米線同紅薯粉好食過撈，之前食過撈真係唔太掂🤭·🍜四川酸麻紅薯粉($46)呢款湯底本身包左炸醬、花生、榨菜同芫茜，仲包左一個餸，我每次都係食豬腩肉(+$1)，豬腩肉本身帶少少辣，所以湯底我要小辣就夠了😂呢個價錢仲包一杯熱飲架～·豬腩肉好薄切，切到好似肥牛咁，大大塊，好入味🤤🤤A先生仲另外叫左魚肚，俾左塊我試，我放係湯浸一陣浸淋啲最後先食，如果第一時間食未索晒湯汁無咁好食架🤣索晒湯汁夠晒入味🤤薯粉煙韌彈牙，炸醬都唔錯，花生就有啲好脆，有啲就淋左😂

1月1號元旦日 假期，踏入2021年，希望疫程快快消失，人人開開心心過日子 😊okay 在家無聊，做咩好呢！去 high tea 吧近近哋，🏠 下面 雲貴軒米線專門店剛剛好，有個小小二人雅座店員告知，更新咗 menu, 可以試試，也是不錯的芝士鮮牛肉炒蛋治 $31三文治烘了，賣相吸到炒蛋夾住新鮮牛肉片，加埋濃濃芝士味好吃😋 豐富口感蜜糖雞翼拼手抓餅 $32嘩！全隻雞翼，烤得好，我鐘意甜甜哋，少少蜜糖味薄薄手抓餅，可以查吞拿魚醬，增添滋味奉送餐飲： 熱🍋水，酸酸哋，醒神

一連四天復活節假期快結束，今早想落街逛逛先食個豐富早餐，雲貴軒米線專門店8 搭 3重奏 （ 1、2、3 各選一款） $33沙爹牛肉麵😍惹味汁，牛肉嫩滑，麵 煮得幾好，仍有兩條白菜仔煎 火腿 太陽蛋 香脆 牛油 熱辣辣多士，好味餐飲： 必選 熱奶茶，香滑 美味飽飽啦！ 出發 ...

如果要附近的好味早餐，除咗民華餐廳，雲貴軒米線D早餐也是我三甲之選。不過呢度D服務員D態度就真係好麻麻啦! 唔夠人真係死穴，入到去永無人同你揾位，揾到位，叫人落單都有排! 凍奶茶呢間Ok，但熱奶茶略嫌唔夠滑。腸蛋多士配雪菜雞絲米線，都幾好味，腸蛋都係嗰D野，好食，多士熱上又脆加分，而米線真係好滑溜，湯底又唔差，雪菜雞絲幾惹味，米線專門店，早餐叫米線實無衰。另外佢有個沙嗲牛肉公仔麵，D沙爹牛整得好入味，牛肉又夠腍，另外D大光麵佢煮得好彈牙，好好食，沙嗲牛麵正! 另有個芝腿治，都好好食，但你D嘢一折折上甘，唔係太惦!

屯門龍門居雲貴軒下午茶28元下午茶價錢實惠啊被黃金西多士吸引，注明用咸蛋黃製成。剛放上枱面，陣陣香味，奇怪是配練奶原來D牛油有咸蛋黃加上練奶十分合配的，吃不停口一個下午茶餐，有熱飲，加七元更可有米線一碗，十分滿足的。

雲貴軒係全港都開咗好多分店，每次經過呢間係我屋企樓下嘅雲貴軒個陣都見到好多人係到食嘢，於是我就決定同屋企人去食翻個午餐啦等咗成幾個星期，呢間雲貴軒今日終於都裝修好啦！！！！裝修完簡直成間冰室咁，但又不失雲貴軒之前嘅風格由於我好鍾意食蕃茄，任何蕃茄製品我都好鍾意食於是我就叫咗最新推出嘅鮮牛肉鮮茄湯米線啦！佢嘅鮮牛肉略厭有少少唔夠滑，但佢嘅湯底真係有好鮮甜嘅蕃茄味除咗主菜之外，佢嘅配菜都值得一讚，有粟米同木耳，兩樣都好有咬口

如果係青山醫院嗰頭返工都會知道……中午想去揾嘢食的確有啲難度……最近都要行到建生廣場一路跟google map好努力咁係一舊雲都無嘅紅太陽下行到去都用咗我十五分鐘不過去到竟然有驚喜，因為建生廣場都算幾多餐廳!仲俾我揾到雲貴軒有我最愛嘅薯粉食!於是就好開心咁衝咗入去叫嘢食佢個酸辣湯粉無令我失望，個湯酸度同辣度啱啱好，薯粉又好QQ!!!花生算多，又出到芫茜嘅味，川味十足 冷氣又充足，為熱到傻嘅我帶嚟咗一點慰藉!!只係無紙巾提供俾客人食完抹嘴 貼心度差少少

🦄雲貴軒米線專門店🍃-蠔皇冬菇蘿蔔上海麵🍜HKD48Rating🌕🌕🌕🌕🌑鹵水雞翼肉燥飯🍚HKD43Rating//- --心血來潮好想食佢既上海麵😗 就叫左冬菇上海麵再加一個餸 蘿蔔 😬 加餸要加$7 好在蘿蔔都叫做大舊既我覺得😂 蠔皇冬菇真係幾入味 冇改錯名 就算我唔落湯齋食蘿蔔 舊蘿蔔出乎意料之外都好入味 啖啖精華咁唔係白灼蘿蔔來🤔🤔上海麵麵質彈牙 一向食呢間野鍾情於上海麵多過米線🙈🙈 今次冇走青走芽菜個啲 但竟然食到有薑🤦🏻‍♀️🤦🏻‍♀️ 本人唔中意食薑 如果佢冇咁就真係perfect池喇😥

菜肉雲吞豬骨湯紅薯粉Hkd 47Rating🌕🌕🌕🌑🌑-又係雲貴軒😂其實都冇咩好介紹 啲米線專門店來來去去都係呢啲🤦🏻‍♀️🤦🏻‍♀️ 雲吞有3粒 Size偏細 都係一口可以Ko一粒🤧 早幾年食仲好大粒架Haha😴 薯粉份量都叫足夠 但叫薯粉要+$2 如果唔想食米線我個人好推介食上海面 煙Un感十足😻😆配料//芽菜韮菜香茜//都走曬得返酸菜🤧 清新健康推介🤦🏻‍♀️😂 豬骨湯湯底味道會較清但食食下都會Feel到啲膠質 不過冇咩特別😂 Menu就寫話豬骨湯用左豬骨+老雞+赤肉+大地魚煲成🤔不過食就好難食得出咁多料既😂😂😂-其實多數人都叫酸辣or麻辣湯底😇但我就冇食過話唔到比大家知佢係點😭🤦🏻‍♀️餸既話推薦豬大腸同豬軟骨(N耐之前食過) 加餸+$7 之前曾經有豬耳都幾好食架😬😁

話說近月轉左工去屯門返工，lunch time都係公司附近覓食，今日就黎到龍門居。龍門居都幾多嘢食，今日試左呢間，佢有飯食，又有紅薯粉呀米線呀咁，我就比較中意食紅薯粉，就點個蒜香雞翼撈紅薯粉（配麻醬）！其實都幾大碗！紅薯粉煙韌唔會太淋，佢個底已經有少少汁，加埋麻醬簡直就係香上加香！雞翼炸到勁脆皮，熱辣辣，勁好味！事關真係太大碗所以只係食左半碗粉！比較細食嘅可考慮叫少粉～加埋凍飲盛惠$48蚊，lunch黎講呢個價錢算係合理啦！