影片
更多
2015-08-31
943 浏览
繼續我既發掘新食店之旅，今次黎到既係位於太子一大廈既難得糊塗。地方非常易搵，C1出口直行轉左就會搵到。訂左7點45分，早了少許去到，當時都仲有好幾張枱空左，但店員叫我地等一陣因為未夠鐘，但我就唔明白了，我地黎到之後一路都冇其他客人黎到，我地張枱就一直空左出黎，繼續等多陣店員先安排我地入座，咁其實冇客點解唔可以俾我地入去坐先？難道如果中間有人入黎就會安排佢地坐左我地張枱先？R爆頭。當日係想為朋友補祝返生日既，但要收切餅費$60，最後都選擇唔響果度切。坐低左就開始揀野食，叫左三個意粉，同叫左一個雜莓茶share。落左單近兩個字，見到後到既客人都有野飲，詢問侍應，應該係冇落到。再落單後好快就到。雜莓茶不要期望太大，其實只係一個比較大既茶包沖出黎，沖出黎既紅色莓茶帶酸味，好奇怪，雖然覺得唔好飲但又會有想再飲既意慾，第一啖仲有少少藥水味，但叫得雜莓茶都正常既。三個意粉可能係慢慢由麵條搓出黎既，加埋等左差不半個鐘都冇野食黎過，冇問題，慢唔緊要，最緊要好食。蒜片紅椒大蝦扁意大利粉（$78）算係比較有驚喜，本身唔太喜歡蒜頭味，但依一碟又出奇地只係蒜香味，仲有少少辣味，成碟變得好惹味，大蝦真係好大粒，肉
繼續我既發掘新食店之旅，今次黎到既係位於太子一大廈既難得糊塗。地方非常易搵，C1出口直行轉左就會搵到。
訂左7點45分，早了少許去到，當時都仲有好幾張枱空左，但店員叫我地等一陣因為未夠鐘，但我就唔明白了，我地黎到之後一路都冇其他客人黎到，我地張枱就一直空左出黎，繼續等多陣店員先安排我地入座，咁其實冇客點解唔可以俾我地入去坐先？難道如果中間有人入黎就會安排佢地坐左我地張枱先？R爆頭。當日係想為朋友補祝返生日既，但要收切餅費$60，最後都選擇唔響果度切。
坐低左就開始揀野食，叫左三個意粉，同叫左一個雜莓茶share。落左單近兩個字，見到後到既客人都有野飲，詢問侍應，應該係冇落到。再落單後好快就到。
雜莓茶不要期望太大，其實只係一個比較大既茶包沖出黎，沖出黎既紅色莓茶帶酸味，好奇怪，雖然覺得唔好飲但又會有想再飲既意慾，第一啖仲有少少藥水味，但叫得雜莓茶都正常既。
三個意粉可能係慢慢由麵條搓出黎既，加埋等左差不半個鐘都冇野食黎過，冇問題，慢唔緊要，最緊要好食。
蒜片紅椒大蝦扁意大利粉（$78）算係比較有驚喜，本身唔太喜歡蒜頭味，但依一碟又出奇地只係蒜香味，仲有少少辣味，成碟變得好惹味，大蝦真係好大粒，肉質嫩而彈牙，完全冇腥味，扁意粉煮得剛剛好，仲帶少少彈牙口感。
帕斯圖帶子魷魚天使麵（$88），我同兩位朋友都非常喜歡pesto sauce的羅勒香同橄欖油香味，呢一碟冇令人失望，陣陣橄欖油飄香十分吸引，魷魚係切成筒狀，睇得出廚師既心機，食落爽口彈牙既，帶子都煮得好入味，而且不會太韌，配天使麵既配搭好恰當，仲加左少少翠玉瓜，平衡左油膩既感覺。
豪華卡邦尼寬條麵（$108），首先個人認為卡邦尼配寬條麵差左少少，如果醬汁唔夠就難以包住成條寬條麵。至於點解叫豪華，可能就係因為加左parma ham，食落都唔錯的，醬汁係真係少左d，不過麵條都入味，雖然蛋黃都係生但蛋白熟左，如果係溫泉蛋狀態會更好。
最後仲叫左個柚子汁雞翼，依碟算係失敗之作，因為睇作賣相其實好吸引，炸到金黃色脆卜卜咁樣，但食落就知中伏了，我先食左個炸皮，唔脆的，然後個炸皮原來係可以同雞翼徹底分離既，再食雞翼，應該冇咩調味，隻雞翼色澤呈淡黃，唔多開胃，而且淡淡地冇咩味，肉質仲有點鞋口，不過個汁都算ok，有柚子味，而且仲辣辣地。
如果你喜歡食意粉，呢度既款式係值得一讚，但小食黎講，對唔住麵要講句，食完個炸雞翼我已經唔想試其他小食了。
张贴
