雙魚座咖啡館

营业中

休息中

响旺角shopping完，行得攰攰地，諗住搵間舒服啲嘅餐廳，雖然响垃圾站附近，但响出面望入去都好似幾乾淨。門口望啲餐牌價錢都唔算太平，諗住都試下啦，但原來得80分鐘用膳時間。但唔想再行去搵其他餐廳，就是但入去試一次。啲食物質數還算可以，無乜特別驚喜，但咁嘅價錢其實可以有好多好啲既選擇，CP值就比較低囉。飲品啲冰佔咗一半，幾十蚊就貴咗啲。服務態度就認真麻麻嘞，問多兩問就黑面，唔怪之得成晚得嗰幾枱客啦

呢個好新開既店～之前一直經過，但個佢整得好cafe ,外面見價錢牌都唔算平～所以一直冇去試😂直到最近佢推出左lunch set 後～價錢幾平。所以就去左試下食左佢個海南雞飯～顏值唔洗講～係好有質素，個茶都好飲，整體都好滿意～👍見佢仲有推下午茶。都好正～會再試

女友人今日約去旺角食晏，唔洗諗，去「雙魚座咖啡室」，朋友嚟過，推介我食海南雞餐，加配要杯latte ，完美嘅一餐。海南雞都不錯。南瓜湯好味｜環境好啱打卡。職員男男女女都好有禮貌，好喜歡。

第三次光顧雙魚座咖啡館，發現今次比之前多人。和上次一樣點了泰式無骨海南雞配雞油飯伴秘製汁。喜歡雞油飯夠香，秘製汁小辣惹味。如果雞的份量可以增多就好。點了熱latte，叫了店員減少咖啡☕️的份量，喜歡這奶和咖啡的比例。友人點了酸菜魚，我試了少少湯，辣度不會很高，頗惹味。甜品方面，窩夫🧇不夠脆，我覺得比較失望。不過，荔枝呠雪糕有驚喜，有意想不到的清香。P.S. 我覺得這cafe比較特別的是有海南雞和酸菜魚。

呢間咖啡店出嘅餐好靈活。以前覺得似日式西餐，宜家連酸菜魚、海南雞飯…都可以食到。雖然定位模糊，但食物味道都過得去嘅。今次食日式雞扒公仔麵，雞肉係煮嘅，無煎炒過，唔係我想像中雞肉會有少少脆口。肉份量算多，見價錢唔貴，仲有其他配料：菇和洋蔥…有誠意！不過公仔麵炒得濕咗啲，影響口感，有配料搭救都還好，整體來講味道都唔錯。仲有杯凍冷泡茶，唔洗加一。抵！環境舒服好坐，食物擺盤靚會再嚟

同friend喺旺角行到攰 路過呢間雙魚座 咁啱個friend係雙魚座就話不如入去試吓嗌咗杯咖啡同蛋糕 整體嚟講中規中矩咖啡豆味唔夠濃 但係拉花都唔錯打卡幾靚餐廳光線設計算溫馨 行到攰坐下可以考慮

雙魚座咖啡館 @piscescoffeehk.味道：😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤/5..同朋友經旺角諗食咩好 見到呢間新新地既餐廳問員工幾時開架 原來開左一段時間 冇留意🤣入去坐低 見到幾隻好搞笑既龍🤣一人叫左一款野食齊齊分享～.✨慢煮雞胸田園沙律配黑醋 $88 沙律 好岩健身人士 因為黑醋係沙律之中 幾乎最冇負擔嘅👏🏻 雞胸好嫩滑 滿滿蛋白質 可以建立瘦肌肉🫶🏻.✨韓式五花豚肉石鍋拌飯 $88 冇再添加醬料都已經好夠味 熱辣辣上枱 份量非常多 兩個人飯同沙律分享就啱啱好...💫 #piscescafe #piscescoffeehk #雙魚座咖啡館 #旺角 #通菜街.#米吃 #香港探店 #健身人士飲食 #管理體重 #飽住瘦 #健康餐 #foodiehk #跟米吃出瘦身材 #kukeepfiteatig yt Red 大眾点评 google @kumikofindfun @kukeepfit

番到香港就梗係要不停食 買 玩！第一個Weekend就出左旺角Shopping，買到攰見到呢間Cafe幾精緻就入去Hea下😌蟲 草 花 杞 子 黃 金 雞 湯 伴 珍 珠 米 飯 $98係外國最掛住嘅就係廣式湯水，所以呢個蟲草花杞子雞湯就啱哂我🤘🏻雞件啖啖肉起哂黃油，蟲草花份量亦十足，撈埋珍珠米一齊食係家的味道😌麻 辣 蒜 香 大 蝦 扁 意 粉 $163.8扁意粉煮到Al dente，大蝦爽口彈牙，掛埋唔大辣嘅麻辣蒜香汁相當惹味，呢個Fusion配搭真係幾特別🤪鮮 奶 咖 啡 + $25.0Coffee creama係起光嘅深啡色，而且仲有個靚靚拉花，淨係睇表面都知呢杯Latte高質👍🏻飲落係偏向Strong and Dark roasted，奶味香濃仲有有微微嘅甜味，非常不錯👍🏻浪 漫 星 空 $68燈光打上透明嘅藍白涼粉底，上面仲放滿桂花愛玉、三色小麻糬、紅豆、芒果爆珠、椰果同荔枝，做成口感非常豐富嘅浪漫星空🌃

今日同雙魚座嘅小鮮肉，一齊去街,為咗配合佢嘅星座,我就揀咗一間雙魚座咖啡館同佢一齊食晚飯啦，順便可以傾吓偈,我好鍾意佢哋嘅裝修,整個感覺都非常之舒服！傾下計就最岩啦！這家咖啡館以獨特的單品咖啡聞名,其中包括原味虹吸咖啡!我們點了蟲草花杞子黃金雞湯，伴珍珠米飯，鮮奶咖啡（熱），美式BBQ手撕豚肉漢堡，薯角，伴田園沙律同浪漫星。黃金雞湯的口感濃郁，蟲草花和杞子的加入讓湯的味道更加豐富。珍珠米飯的口感煥然一新，米飯Q彈有嚼勁，十分美味。鮮奶咖啡的奶香和咖啡的苦澀完美融合，是一款不可錯過的咖啡。美式BBQ手撕豚肉漢堡的肉質鮮嫩多汁，搭配薯角和田園沙律，口感更佳協調。甜品方面我地叫左浪漫星空,主要有桂花愛玉、三色小麻糬、紅豆、芒果爆珠、椰果、荔枝!職員拎過嚟嘅時候，見到好靚嘅LED燈!成個甜品變得好幻彩,食得非常之開心,而且甜度適中,啱晒鍾意食微甜嘅朋友!整體而言,這些食物家非常美味值得一試！

行街好攰，經過見到裝修好溫馨，環境幾舒服，就入左去食。點知有驚喜。除左服務態度好，不時幫我哋加水，食物都好足料，第一次食all day breakfast，係食曬。樣樣都唔錯，食物唔會係暖，炒蛋上枱仲出緊煙，窩夫係酥皮好好食，脆皮的。呢個價錢，份量真係好大份下。。仲叫左個韓式海鮮窩飯，都幾好食。。用餐環境好舒服，好warm，星期六晚唔滿座，有d奇怪，因為真係幾唔錯既一間 咖啡店，有誠意經營，會再光顧！😊

第一次食到既軟殼蟹意粉真心唔錯, 豬手亦可以一試, 咖啡雖然未算好但都有70分, 之後再拜訪幾次試多幾款唔同嘅食物就迎接嚟一波又一波嘅失望... 帶朋友去食早餐, $138一份高級早餐有$98既份量有$68既味道。 再試英式炸魚嘅粉皮不比某連鎖店60蚊既好, 沒有魚味肉質口感亦差, 粉皮亦淋身不酥脆。再下一次試牛扒, 份量很足, 胃口大既一定夠飽, 可惜的是俾得三百幾求既唔會係飽肚, Medium cooked牛太韌有1/5努力過後只能放棄, 淡淡的牛肉味沒有肉香, 同我一直認知嘅Prime Rib-eye有很大分別, 完全談不上Menu上的高級, 好奇一問才被告知一個很現實的事實 - 控制成本... 嗰一刻我諗緊下一次點菜可能我要問嘅係有邊一道菜在控制成本的情況下依然有水準。雖然環境真係唔錯, 但係我畢竟唔係食枱枱櫈櫈或餐具, 要打卡亦有好多更好選擇, 做餐飲業做好食物品質是基本, $50蚊一個餐我會有$50既期待, $300 and up我會有$300 and up既要求, 太子有質既餐廳何其多, 中伏數次已足矣~~

旺角咖啡館泰式無骨海南雞飯$78先生最愛海南雞飯，雞肉滑啲，又有醬汁，油飯更加係有油香好食啲，套餐仲有是日餐湯起司慢煮雞胸三明治 配 田園沙律$88慢煮雞胸算幾滑，芝士嗰part痴住嗰包，幾好食Cold Brew Coffee$70用咗「莫札特」咖啡豆，個名改得幾好聽，我哋好少飲Cold Brew Coffee，只可以話有甘甘哋嘅味道，要細心品嘗夢幻仙子$68賣相夢幻，底部有燈營造效果，甜品入面有玫瑰愛玉、三色小麻糬、紅豆、芒果爆珠、椰果、荔枝，好多嘢食

蟲草花杞子黃金雞湯伴珍珠米飯🐥呢款湯真係有好多味又養生❤️ 抗氧化、防衰老更提高機體免疫能力等作用～ 唔好以為咁養生嘅嘢一定係唔好味佢係相反 超級好飲🤩雞味濃郁 湯底香甜雖然係用咗雞去熬製而成 但雞肉依然係嫩滑😋微辛韓式牛肋條配手抓餅🐮牛肋條炆得好軟腍而且充滿牛肉味☺️咬落去係啖啖肉汁同埋絲絲細肉慢慢咀嚼後會有種微辛但唔辣既口感🤤 配埋手抓餅🫓真係好夾夾😍萬幻仙子有多種配料嘅甜品☺️有玫瑰愛玉、三色小麻糬、紅豆、芒果爆珠、椰果、荔枝😋入口不會太甜 食完有種清新既感覺雙魚座咖啡館 PISCES COFFEE📍旺角通菜街123號地下A 及 B號舖

白色成為主導色調，淺色木質地板和餐椅與純白牆面和餐桌相襯，營造出一種簡約且輕鬆的氛圍。這裡除了特色的虹吸咖啡和輕盈的西式餐點外，竟然有蟲草花杞子黃金雞湯！湯色金黃濃郁，湯面上漂浮著一層細細的油脂，讓人直流口水。濃郁的雞湯中充滿了蟲草花和杞子的香氣，每一口都能感受到豐富的滋補味道。湯底入口滑順，滋味濃郁而不膩，配上口感彈牙的珍珠米飯，更能凸顯湯的鮮香雞味，喜歡🤍1️⃣蟲草花杞子黃金雞湯 伴 珍珠米飯 98HKD2️⃣起司慢煮雞胸三明治 配 田園沙律 88HKD3️⃣Expresso Tonic 45HKD4️⃣自家製 百利甜酒味巴斯克芝士蛋糕 60HKD

另一半生日就到，一年一次，我當然要為我的另一半準備一份精美的禮物啦。於是我就去了旺角睇下有咩買，享受吓SHOPPING。行咗個幾鐘, 突然見到位舊同學, 咁啱撞到,當然要聚一聚, 見咖啡癮起又有少少肚子餓，就決定去找搵一間CAFE食下嘢休息吓。行行下見到有間CAFE係路邊叫Pisces Coffee ,見裝修唔錯又就行入試吓「快富貴」酸菜魚配珍珠米飯 $88舊同學今次叫左酸菜魚配飯，我聞到陣味流哂口水，忍唔住叫同學比D我試下，肉質細嫩，沒骨，大大啖食都唔驚有骨 ，好正。裏面有芽菜同酸菜，食落有少少辣，不過都可以接受。蟲草花杞子黃金雞湯伴珍珠米飯 + 熱鮮奶咖啡 ＄123我就叫咗蟲草花杞子黃金雞湯配飯加一杯熱鮮奶咖啡 ，先講講杯咖啡，杯咖啡的拉花真係好靚，花紋清晰，顏色對比強烈，睇到賞心悅目，哈哈。而且咖啡的味道也很濃郁，香氣撲鼻。至於蟲草花杞子黃金雞湯的味道亦好吸引，湯汁的顏色金黃，濃郁香醇，散發著蟲草和杞子的甘甜和雞肉的鮮美，聞到流哂口水。而且雞肉經過長時間的燉煮，變得很嫩滑，帶有一絲絲的蟲草花的清香，真係回味無窮。浪漫星空 $68 食完主菜，當然要食埋甜品啦，我哋叫咗個浪漫星空S