雞功房 (禧利街)

营业中

休息中

一向都有幫襯佢哋，而家佢哋搬左去孖沙街食物質素差咗好多菜圃又變得勁辣，辣到會咳嗰種最搞笑係想問佢攞杯水飲佢第一反應係”吓”不斷話廚房好忙，言語間好唔耐煩追左三次之後，佢就俾左杯100度嘅滾水我🤦🏻‍♀️

啲雞完全冇雞味 胡椒豬肚雞冇胡椒味叫咗兩個餸 平時$40嘅餐廳都好食過佢價錢就收得頗高 $65 + 下午茶難食不特止之餘仲要態度非常之差兩個女店員黑口黑面仲要罵對面枱既客人一路食一路無奈 好耐未試咗一間咁差質素嘅餐廳食嘢希望大家都唔好去食 再講一次 啲雞完全冇雞味 胡椒豬肚雞冇胡椒味價錢就收得頗高 $65 + 下午茶難食不特止之餘仲要態度非常之差兩個女店員黑口黑面仲要罵對面枱既客人一路食一路無奈 希望大家都唔好去食 唔好去食服務態度差嘅餐廳 食物質素零分太可怕了

今日嚟到上環嘅雞功房，呢度嘅Menu 最主要就係雞，全部都係雞，有唔同種類嘅雞套餐任君選擇。咁啱嚟到係2點半下午茶時間，嘆返個靚雞餐之餘仲有優惠價。頭抽豉油雞飯，鮮甜嘅頭抽配上嫩滑嘅雞，感覺就係食極都唔夠，個頭抽豉油仲可以撈飯真係一味多用。跟餐仲送碗蟲草花湯，滋潤一吓。再嚟就係頭抽豉油蝦頭雞麵，價錢貴少少，感覺就無雞飯擺到成枱都係嘢咁豐富，雞同雞飯一樣係咁高質，配搭上麵又係另一種滋味。下午茶價都要60-80，但當午餐價呢個質素係可以接受。

位於上環呢間一直都BOOKMARK但未試，今次經過就一於去試試。雖然上網睇話服務差，但今次食又唔覺得，老闆仲幾搞笑風趣。環境闊落，夜晚時間唔洗等位。沙薑海南雞飯 $75★★★★☆海南雞冇加到錢轉脾，所以都係雞胸之類，食落唔算太滑身，某幾舊有少少鞋口。但佢個沙薑救到成件事，食落好香，薑味好出，有煮家嘅感覺，同一般酒樓有少少分別，無論用黎點雞定係餸飯都一流！食完真係清哂人地成碟沙薑醬汁。如果下次可以加錢轉食脾，應該雞肉會滑身好多。呢個套餐仲包左碗客家黃酒雞湯，入口有好濃郁嘅酒香，帶少少甘甜，真係冬天飲落勁暖身。客家黃酒煮雞湯麵 $77★★★☆☆入面多配料兼足料，有竹笙、紅棗、杞子、雪耳、蟲草花、荷包蛋、響鈴、時蔬、去骨雞肉（好多舊下），唔計麵正食餸都飽左7成，比較特別係佢有埋桃膠係入面。個湯底唔算好重黃酒藥材味，加上飲左沙薑海南雞飯附送嘅客家黃酒雞湯，呢個麵湯底會相對上清淡好多。但食落幾暖身，飲落唔會嗆喉冇味精FEEL，好健康養生。去骨雞肉唔算特別滑口，唔係用雞脾肉，但又未到鞋口，不過不失咁。整體冇話太特別，正常水準，如果個湯底再濃味啲啲會更加好。麵都正常，軟硬適中，但食啲料都飽左幾成，真

本身好鍾意食雞，不過好食嘅又唔算好多上環食嘢都多選擇，有平有貴我就偏向食平民美食呢個頭抽醬油雞飯好似好吸引好濃味，好香頭抽味，雞又夠滑相比之下菜膽雲吞雞湯麵比較失色，好普通湯底好清比較淡味

Lunch Time 又來到附近覓食都係一樣咁多人🤣 見到呢間主打雞飯嘅專門店既雞肉好似好吸引🤤 本身見到啲醬油雞好大期望 而且價錢要午餐來講唔算平🤎 食完覺得比起一般燒味店無特別亮點 整體黎講CP值唔高不會再訪💰⭐️ 客家黃酒煮雞肉湯麵 🍜本身諗住冬天食個黃酒雞湯暖暖身🍂 雞湯既雞味唔濃比較似一般Chicken Stock 🍲睇落有唔少紅棗杞子雲耳🍓 但欠缺酒味同藥材味🥂 去骨雞肉白烚咁口味一般🍗以呢個價錢配料得荷包蛋響鈴同菜🍳完全不合格

同事熱情推介，所以有日得閒就黎試下啦！- 黃酒雞湯足料好飲，裡面有蟲草花飲完即刻暖笠笠- 白飯我對白飯既要求就係唔濕！哈哈。唔知係咪珍珠米，粒粒分明，將啲頭抽醬油倒入去撈飯一流，啲米吸晒啲醬油，平時唔敢食晒一碗米既我都食晒！- 主角：頭抽醬油雞份量幾多，目測可能有1/4隻雞，大食嘅男仔都夠飽。雞件好滑，醬油好入味，驚食雞皮既我都照樣食埋，因為真係好好味。總結：會再黎食，下次想試下配蝦頭油炒麵，如果有時間等下下午茶更抵食！午餐略嫌少少貴啦🥲

海南雞飯 配客家黃酒雞湯 ($75)(轉雞髀加$10)首先讚吓雞肉非常嫩滑唔乾身😋係比我想像中淡味少少雞油飯粒粒分明而且幾有𡁻口😙黃酒雞湯係成餐既精華飲落好補身嘅味道有啲似雞精但無雞精個種苦澀味飲完亦都唔會頸渴☺️

試過約7/8 間上環區海南雞飯餐廳，哩間都算係頭三難食。- 一打開外賣，無附上一般海南雞用醬汁，以為係佢嘅特色，睇返係俾漏。- 75 蚊一隻毛都未清乾淨嘅雞全翼搭5 舊雞胸，份量見人見智，我就唔會再食。見倒一堆雞毛都唔開胃。- 雞皮非常之肥同油，食兩舊已經滯。飯係日本米咬口幾好，但唔知點解要用咁多雞油嚟煮個飯，成口都係油。- 跟餐一個有當歸味嘅味精湯。哩個價錢咁嘅質素同服務，我買個燒味飯切雞轉髀/ 幫襯同區另一間出名又平啲嘅海南雞飯好過。唔怪之得等外賣時好似俾行過啲人笑，終於知點解。

之前同朋友explore咗呢間海南雞飯，勁好味又好抵食！6x嘅價格包一碟雞、飯仲有湯。雞勁嫩滑，食到停唔到口。米飯好彈牙，湯又煮得好好味😋上環地鐵站一出就到，好容易搵到！

食了招牌油雞，味過甜，皮厚肥，全冇🐔味，求其一間燒味鋪油雞都好過佢！D面唔知係咪綠得過火，好淋，成pat野咁，好油！八十幾一個餐，算罷啦，好又一餐唔好又一餐，自己覺得唔好食，人哋可能喜歡，真係冇所謂，但係，受氣先慘！等餐等了十分鐘，怕漯了單，唔想呆等，禮貌追一追，誰不知男侍應卻目露凶光，粗聲粗氣話，冇漯單，嚟緊，等等！等多三分鐘就即上，放低碗碟在枱面時卻很大力大聲！今時今日唉，雞食了兩舊，面食了兩啖，受氣也飽了！

喺上環做完嘢，差唔多8:00pm，行到落去淨係見到呢間嘢開咗，所以就入咗去食個快飯之後返屋企。嗌咗個海南雞飯套餐，印象中要$75.講真，唔係食過最好食嘅海南雞，但係係一個性價比嘅角度嚟睇，呢間嘢真係no.1.首先份量夠大，差啲食唔晒。加上佢啲醬汁都好食。但係最主要都係隻海南雞夠嫩，同埋唔會偷工減料比啲下欄嘢你。個湯我就覺得好似有啲藥材味但係我唔清楚，整體來講我都覺得好好飲。.唔記得咗叫佢轉白飯，但係就係因為咁樣我可以減肥休息，唔會話好油，真係值得推介。

唔三唔四時間到訪，所以醬油雞已經賣晒，要等到晚市先有🥲 一場嚟到，一於試吓海南雞飯。慣咗食無骨海南雞，要lur骨唔太慣😅，感覺d雞骨多過肉。油飯香而不膩，加自家菜莆，非常之好送飯。黃酒雞湯喜出望外，有酒香而冇酒澀味，可以再來一碗👍

有個同事好似中咗「雞功房魔咒」，成日都好想食菜膽雲吞雞新竹米粉。我個人就唔太中意喺外面點雞類食物，因為好怕餐廳處理得唔好而有陣雪味。今日同事又嚷著話想食，就一於陪下佢食啦。我地都一樣嗌左「菜膽雲吞雞髀新竹米粉」，外賣平台連運費後平均$111/份，都幾貴。報道指佢哋會用客家人傳統嘅方法煮雞，唔烚雞，會先將雞塗滿鹽醃味，吊起風乾再隔水蒸煮，最後用保鮮紙包住隻雞防止肉汁流失。果然，食落去係覺得幾Juicy。但可能係外賣既關係，硬係覺得唔夠熱既雞都係有陣雪藏味。另外餐廳既另一賣點係客家黃酒雞湯底，不過可能又係因為外賣緣故，送到黎唔夠熱，覺得無乜特別希望餐廳可以換d更保溫的包裝器皿啦

冇諗過食嗰雞飯會令我如此朝思暮想🤤食完第二日又想再食🥺不過夜晚好似淨係做私房菜😯————————————————————————🐕 客家黃酒雞湯（ 跟餐送）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯除咗湯麵餐外 都會送呢碗湯✨聽友人講黃酒雞湯麵會淡啲黃酒雞湯是招牌之一湯內的紅棗蜜味香甜酒香濃醇 暖胃非常不消多秒已咕嚕咕嚕地把湯喝清光————————————————————————🐕海南雞飯（$75）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯冇加$10轉雞脾海南雞油潤嫩滑不過如同勇記海南雞相比 勇記做到皮爽 肉質粉嫩 雞味濃同去骨呢間雖已不錯 但仍略輸一籌 而且啲雞連雞殻上碟 要自己啃骨就麻煩啲最令人驚喜喺嗰飯 好食過勇記珍珠米粒粒圓潤飽滿 沾滿雞油整個香得不得了 混上醬料更是惹味非常最愛它嘅質感 軟糯軟糯 正！想辣少少嘅 可以加埋辣菜莆🤤————————————————————————🐕 招牌頭抽醬油雞配蝦頭油撈麵（$87）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯聽聞醬油雞每日數量有限醬油雞上色不錯 誘人非常外皮甜甜的 帶些許玫瑰露的香氣不過肉身就未夠入味撈麵喺另一驚艷之作蝦頭油掛上