難得糊塗 (已結業)

小編約2點左右到達 去到時重有空位，但近窗既位已經無晒，有啲可惜。小編點左個日式炒烏冬 等左約十五分鐘先到 外貌同上海粗炒無咩分別。因為見到餐牌寫住"如果有特別需要可以向店員提出"小編對蝦敏感所以落單時向店員提出"走蝦"既要求。但食到最後仍然見到有蝦米，難道蝦米唔係蝦?希望店方可以注意下外表似上海粗炒既日式炒烏冬啲汁太咸有點重口味食得出落左好多蠔油 好咸好咸好咸！份量方面，比起平時茶餐廳既份量細一半，餐飲方面點了一杯普洱茶。另收加一服務費，服務一般般餐廳採用開方式廚房，但抽風系統好差，小編和友人坐左個半鐘頂唔順走左出到去成頭油煙味。雖然無限時坐幾耐就走，但啲油煙味真係。。。

太子★難得糊塗（樓上cafe）24-07-2016 ★★☆☆☆好耐之前比佢個店名吸引左，係就係聽講過佢既質素普普通通，不過都係心旭旭想試下太子站行幾分鐘就到太子藍馬之城，都幾容易搵。星期日兩點半左右上到去打算食tea，要同人撘枱先可以入座（全場好似得1-2張二人枱）四人枱坐正係人隔離真係唔太方便傾計，好彩嗌野前成功轉位（職員話假如落左單就算有位都無得轉喎……）室內環境都裝修得幾舒適，白色牆身配木系傢俬，有點無印良品feel作為一間tea cafe，依度都有唔少茶具擺設，入口位置就有張大茶几～lift果面就有個art corner。座位方面可以曬下太陽既window seats最吸引，可惜係六人枱無我地份坐 ...搵食時間餐湯（跟午餐$0）：★★★★★ ★☆☆☆☆本身以為係普通忌廉湯，但飲落隱約食到d薯蓉喎，唔錯唔錯。卡邦尼長通粉（午餐$58+10%）：★★★★☆ ☆☆☆☆☆賣相討好，諗住揀卡邦尼汁應該都無死，點知味就有味喇，但係好咸呢……好彩面頭部分只係輕輕掛汁，食落都尚算滋味長通粉烹調時間適宜，口感比平時配撘開依個汁既意粉更煙韌餡料就普普通通啦，都係少少煙肉同菇～整體就衰左係個汁！窩

近年多左好多優閒嘅餐廳臨立，太子就更加多新式餐廳冒起。餐廳位置方置方便，係太子站附近👍🏽一入到去見到有唔少酸枝傢具，可見老闆鍾情品茗。餐牌上嘅飲品亦有唔少同茶道有關嘅特別飲品。叫左一個卡邦尼意粉，不過意粉好似有點太咸。而且，仲有啲口渴。叫左個忌廉湯，一飲就有似曾相識嘅罐頭味，不過會加入大量磨菇同牛奶加以烹調。對餐廳有一種可參觀茶道陳列室的感覺。Ps. 餐廳應該做好抽油煙的工作。油煙有點重。

胡亂收取客人正在進食既食物，仲要亂話係因為table manner關係，問都無問我要唔要。我份牛排只食左三份一，正常都問一問啦，依個根本唔係正常餐廳既態度卦。而且餐廳職員所講既table manner 根本就唔岩。話offer 返杯野飲俾我既時間，仲要話我地貪心，我想話依個係你既offer同補償囉。態度超差。仲有好大陣油煙，坐完成身臭哂出門口！

朋友轉左新工，Weekend想搵我大吐苦水，於是就上OP睇下有咩地方岩同朋友傾計食野!見有blogger介紹位於太子既樓上CAFE - 難得糊塗，於是就去試下! CAFE有大大既落地玻璃，夠哂光猛，加上樓底夠高，俾人較多既空間感!~lunch time 時間，餐廳有幾款lunch set提供，但選擇就唔多!餐湯係雜菜湯，味道較為清淡。卡邦尼亞意粉加有煙肉同磨菇，餡料唔多，入口芝士&忌廉味濃，個汁比較"傑"，非常膩!意粉比較粗身同埋硬!咖啡同奶分開上，客人可以自己根據自己口味而調較!

睇OPENRICE話太子E出口，但我認為太子C1出口會再近D。又想食得經濟D，又想同FD吹水，因為個名改得特別，就同FD來左呢度食。裝修一般，但勝在地方較大，枱與枱之間唔會痴住，迫迫KIP咁。野食味道就麻麻啦，無咩特別。不過想一大班人吹水食飯平平地，呢度伙係一個唔錯GE選擇~ 但如果追求食物質素GE話，呢度就唔係你GE心水啦~

環境舒適不焗促，很適合三五知己傾計，最貴晚餐才不過$148，價錢合理，食物質素也幾好，不會限時，值得支持！唯一點了抹茶牛奶新地味道麻麻，綠茶味很淡，雪糕充滿冰粒，下次嘗試其他飲品希望有驚喜

做完運動要在附近hea 一陣，所以找上了這間樓上cafe。裝修幾清新，適逢天氣好有自然光。其實諗落有d 似牧羊少年的文青feel，野食一般啦，勝在有得自選 all day breakfast 的配料，好多時出面都無得揀。蛋炒得幾滑但唔夠鹹，portobello 還不錯，有parma ham 幾特別，但個包有d dry…個「桂花甘草普洱茶」算係幾平和大壺，職員都好樂意refill 熱水。如果無特別expect d 野食好超班，來坐下relax 下都幾好。

是日跟大細孖寶吃lunch, 來到太子樓上café. 週末下午一時到達, 差不多full house. 場內充斥著自然光, 感覺清新悠閒, 加上木的擺設, 很go green.是日有lunch set, 點選了carbonara + 熱生普洱茶.等了一會, 侍應送上餐湯, 試一口, 是洋蔥紅蘿蔔湯, 感覺一般.再來主角carbonara, 賣相不錯, 意粉也沒有煮得過淋, 白汁也香濃, 有些煙肉粒加菇作配料, 理應不俗. 但吃到後段在意粉中發現三條頭髮, 對, 不是一條, 是三條, 真的變得沒有胃口了.熱生普洱茶, 聽聞是沒有炒過的茶葉叫生茶, 試一口, 清清的, 不像平時喝到普洱茶的味道, 反而是帶點甘的, 但感覺不夠香濃.再額外點選了甜品心太軟, size偏小, 試一口, 外層不夠香脆硬身, 太軟了, 口感欠奉. 切開後有流心效果, 合格. 但朱古力味道明顯過甜, 太膩了.吃飽後則去果欄去.

在instagram見到太子有間餐廳叫難得糊塗，覺得幾有趣，是日經過旺角，順道拜訪下。餐廳在太子警署對面，可以望到彌敦道，距離地鐵站1分鐘，好方便。餐廳地方好闊落，裝修光猛，牆上有掛畫，枱上又有小勞作，其實幾悠閒。夜晚7點零的時間人都唔多，因為已經食左野，所以點左咖啡同蛋糕。藍莓芝士正常水平，同出面面包鋪買的差不多，芝士有點硬。至於Oreo蛋糕其實無咩味，Oreo 味不濃，其勝在造型可愛，廚師畫了個笑面給我，雖然味道普通得很，但也會會心一笑。咖啡上有靚靚的拉花，但味道普通，咖啡味唔濃。呢度環境其實好舒服，木枱木凳，枱上仲有小盤栽，但就別對食物有太高要求。

忙裡偷閒，黎到難得糊塗，真係好舒服。一直唔知道原來呢度有間cafe，全層都係佢的，門口有一個茶座，俾人沖中國茶飲。呢度都有d 特色ge 野飲，例如普洱奶茶^_^，都幾得意今日就叫左一杯朱古力^_^朱古力面上有個bb ，好得意^_^，朱古力幾滑，不過味就淡左少少。但環境就真係好舒服^_^難得糊塗

呢排鍾意試新嘢, 同小i 去藍馬之城試食淨係個環境已經好blissful座位唔算闊 枱亦唔算好大 (可能我哋被安排雙人枱吧...)但勝在私隱度高空間感夠, 枱與枱之間留有一定空間, 值得一讚menu...裡面仲有茶種description我哋兩個女仔order咗一個餐, 有晒soupappetizermain dishtea第一道: 南瓜湯 x 煙三文魚沙律好味指數: (滿分5分)南瓜湯甜而不膩, 沙律新鮮第二道: 炸魚塊薯條好味指數: 好易整, 好熱氣但係好好食~ 魚炸得好香 第三道: 海鮮意大利飯 (!?)好味指數: 其實佢嘅味道真係好ok, 鍾意食creamy嘢嘅朋友會好鍾意食, 可惜我哋兩個女仔要食咁多, 呢個係有啲heavy...最後我哋淨咗一半碟冇食到...對唔住啊chef...浪費咗你嘅心機, 但其實係好好味第四道: 菠菜芝士pizza好味指數: 佢最後黎, 但最快比我哋兩個清咗起初我對呢個pizza不寄予厚望, 但一咬落去, 佢嘅脆同埋濃郁嘅芝士香, 夾雜住陣陣菠菜味, 先發覺呢個配搭其實幾好食最後點少得呢度其中一個靈魂 -- 生茶普洱生茶味道帶少少苦, 但呢隻係紅茶

難得糊塗下.....梗係同朋友出去嘆下茶，冷係文青咁。呢杯玫瑰紅棗普洱茶$48，好香玫瑰味，甘甘甜甜，其實真係幾好飲。不知不覺都飲哂成壼，最重要係可以治癒脾虛弱，氣血虧虛等疾病，正啊！ 呢度嘅環境都好光猛，好岩上黎睇下書，傾下計。真係唔錯！

第一次嚟食晚餐，無諗過環境比想像中舒適，環境唔太嘈，枱同枱唔會太貼，好闊落。晚餐揀咗羊架 & 漢堡包。先講羊架，唔"酥"，唔老，好味！許願樹薯蓉好得意，一條條嘢似係炸咗嘅公仔麵，但唔肯定。漢堡包，雖然話係牛柳，但感覺比較乾。薯條好脆，好好味！無諗過朱古力都可以拉花，好靚好有心，雖然熊仔好似跳跳虎。提外話，話說朋友大肚，訂枱時已問職員可唔可以比啲入少少，唔好比路口位我，始終太多人出入怕會撞到朋友。結果對方話唔 full 的話會比張四人枱我哋，而最後，真係有四人枱坐。另外，waiter 哥哥見個黑板 menu 距離我哋張枱太遠，見我哋望得辛苦，就直接拎個黑板放喺我哋枱隔離，太貼心了。=)

有著特別名字的樓上cafe～😊到達餐廳後，餐廳空間比想像中大，坐著窗口位置，枱上有著小盆栽，很舒服很忘憂的感覺！食物方面，味道不錯！但份量偏少及選擇不太多。喜歡飯後的餐飲可選擇从他們獨有的玫瑰普洱，消滯之餘也令人喝得舒服。女孩子喝普洱茶是不錯選擇，因普洱茶是溫性的茶。餐廳唯一不好，是油煙味！整個餐廳也濔漫著一點點的油煙味。吃飯後離開才發現自己身上味道頗重，可能我比較吸味😥，建議餐廳能改善這一點。謝！