影片
开饭介绍
总店于深水埗有多年历史，提供各式怀旧茶餐厅菜式，包括芝蛋牛肉汉堡、避风塘生炸髀等，除了港式口味之外，餐厅亦提供海南鸡饭、南洋咖喱等菜式。
继续阅读
营业时间
今日营业
06:30 - 00:00
星期一至日
06:30 - 00:00
以上资料只供参考，请与餐厅确认详情
相关文章
上网睇资料原来呢度嘅手打芝士蛋牛肉汉堡包系出名嘅，舖头喺长沙湾扎根超过20年。今日经过就系试吓。手打牛肉有口感，鸡蛋有小㶶边，香口，包皮软熟又拱过，成个口感好正，个人觉得同出名嘅汉堡包店有得比，下午茶连红豆冰$40，抵！ 下次食可以叫佢多酱，相信味道会更好。另外都叫咗佢个招牌避风塘炸鸡髀，即叫即炸，鸡髀肉嫩皮脆，配搭避风塘口味，觉得几特别，虽然油炸，口感唔油腻，唔错。仲叫咗𠮶个XO酱炒公仔面，炒出嚟够镬气，面底够干身，又唔会成个碟底油👍🏻餐厅环境干净，座位都好舒服，都坐得舒，仲要下午茶去到6:30，食开下午茶嘅又多个选择。📍 雪山冰厅 (长沙湾)长沙湾青山道413号东景大厦地下4-5号舖
继续阅读
咁岩系荔枝角附近，由于对雪山冰厅的椒盐猪扒炒饭念念不亡，又再次回访二刷，仲试埋其他菜式添!<始祖椒盐猪扒饭(炒底)>一上枱热辣辣，猪扒切得够大块，够晒「谂」而且餣得好惹味，肉质唔会干争争。炒饭粒粒分明，唔算话好干身，饭粒渗入少少椒盐猪扒的油香。份量都几多，适量两个人Share一齐食。<香辣马来炒米粉>睇到个名几特别，所以就试下。材料非常丰富，首先吸晴的系三只大虾，之后仲有好多腊肠同埋鱼饼条。另外佢加左辣酱、洋葱同腊肠炒，而本身又够镬气，而米粉亦用较粗身的米粉，所以可以挂到啲调味料，更加惹味!<爆馅蛋牛治(烘底)>见到蛋牛治的馅仲厚过两块多士，真心足料，唔怪之话爆馅。鸡蛋食落去有蛋汁，够Juicy。另外除左咸牛肉外仲加左葱，所以除左咸的味道外，仲会带葱清香的感觉，食落去无咁「溜」。由于每次通常都系两个人，而雪山冰厅每道菜又大大份，所以每次叫两至三样就已经够饱了。整体而言，雪山冰厅长期保持到高水准，无论系茶记小食、炒粉面饭都做得出色，同时咩菜式都有得拣，如果有选择困难症的朋友们黎雪山就岩晒啦!
继续阅读
超多选择嘅茶记 份量都好大 仲有新派菜式！除咗有老字号一定食到嘅 炸鸡髀西多士。仲有亲民价钱都食到嘅 #喇沙掺掺 等等～ 😯➊ 特餐 • 槟城喇沙掺掺（樱花虾炒蛋+酥皮窝夫）•‣ 日本樱花虾炒蛋有惊喜 咸咸香香 而且非常新派地系配酥皮窝夫🧇 绝对有佢嘅特别吸引之处‣ 喇沙味道都算可以 真系食到粒粒嘅喇沙香味呢个价钱食到呢个Level算系咁样 但系真系唔好期望太高🤫➋ 咖喱炸猪扒蛋包饭系足足有成两块猪扒咁多！个蛋都炒得几滑，不过只碟太细，啲咖喱汁都装得太少吧😂整体嚟讲间唔中去食吓都OK嘅，因为性价比都真系算几劲，而且种类都好多，都算系一间几特别嘅老字号茶记！
继续阅读
双职家庭每晚要谂食乜都确实几唔容易，加上而家又百物腾贵，真系要揾啲性价比高嘅餐厅先得喇。呢间雪山冰厅系我俩嘅饭堂之一，每次嚟到都必点例牌二人餐。我哋点餐后，服务员遮遮好快就送上两盅热辣辣嘅虫草花炖瘦肉汤。啖汤真系非常鲜甜，汤色清澈，努力工作一个星期，辛苦揾嚟都系志在食啫。再嚟就送上盲𫚧鱼，鱼肉雪白嫰滑，肉质一“狭狭”，蒸鱼火候刚刚好，鱼肉刚好离骨，证明食材新鲜，就咁清蒸都非常好味。啲鱼汁用嚟捞饭，认真一流。跟住就送嚟花胶海鲜杂菜锅，用个砂煲盛载，送上嚟时仍滋滋在响，食到最尾都仲热的，菜汤呈奶白色，好好饮。虽然现在北上消费盛行，但系交通和时间都系成本嚟㖞。睇返香港地，而家都仲有呢啲性价比高嘅餐厅，香港人确实非常幸福呢！两口子，每人一百蚊，食到捧住个肚走！
继续阅读
我系比OpenRice 既食评吸引左去呢间茶餐厅到打卡📸📸📸餐厅环境宽敞，街坊街里的感觉🤣🤣🤣（服务就冇乜，但港人作风，有野出声，实会帮你👍🏼👍🏼👍🏼👍🏼）午餐：1）波士顿龙虾喇沙掺掺🦞，$98， 就系为咗影相📸️我去到呢间餐厅，打卡👍🏼👍🏼👍🏼👍🏼喺茶餐厅，可以咁富贵有龙虾打卡，值得去！ ！ ！🤣🤣🤣龙虾🦞肉就唔多，但咁既价钱，ok ,满意🤣🤣喇沙，惹味😊😊😊喇沙大大碗，一个人食实饱。1a) 冻奶茶，跟餐加$9 ，正常味。2）椒盐猪扒炒饭，$78，唔好问我点解佢出名。我都系睇食评所以就叫咗呢碟饭。椒盐猪扒，好惹味，好味。个炒饭，影相唔错，有色，但食落系冇味嘅。由于个椒盐猪扒太惹味，配个冇味既饭都ok ,但就冇啲食评讲到佢咁好味。碟饭大大碟，饱。
继续阅读
您可能会有兴趣的...