影片
以上资料只供参考，请与餐厅确认详情
啱啱行开金鱼街，心仪果间舖头未开，咁四围揾下有咩食啦，得自己一个人，美食广场无人睇住个位，唔可能食，唯有揾餐厅啦，行到top见到有间餐厅有位坐，直接入去食喇，好快手咁食饱，见到对面有台客走，跟住见到执枱果个侍应直接将啲污糟垃圾扫落去地下同埋啲凳度，另一个侍应直接带客入嚟坐返𠮶个位，唔想讲到要讲，学刘华话斋今时今日咁嘅服务质素仲要得咩？味道已经唔使讲，饭太硬沙姜鸡无味，所以见到好多人叫花胶鸡连大陆都比不上
继续阅读
今日去咗旺角T.O.P.一间好新开🆕️、抵食和有质数嘅火锅店「鸡汤小聚」😎，一人一锅都系$100松啲，鸡汤更是$68起，鸡汤足料好鲜甜👍，食材都好新鲜，款式几多选择，所以介绍俾大家。🔹️招牌花胶汤 养生鸡锅 $148鸡汤好鲜甜，花胶厚身，真系好滋补🥰， $148 套餐配一款肉食(我地加左$15配左安格斯牛小排🐄，超新鲜、嫰滑和高质)，仲有超大份配菜（有好多新鲜蔬菜🥬🌽、海洋菇、芝士肠和丸类），和一份主食(+$5要左赞岐乌龙)，整体黎讲超满意。🔹️怀旧药膳汤 养生鸡锅 $128呢个药膳锅都好补，肉食我地拣咗鲜鸡🐥，同个汤底好夹，刀削面都好正。🥥椰子鸡米线 $68落咗椰子既鸡汤，饮落好清甜和滋补😚，入面啲米线和鸡都有椰子味，几好食啊。
继续阅读
鸡汤米线就食得多啦，同一间餐厅又有鸡汤米线，又有打边炉，你又试过未呢？旺角T.O.P地库呢一间餐厅，面积非常之大，座位宽阔，每一张枱都备有电磁炉。同朋友一齐嚟食嘢嘅自由度非常之大，想打边炉又得，想食鸡汤米线亦得。［鸡锅］麻辣鸭血汤*美国牛肩肉*刀削面麻辣味好浓，而且一路打边炉一路越滚越麻辣，冬天食暖笠笠正呀！钟意佢有得拣埋肉类嘅款以及面嘅款。自己一人一锅唔使争。［鸡锅］招牌花胶汤*安格斯牛小排*赞岐乌冬招牌花胶汤非常足料，花胶份量非常多，而且用嚟打边炉罪恶感冇咁大，煮埋赞岐乌冬，仲可以饮埋啲汤！
继续阅读
😎一个人原来都可以尽兴，一人火锅唔使争😎首先叫个招牌花胶汤火锅，配上几种配料，一人独食happy happy😎😎🥰🥰配料居然可以再加少少海鲜，过年真丰富。原来呢度除咗火锅之外，仲有鸡汤米线，即刻过嚟食，又唔错㖞，味道鲜甜，米线嫩滑😋细睇出餐厅原来都几大，装修都几骨子，坐得舒服㖞🥰旺角呢个商场好方便揾，一出港铁口就系，成个商场有得买又多嘢食，口痕痕食吓火锅，有时一两个人就简单啲，呢间系一个唔错嘅选择。
继续阅读
TOP开左新野，一人一锅几唔错，想快手快脚唔打边炉仲可以拣鸡汤米线。落左单之后自助拎酱料等食。环境唔错有好多大卡位，两个人感觉阔落舒服👌🏻招牌花胶鸡汤（$229）足料呀，花胶大块汤够甜👍🏻寿喜烧汤（$159）都好浓香，用黎渌蔬菜特别甜!牛肩肉（$28）牛味重d, 而安格斯牛小排（$15）有油脂香又嫩口。豚肉（$28）唔会酥唔会韧，仲有广岛蚝都涨卜卜系新鲜既! 花雕醉鸡米线花雕香十足，同汤底既甜味mix得岩岩好😋鸡件唔肥又几滑👍🏻一人锅餐仲有蔬菜🥬同埋主食白饭/乌冬，价钱相宜，同埋可能新开未有太多人客所以都无催交枱，不错👍🏻
继续阅读