影片
港铁荔枝角站 B1 出口, 步行约8分钟
继续阅读
电话号码
23701082
营业时间
今日营业
11:00 - 16:00
星期一至五
11:00 - 21:00
星期六
11:00 - 16:00
星期日
全日休息
以上资料只供参考，请与餐厅确认详情
经过呢度好几次，见到长期排队，今日终于见冇人排走去试吓！入到去啲枱凳已经黐立立，间铺阵味好up。坐低写好张纸仔就谂住叫姐姐帮我落单，其实已经系得两个客人，佢都话要等吓先，之后佢又叫我转枱头好多人，但系其实我走嘅时候都冇人！见到有碗米线煮好放喺度佢都冇去拎，心谂唔系我啩，点知真系！上到枱面已经觉得颜色似呕吐物，想夹起啲米线未夹到已经断晒，我唔知系佢煮得太腍定系阿姐放喺度太耐唔上菜食咗两啖就冇再食埋单，买单又话好忙要等吓先，但系其实𠮶阵都系得五个客人，整体感觉真系超级差，食咗$60，食米线嚟讲应该可以食到更好嘅质素，希望大家唔好再中伏！！
继续阅读
平时间中需要到明爱医院工作，每次都会去呢间小店度食碗米线，个度附近冇咩茶记特别出色，加上我也是个米线爱好者，所以感觉佢喺米线界都有一定嘅水准，比起荃湾某某街市入边排晒长龙嘅米线有过之而无不及，店员有基本礼貌，小店座位亦算宽敞，价钱合理，但汤底香浓而不油腻，店舖未够钟开门已经见到有食客喺出边等候，店员都贴心地让食客进内等候，𩠌菜款式有多种选择，对于食客不熟槚部，虽然侍应店员不多，但系亦礼貌清晰给予指示，每次也选三𩠌，我点了木耳，鱼腐，猪大肠，冻柠茶，共HKD60 , 木耳不是间间米线都有，希望佢哋再研发更多特色𩠌款及小食😋
继续阅读
🍜【云南小锅米线实测】网红店真系「世一」？期望vs现实大对决！ 同朋友冲住「世一米线」名号杀入长沙湾试水温，避开饭市唔使等位（但要搭枱）。两碗米线+一杯冻柠茶饮品埋单$100，到底值唔值回票价？ **👑 招牌对决** 1️⃣ **萝卜猪大肠酸辣汤小锅米线（酸辣小小辣）** - 猪大肠洗得超干净！卤得入味又带少少嚼劲 - 酸辣汤底够热辣，少量豆芽，但辣度偏温和（嗜辣友建议中辣起跳） - 萝卜有3-4旧，有煮透冇渣2️⃣ **墨鱼丸猪软骨酸辣汤小锅米线** - 墨鱼丸弹牙有惊喜，咬到粒粒墨鱼碎，而且重墨鱼味- 猪软骨冧身但偏瘦，骨胶原控会失望 - 汤底同大肠款99%相似，配料冇乜独特性 **🌶️ 汤底** 酸辣汤属于「安全牌」路线——酸度明亮但欠层次，辣味后劲不足。**👥 环境服务** - 搭枱难免手肘撞手肘，背囊客要抱袋食 - 外卖单多到电话冇停过，阿姐收拾碗碟似打风 **📉 期望落差位** - 声称「世一」但食完冇记忆点 - 配料份量偏孤寒（尤其蔬菜类） **总结**： 合格但未到惊艳，$40-60碗性价比都算高。如果住同区可以一试，但跨区朝圣就免喇～ 暂时我心目中嘅「世一米线」系旧时嘅云川 👈强调系旧阵时呀😅👑💨
继续阅读
必食云南米线🤩🤩虽然迟咗出post,但坚持要推介，朋友介绍确实好味，每间米线其实都各有特色，今次朋友介绍，黎试下荔枝角既米线，点知食过1次已念念不忘心中等待初六启市必定要再去1次今次我㨂咗酸辣大辣🔥🔥🔥汤底明显比其他辣度浓又香配咗4款𩠌分别系：-鸡丝肉，腐竹，猪膶，萝白除咗萝卜未够淋，唔够入味，另外个3款真系无得输，份量又多，食完一次，足以另我念念不忘🤤下次会试中辣，对比一下咩辣度先最正👍🏻
继续阅读
今次来到长沙湾的一间人气名店，主打云南风味的小锅米线✨。经过门口已经见到大排长龙，抵挡唔住香味诱惑😋，决定入去一试酸辣浓汤小锅米线！ 酸辣浓汤小锅米线 连配料$47有麻辣和酸辣两种口味，今次选了酸辣🌶️。汤底色泽浓郁，飘出阵阵辛香味🍲。酸味不过分强烈，辣度适中，香料味十分足够，喝一口就感受到浓厚的风味。 配料方面，墨鱼丸爽口弹牙🦑，完全无过重味精嘅感觉，猪腩片煮得非常透，脂肪部位入口即化，充满油香🥓，整体非常满意💯。 同连锁店如谭仔比起来，呢度嘅出品确实有更高质感✨，特别系汤底更有层次感，加上配料新鲜，价钱又大同小异💵。虽然店舖规模唔算大，服务人手少，食客要排队等位，但如果对汤底同配料有要求，呢度绝对值得一试✔️。食厌连锁店，不妨试试本地特色小店！🌟
继续阅读
您可能会有兴趣的...