難得糊塗 (已結業)

想搵間餐廳，食飯之餘又可以傾下計，甘啱搵到依間就試試啦可能早既關係無咩人，加上係walk in，侍應就安排我地坐係中間位置，正正冷氣下面，凍之餘，食完又成身油煙味我地叫左個2人set，有兩個前菜，湯，同兩個主食首先，係三文魚沙律(三文魚好好味，但沙律菜就有D苦，好幼身同面果幾條)薯蓉焗青口 (青口都ok，薯蓉味道可以再重少少，整體都不錯)普通什菜湯(無特別)帶子扁意粉(帶子彈牙，意粉味道啱啱好，讚)蟹肉大蝦闊條面(大蝦好鞋，其他都尚可)最後叫左兩個普洱茶(兩個普洱味唔太勁，玫瑰紅棗只有玫瑰味，比較清)(菊花羅漢果有少少甘甘地，比想像中好飲)坐都坐得幾舒服係凍左D，但價錢略嫌貴左少少，如果個茶唔洗再加錢包埋就差唔多

同朋友試新開樓上cafe。兩日前預先訂位。時間為星期日下晝兩點, 我們被安排坐在收銀對出的二人枱(即係COVER PICTURE中間的那張)。朋友一心希望試5個CHOICES嘅All Day Breakfast, 而我就想食大蝦扁意粉。落單時, 店員表示因為今日只有一個CHEF返工, 所以食All Day Breakfast要等一個鐘! 食Pasta類就會快啲, 因為個CHEF會出哂啲Pasta先。朋友唯有改食意大利飯。 落單後我哋環顧四週, 其實大部份客人都食緊嘢, 甚至係食完。我哋決定再問下其實個All Day Breakfast係咪真係要等咁耐, 同一店員俾相同回應, 但考慮到我哋話見到好多人都已經食緊嘢, 佢將時間修改為45mins至一個鐘.......咁我哋問佢其實宜家有幾多份All Day Breakfast未出, 佢走去廚房問, 返嚟話有4-5份, 朋友就決定等, 改返食5個CHOICES嘅All Day Breakfast。最後........個All Day Breakfast只係等咗10mins就嚟, 仲快過我個扁意粉@#$%^&?????????另外, 我哋坐個張

食評：九龍以北的太子，攘来熙往，要是想停下來享受下慢活生活，原來並不是惘想，於港鐵太子站C1出口旁的「藍馬之城」最近新開了間樓上Cafe「難得糊塗 Folly Bliss Tea Cafe」，主攻精品咖啡及茶藝，茶館的設計簡約而舒適，大幅的玻璃牆成功地採入大量自然光，絕對是鬧市中的靜土。若對喫茶品茶有興趣的話，駐場資深茶藝師可介紹合適您個人口味的茶種選擇，讓您對品茶藝術文化有更深的得著。而咖啡沖調也同樣出色，店長籌備年多才開店，便體會到對品質的執著與認真。至於在這炎夏時份，冰凍拿鐵 (Iced Latte) 絕對是消暑極品。食物方面，由資深名廚主理，餐單選擇多，菜色健康美味。漢堡包肉味豐富、外脆內軟，配以秘製香料的薯條，一吃便停不了口。自家製韓式炸雞翼，即叫即做，保證新鮮熱辣。不同時段提供不同組合的套餐，早餐有All Day Breakfast，下午茶有香蕉班戟及cake set，午晚餐又有多款意粉選擇，全部足料炮製。

啲食物就直接睇相啦 講咁多不如信對眼 不過可以加一句:呢間嘢絕對係混水摸魚嘅9流餐廳 完。啲服務真係好差 係canteen service指你埋一角坐 request坐無人坐嘅窗口 又唔比但明明個排窗口位食到走都無人坐 唉我都好少咁糊塗 老貓燒鬚添

香港能讓人認真品茶的CAFE唔多，再加上要食物美味的就更少。呢次係我第三次黎呢間CAFE，真係好鍾意，所以決定係度幫屋企人慶祝生日。這間茶室剛開張無幾耐，係花墟附近，上樓，超好陽光，所以最近買完花就會過來嘆下茶食下小食先番屋企。單單睇餐牌已經可以睇好耐，因為由小食至主食至咖啡至茶既選擇，很多都是沒有見過的，所以可以試唔同既新野。我地最鍾意既係炸芝士條同韓式炸雞翼。未食之前驚佢會好滯，不過真係好好味，外面好脆入面又好滑。同埋佢個汁唔係現成野，似係特別調，所以有啲唔同既味道，好清新。好味！所以今次同屋企人黎都味咗呢兩樣。炸芝士黎到，我地一下子就食哂，唔記得影相。因為我地有6個人叫咗個4人餐（包每人一個小食，湯，主菜，茶／咖啡，$500-600）同兩個散叫既主菜＋湯。真係食到超飽。因為佢地既一人份啱啱係男士們的份量，所以對女士們來講就有少少多。呢個價錢同呢個質素真係好抵。一坐低就叫定個茶先，因為我自己都沖咗成晚，同咗駐場的茶道師父邊隻茶比較啱夜晚食飯飲。結果我選咗80年代既黃片普洱，呢隻茶飲咗會比較舒綬，所以唔會飲完瞓唔著。沖成晚都沖咗有10泡。勁！我幾鍾意呢隻茶，可能下次過黎試埋水金龜，買

午餐同一班同事去試菜,上到去時間仲早人唔多,環境裝修令人幾relex,點左個老闆娘介紹嘅set lunch漢堡包, 老實講, 以呢個價位有咁嘅質素係幾難得。burger塊肉煎到外脆內軟,配佢自製甜汁完全唔漏, 薯條上面灑左啲神秘香料非常香脆, 再嘆埋杯凍啡,值得推介！

一家開咗幾日嘅樓上cafe, 因為我係五點幾上去嘅關係所以重係好光，窗邊好開揚，整體感覺好寛趟，除咗有咖啡嘅選擇，特別在有一位好專業細心嘅茶藝師係到，由我完全唔識中國茶文化嘅人，透過簡單嘅傾談都獲益良多！真係好開心！朋友到了我地就叫個二人嘅set dinner。頭盤揀咗~巴馬火腿伴蜜瓜~煙三文魚沙律超靚！湯~粟米磨菇湯（又係好好飲夠味又唔會太濃！）值得改善跟埋餐包會完美啲之後到主菜~我地揀咗墨魚汁意大利飯伴雞胸~蟹肉蝦闊條面（意大利飯夠濃，但雞胸略乾，不過真係好酒店出品咁，個闊條面汁夠乾身包到啲面條又唔會完全分唔開一餅嘢咁！抵讚！因為稀得滯又會唔好食）最後加錢轉咗個紅棗玫瑰茶，果然有水準新鮮紅棗局嘅！口痕痕重叫咗個lemon muffin !一上枱超香lemon味出奇食落又唔係好甜果啲。。最後除開都係$200一個真係抵嘅。如果個set包埋甜品咁就最好喇！Anyway 整體係ok!^^