雲理牛肉米線

营业中

休息中

成日聽人講觀塘有好多好嘢食，今日經過觀塘廣場，就嚟試吓雲南米線⭐️生滾牛肉米線 （牛舌拼牛白肉）有5款湯底可以揀，分別係牛骨湯、四川麻辣湯、雲南酸辣、雲南香草酸湯同胡椒豬骨湯，係職員介紹下，揀左牛骨湯，因為話係用牛骨煲左好多個鐘，黎到果然冇失望，湯好入味，牛味濃郁，而且仲好甜，而且牛都好新鮮⭐️生滾吊龍牛肉河粉 +鮮牛丸依個特別要讚嘅係佢個牛味同口感，口感好滑，生滾的煮法更拎到熟嘅情度恰到好處，而且牛味都好濃郁最後飲品叫咗凍檸樂同荔枝茉莉花茶，同埋發現佢有個好抵食嘅下午茶餐，只係30幾蚊，下次會再嚟試

觀塘廣場本身啲嘢都唔貴，今日行過就見到有一間六十零蚊就食到好多唔同部位嘅湯麵舖😆😆 牛三寶紅薯紐紐粉 $72入面有齊哂鮮牛肉，牛丸，牛爽腩，見到碗麵嘅時候有驚喜😂因為原來仲有豆苗同響玲😚👍🏻好有心思！！響玲吸哂成個湯，好好味🤤！好欣賞呢度能夠自己揀每個牛嘅部位，吊龍牛爽腩都好有特色，不過整體嘅牛肉牛肉味都好強！湯底都有雲南麻辣嘅風味，係注意小辣都真係已經有啲辣，所以唔食得辣嘅人留意😂荔枝茉莉花茶($7)跟餐點所以平啲！！食完啦，飲返杯茶舒服晒👍🏻👍🏻牛爽腩拼吊龍 $68里碗就叫咗牛骨湯，味道相對清淡啲！啱晒健康人士👍🏻爽腩有肥瘦好好味，又唔會好鞋！吊龍比較爽口👍🏻滾到啱啱好，仲有啲嫩👍🏻👍🏻豆漿 $7竟然係一支鴻福堂嘅低糖豆漿😍好抵咼！！📍雲理香港觀塘開源道68號觀塘廣場地下G29號舖

🌸清燉牛肉+ 牛爽腩拼鮮牛肉牛骨湯米線+凍檸樂！湯底清澈味道清甜，唔會太油膩，亦唔會太鹹！牛爽腩口感爽脆，帶有少少肥肉同埋筋！米線爽口彈牙，呢一款米線適合鍾意清淡唔喜歡太重口味嘅人！！🌸豪華牛肉+ 牛三寶牛骨湯米線都幾足料，牛三寶包括有鮮牛肉，牛丸同埋牛爽腩，牛丸口感好彈牙有肉汁！仲充滿濃濃嘅牛肉味道，米線入口爽滑，唔會太腍！食完都幾飽肚呢！！🙋🏻‍♀️餐廳上菜速度都幾快，餐廳店員服務態度都幾友善呢！

話說喺觀塘做完運動，揀餐廳真係件困難事——要健康、清淡又唔失美味，仲要價錢合理，簡直係挑戰人生！👀 點知，就喺對面發現咗一間新餐廳「雲理」，見到有牛肉湯粉，清清地，好似啱我胃口，即刻衝入去試吓～💃我叫咗個牛三寶米線，配搭有牛丸、牛爽腩同鮮牛肉，簡直係「三寶合體」！🥩💥 飲第一啖湯，清甜又帶少少鹹香，完全無味精味，真係飲得健康又滿足。牛爽腩好彈好爽，有啲部位仲脆卜卜，質感超豐富；至於鮮牛肉，新鮮到上枱仲微紅，落咗熱湯慢慢熟，仲將鮮味融入湯底，飲到停唔到口！牛丸亦係真材實料，咬落有肉汁爆出嚟，令人一試難忘！🤤朋友叫咗牛爽腩拼吊龍，同樣好食，吊龍口感肥美啲，啱晒鍾意濃郁口感嘅朋友。🌟 每碗湯粉仲有時菜，今次配上豆苗，菜量多到冇得輸，豆苗焯得啱啱好，增添咗一層清新感，食完都覺得冇負擔，健康感爆棚！🌱一間健康又滿足嘅好選擇，尤其適合運動後嚟補充能量。價錢合理，食材新鮮，湯底無味精，絕對值得一試！💯✨

觀塘最近新開米線店，主打雲南牛肉米線！🔥 主打自選混搭風，自由配搭主菜，自選湯底，配料及粉底！更推出下午茶套餐$38包飲品＋小食，性價比炸裂～立刻解鎖主餐牌推薦組合： 🐮【牛小魔王暴走雲南酸辣粉】牛小魔王+配紅薯扭扭粉+雲南酸辣牛小魔王（鮮牛肉，牛白肉，黑毛肚，牛爽腩，牛丸）絕對是「全牛聯盟」：現燙嫩牛肉片✨＋彈牙黑毛肚＋膠質牛爽腩＋脂香牛白肉＋爆汁手打牛丸💥 ▫️紅薯扭扭粉掛滿 🌶️雲南小辣湯——酸菜發酵香勾魂，粉條扭出韌勁，嗜牛者必試～ 🐷【經典豬雜濃白湯魂】▫️ 滷豬大腸軟糯帶脂香＋厚切鮮豬潤嫩如豆腐！ ▫️ 胡椒豬骨湯灑現磨辛香，配同款扭扭粉嗦到「咻～」聲療癒👂 💥爆漿糍粑：脆皮咬開湧出熔岩黑糖漿！好味到形容唔到🍹飲品▫️ 西柚茉莉花茶/凍檸樂

每次去都見到好多人排隊到底有咩咁吸引❓😎好簡單3個字~就係<平靚正>👍👍😚雖然價錢好抵~但質素絕對唔差😎➡️所以吸引到好多👩🏻‍🦰👨🏻‍🦳👦🏻🙆🏻‍♀️唔同年齡層既人嚟幫襯😚環境唔算大，但都唔會覺得坐得好迫，坐得都算舒服👍仲可以手機落單同有面壁位，啱晒ℹ️人嘅我識食一定係食吊籠牛肉同牛白肉😋唔係度度有得食架~牛肉食落好爽口，牛肉控一定要食😋😋配埋爽口米線同足料鮮味嘅牛骨湯底真係無得輸😋😋

平時我食雲南米線，多數係「墨現兒腐三小辣」嗰類口味，今次路過見到一間新開嘅雲南米線小店，仲有吊龍、牛舌、牛胸爽呢啲比較少見嘅配料，即刻入去試。 店舖唔算大，大約十幾個座位左右，間隔簡單企理 ，主打牛肉料雲南米線1. 吊龍牛白肉紅薯粉（招牌四川麻辣湯）$58湯底香辣惹味，辣度同花椒香平衡得幾好，夠辣但唔會嗆喉。吊龍肉軟嫩有肉汁，牛白肉油花平均，食落有牛香而不膩。紅薯粉煙韌有咬口，掛湯力強，非常入味。 2. 鮮牛肉牛丸米線（自家牛骨濃湯）$58湯底清清地，香氣濃郁但味道溫和，不會太鹹。鮮牛片軟腍，牛丸彈牙有肉味，湯同配料配合得好。米線爽滑，吸湯能力高。 3. 黑糖糍粑甜品驚喜位，外層炸得酥脆，咬開係軟糯口感，入面咬開係熱辣辣黑糖漿，微甜不膩，，飯後來一份非常滿足。 每份米線或麵食都會配響鈴，落湯後半脆半腍，吸收晒湯底的味道，好食到唔想停。份量十足，一碗已經夠飽。 真係近期食過最惹味嘅雲南米線之一，湯底有層次，配料選擇特別，尤其適合鍾意牛肉同麻辣湯嘅朋友。小店位置唔多，建議非繁忙時段去會更舒服。

今日行觀塘廣場，發現開左間牛肉米線，行入去試下，本來不抱什麼希望，落座後點了一份雙拼餐，牛丸+牛爽腩雙拼餐，點了牛骨湯，首先份量都幾大，我一個人食唔曬，之後飲左一啖湯，好清甜，牛肉好重牛味，同平時食開的牛完全唔同，問左老闆，老闆話係每日新鮮牛肉入來，現切，所以口號偏少少硬，但牛肉味重，喜歡吃潮汕牛肉的一點好鍾意呢間的味道，牛丸真的會爆汁😃😃😃之後湯都飲曬，下次會再來

垃圾食物，叫左個牛魔皇手工拉面，完全係清水烚熟D肉就當湯，鹽都冇粒，完全冇調味，個湯底仲叫牛骨湯底，唔知係咪攞D水黎灼下D肉帶骨就叫牛骨湯，但其實我懷疑佢真係倒D滾水落左碗野度就算，因為如果灼過肉應該都有D肉味。夾硬食左D肉同两啖面就起身走人。可以咁講做左50年人，未试過有一間野可以食到D咁嘅野,😓清水煮麵？我自己係屋企用幾片廋肉醃下烚熟加D盬油煮個米粉都好食過佢多多聲🤬🤬🤬🤬🤬仲要成舊水。唔好意思當時太嬲連相都唔想影就走左。我老婆叫嗰個牛舌米線都係一樣，成餐唯有罐coke zero係正常🤯😱