雲桂香米線專門店

营业中

休息中

食過好多間雲桂香，大埔依間味道真係算係好，啲姐姐態度又唔差，雖然就算叫勁辣都永遠唔夠辣，然而有偏油，但整體味道真係幾好。大部份時間都鍾意外賣，但唔知點解好多次個包裝都要勁漏油，回想譚仔10年前個包裝都好過佢。其實外賣分湯都已經要加錢，可唔可以包好啲？或者換過包裝供應商，買返隻好少少嘅碗（碗蓋）。每次基本上行出門口20步左右，就開始見到漏出嚟，搞到要拎上車，次次都要拎兩個箱重疊，先放入箱（唔敢想像留咗出嚟點洗架車）想盡辦法令佢唔搖晃，開車再步步為營，平路都驚佢倒瀉。再提一次，分湯仲要加錢，係唔係值得一隻好啲啲嘅碗？

雲桂香(大埔) 🍜天氣凍凍地，去找紅薯粉食下先，束到雲桂告，點了重慶酸辣紅薯粉，餸歪了魚肉春卷，豬軟骨同墨魚頭，凍飲加8蚊，不用排隊都多枱剛坐滿，味道都算中上，辣度微辣剛好，魚肉春卷好香口，豬軟骨夠淋，墨魚頭爽好，推介😋👍

竟然睇住張外賣單號碼讀錯 都算 提左佢都仲係錯同一個問題 叫已經拎左外賣既客人番黎 再睇張痴係外賣到既單no. 都係錯 仲死撐唔係叫客人番轉頭睇😂 唔好意思都唔識講 究竟佢係迷文盲 ？ 最低限度都講番句唔好意思喇 又唔係忙 又唔係多單

一上枱個份量真係嚇親🤯🤯🤯勁大碗 啲米線好似有2包半咁多⋯下次都係要少少米🤣 今次食到我不要不要🫣一碗係蟲草花雞酒湯 我就食熱拌米線加雞絲 中辣 應該係$48蟲草花雞果碗我淨係夾左啲生菜食😂佢個湯唔係好淡 但無乜酒味 但清清地幾好👍🏿同樣啲米線都真係勁多 熱拌米線個汁幾好 佢會將個汁撈埋米線先再上枱如果有埋少少芝麻應該會更香口😛😛😛味道都keep到 對上食熱拌米線都講緊應該有八九年前😂😂😂😂😂

今天下午1點多，我姨生女放學後和同學在大埔雲桂香外賣自取港式米線和小窩米線，港式米線食到後面發現有蚊子，令兩位學生覺得好噁心，希望貴店注意日常衛生，讓顧客食得安心。

印象中食雲南米線要有螺旋藻好似嚟嚟去去都係得葵涌嗰一間有，今日幫襯呢度竟然見到，於是試吓。兩碗米線都係要小窩米線，一碗就叫咗墨魚丸同蘿蔔，令一碗就叫咗豬軟骨、滷水豬耳同埋想試嘅螺旋藻，兩碗都係叫咗小辣，因為雖然自己食唔到辣，不過食雲南米線都係有少少辣先至會好味啲。蘿蔔同墨魚丸嗰碗冇乜特別就唔講啦，令一款豬軟骨都係冇乜特別，反而佢滷水豬耳幾好，因為出面通常有注意到係麻辣不過呢度嘅注意比較肥。至於想試嘅螺旋藻，味道喎此昆布多啲，都好食嘅，不過我總覺得葵涌嗰間好食啲同埋份量多啲，唔知會唔會係先入為主呢。

作為米線控嘅我，經常周圍試食不同餐廳嘅米線🍜呢間都差不多係我最愛頭幾名次🥰❤️雞絲+滷水豬大腸小鍋米線（少辣）$59（加一杯凍飲）少辣其實差不多唔辣咁濟，但試過佢嘅中辣，我食唔到😆湯底帶少少酸，所以不太愛酸嘅我仲可以接受，個酸菜都好好味。唔係間間米線鋪都有雞絲order，就算有都唔係一絲絲嘅，呢間睇得出係人手撕👍🏻好有心思滷水豬大腸，好軟好入味🤤而且餸嘅份量算多，大大兜，男士都絕對夠食。

我同好多香港人一樣有舖米線癮，而每個香港人都有自己心水既舖頭。你問我既話，我會答雲桂香一定係我首選🤩🤩每隔1-2星期就會想黎食一次，每次都係必點腩肉通菜麻辣小辣小鍋米線😋😋我鐘意雲桂香既原因係佢湯底好多肉碎，又夠多芫茜🤤果種麻辣香氣係其他米線舖係食吾到既👍🏻

好耐都冇食過雲貴香啦已經，難得屋企附近有間雲貴香最後都係決定外賣拎返屋企食🥳🥳🥳咁就叫咗小窩米線小辣，腩肉加山菜加大腸🥳🥳🥳🥳外賣大概等15至20分鐘左右啦，咁佢有得分湯嘅所以都唔使擔心會淋🤪🤪🤪🤪咁仲加錢叫咗杯熱奶茶，因為出邊實在太過凍……咁腩肉就比起譚仔嘅腩肉好好多，雲貴香嘅腩肉係辣辣地同埋好入味，同埋唔肥！二譚仔嘅腩肉就淨係烚吓烚吓，無咩味🤭🤭🤭仲有呢個少喎米線嘅真係好正，小辣啱啱好因為本人唔係好食得辣🤣

個人比較重口味，星x居越做越差，已經比我打入冷宮，雲桂香係其中一間我最愛既米線店🍜🌶不論麻辣或酸辣我都喜歡，今次叫小鍋酸辣，中辣剛剛好。豬軟骨、炸醬、腩肉、腐竹、紫菜、冬菇、竹笙都係我每次配搭之一，其他餸比較小叫🤪另外我必定有叫個蒜泥白肉$37🧄佢同其他嘅蒜泥白肉好唔同，佢中間勁多青瓜，好清新，唔會膩，最主要佢係勁多蒜泥，超超超級滿足🤤

今日心血來潮好想食辣雲南米線，就去咗附近嘅雲貴香買外賣。我嗌咗小窩米線加豬腸、肉醬，中小辣。應該睇張相都睇得出，成碗野啲油勁多，多到我‘畢’咗半個飯碗嘅油出嚟之後都仲係好多油😵‍💫 啲油多到所有食材入口果陣都係coat住一層油，味道就係好單調嘅辣油味😅 唯一可以讚下嘅應該就係米線份量好多，豬大腸都唔少，大腸有啲係有肥膏果款，有啲係瘦果款；炸醬都多，食到最後仲有好多，但係鑑於成個湯都係油，根本唔會想畢啲肉碎出嚟食😅 overall個湯真係有好大嘅進步空間，如果唔係應該都唔會想再嚟😅

Feeding my greedy hungry tummy at 雲桂香墨魚嘴//豬潤//雞絲//紫菜酸辣（中大辣） 米線🤤Cuttlefish// pork liver// chicken// seaweed- rice noodles (Sour & Spicy soup base) I love the soup base and all the toppings I ordered 😋😋 Price: $50-100 pp

今日放假都要出街，因為要去買體脂磅，監控一下身體狀況，買磅要出錢又出力，咁梗係要食好啲食飽啲，唔係邊有力托回家😊呢間連鎖店分店，自從搬舖後已經有好幾年冇食過。小鍋米線麻酸小辣，配腩肉豬膶。湯底唔錯，辣度啱啱好，但是麻味唔覺，酸味反而幾出。腩肉同豬膶都比較嚡，尤其是豬潤，好硬實😕唔知係咪煮嘅時間太長。題外話～我係1人入座，用膠板隔開同枱2位食客，落單後侍應安排另一位客人搭枱，因為疫情進入第四波，我不希望和陌生人面對面進餐而要求調枱，擾攘一番，最後都能另作安排。

#cassiegotaipo-依家米線嘅店鋪開到周圍都係，除左譚仔之外，雲桂香都係好好嘅選擇，係香港都有十間分店左右。🍜-我個個就係小鍋米線，唔辣。朋友個個都係小鍋米線，走青小辣多酸。重點係「多酸」，即刻好大分別！我個個味道好淡，有少少清湯嘅感覺。但係朋友個個味道好濃郁，同譚仔酸辣有得輝，酸酸地仲好開胃tim，所以我下次一定會叫「多酸」！🙁另外，再加左碟醬拌皮蛋($20)，好入味好香口。🙆🏻‍♀️-味道評分▶️🌕🌕🌕🌗🌑 (3.5)抵食評分▶️️🌕🌕🌕🌕🌑 (4)回購評分▶️️️🌕🌕🌕🌗🌑 (3.5)-➡️雲桂香米線專門店 (大埔)📍大埔安泰路1號大埔廣場地下58號舖-IG: cassiecwy/ cassiegetfat

也許雲桂香對我來說比譚仔更有種「上癮」的味道吧，耐唔耐總要食番碗雲桂香至過癮係平時食開嘅豬軟骨送裏面，我竟然發掘左一樣最近愛上左嘅小食，就係炸春卷啦！佢炸得好香口唔在講，裏面嘅餡料有芋頭呀冬菇呀咁，好難形容嘅味道但就係好味再配上少少既醋酸酸味咁的真係好好好好食 佢五條仲要$20而已，我見過出邊其他分店嘅要$22價錢唔同可能地區不同吧，一碗淨小鍋米線🍜 ，唔洗加送 淨嗌炸春卷已經好足夠我的一餐了☺️☺️