雙喜燒臘快餐

营业中

休息中

難食又多人又迫又貴，永遠唔會再去，菜又冇條，2人位迫到癲仲要叫你坐入的，我諗除咗唔想等要快既人，應該冇乜人會選擇呢間野，係灣仔想食燒味千祈唔好食呢間，呢個價錢大把選擇

Very Bad!!好難食….d肉硬到咬唔到。燒肉超肥，皮又唔脆，有幾舊燒肉鹹到要吐出黎。叉燒硬到咬唔到，柴皮咁。賣相又核突。唯一可以接受嘅係佢叉燒份量算足夠…冇其他嘢可讚

單拼叉燒飯$43 叫咗個普通嘅叉燒飯，如果唔要飲嘢就$36。其實個份量都幾大，叉燒斬到大大嚿，又唔會話好老。食落去有少量嘅脂肪，所以都幾好味。數埋數埋都總共有七八舊叉燒㗎。啲豉油都冇話慳住落，食到尾啲飯都有啲豉油汁。嗰度啲服務喺傳統嘅燒味店來講都好好，就算係繁忙時間啲侍應好忙都好。當你問佢哋要多啲嘢或者加單，佢哋都冇比面色俾你睇。個餐好快到，好似只不過係坐低咗一兩分鐘飯就到咗。嗰一日去食都算係晏晝放飯嘅時候，以為會好難搵位好爆但係都好快安排到。

本身諗住快食個外賣，叫左個燒鴨米外賣，食到一半，撩撩個米粉，發現隻曱甴。。。作為一間食肆，點都要做好基本衛生。 。。冇辦法唔將呢間餐廳列入黑名單。。。PS 味道亦係一般，燒鴨好乾

優點：1. 灣仔區$47連野飲算平2. 位置方便係長天橋附近缺點：1. 張檯有陣up味，成餐飯都聞到，懷疑係抹檯布影響2. 個飯少餸少汁，無俾蔥同薑熔3. 凍檸茶未算好難飲但有陣酸梅湯味4. 座位較迫總結：無下次

話說近排成日落大雨都唔知食咩好，今日是是但但諗住叫個燒味飯食下，見到呢間燒味舖好似冇乜人排隊，咁大雨嗱嗱臨買個飯返屋企食先<單拼叉燒飯$34>燒味飯外賣又好似幾抵喎單拼$34，雙拼都係加兩蚊咋，冇理由唔食啊叫完等左陣找得拎，返到屋企打開盒飯盒，打開盒飯見到飯量唔多，好似唔係好夠飽wor 叉燒份量都算正常，雖然擺盤有D亂，食落口叉燒偏硬，如果鐘意食半肥瘦叉燒的朋友未必岩食，叉燒準唔盤算多，最飯唔夠汁撈飯食

係灣仔返part-time，最煩就係唔知lunch食咩。心血來潮見到間外賣燒臘店就試下啦。以灣仔lunch黎講，雙喜真係好抵：$39一個雙拼飯。份量好足，今次仲好彩有雞脾！雞肉好滑....不過就見到啲骨仲好血紅。接唔接受到就見仁見智喇。叉燒對比起就比較咁，有啲柴。飯粒偏硬，我個人就好鍾意！灣仔可以用咁嘅價錢食個滿足嘅lunch真係買少見少。

嗰日去行書展，諗住佢之前喺灣仔醫下肚，不過依間燒味舖，見佢裝修都幾傳統，就入咗去試。叫咗個乳豬燒鴨飯，乳豬燒得幾脆幾香，但係個燒鴨麻麻哋，普普通通，而且份量偏小，所以未必會再返去試。

外面環境超差，但想食便宜燒味店就要行過來外賣抵食些燒肉皮脆口，肉質有些乾，今日白切雞比較吸引，顏色夠金黃燒鴨完全不掂，好乾身，要加酸梅醬才食到，燒肉皮可以更脆飲杯凍咖啡，爽

老公呃我去灣仔做嘢之前先帶我去食個燒味飯佢話呢間好出名又抵食我地各自叫左雙拼飯嘩，望下張單⋯雙併都係$37又真係好抵喎我嘅叉燒油雞飯仲有我最鍾意嘅姜蓉啲雞雖然D肉唔太肥美但係都好嫩滑叉燒係瘦叉燒但係咬落一啲都唔銀👍🏻👍🏻老公嘅分蹄燒肉飯就普通啲啦如果個分蹄加埋啲甜酸醋汁就好啦但係佢呢度嘅性價比非常高$37有碟雙併燒味飯仲想點不過單燒味飯都係$35咋加嘢飲都只係加$8👏🏻👏🏻👏🏻晤錯架👍🏻

去開度做野同時叫我去呢間試下真心好食既老字號 一個詞 形容平實食呢D 平民野 當你食到有WA 一聲既感覺真係少之有少D 哥哥仔好有禮貌我叫肥叉佢無比肥到食唔入口叉燒仲有D 烤焦味乳豬貴得有道理唔會日日食但想食燒味會諗起佢

初嚐老字號燒味，本來看見餐廳外表覺得平平無奇，一進店就覺得充滿香港風土人情，一場來到當然要試一試出名的叉燒，果然不負眾望仲非常有驚喜，叉燒甜肥瘦適中，雞肉滑，每天吃一碟都不厭，店員風趣幽默，勁力推介！！

工作到中午1點左右, 終於到午飯時間附近餐廳全滿而門外也迫滿了等位或是等外賣的人, 而我最後選擇了雙喜燒味.店內忙過不停, 斬斬斬切切切門外等候的人望住肥雞燒鴨止下肚餓先- 燻蹄油雞飯 眼見大部分人都叫叉燒🤔唔通叉燒係呢到係皇牌？我就簡左燻蹄油雞, 燻蹄相信係眾多燒味配搭中較少人選擇的吧.燻蹄爽口不油膩, 而且有淡淡的酒香油雞被分配雞脾, 皮光肉滑由於減肥關係飯的分量減了半, 正常是滿滿的總括是一個快靚正, 不錯的選擇

對HK同胞而言再簡單不過的一份叉燒飯，給了我無與倫比的幸福感⋯⋯就在附近上班，店裏服務員（或者是老闆老闆娘？）態度很好。國語講得也不錯。關鍵是叉燒飯太美味了，一點都不油膩！米飯也很筋斗，有嚼頭。總之很滿意。為了美食，來香港工作真是來對了！

都說本太子喜愛平民美食，因此今次要來吃平價燒味。其實我已經來過這裡好幾次了，再返來的無非為了真正好味的燒味!不過這裡的環境大家喜不喜歡就難說了，因為人多擠迫，最重要是這裡佬味十足，女士未必喜歡，還是像本太子這種中年（開始脫髮的）大叔才能喜歡這裡的浪漫吧。好，上菜，叉鴨飯! 好味的是叉燒不肥不瘦，鮮嫩多汁，絕不三流。燒鴨味道十足，皮脆肉滑，加上青菜白飯，這個配搭十分好味。還有這碗燒鴨瀨粉，絕不失禮，比一般快餐店的好味很多。這裡單拼33雙拼35元，絕對是大件夾抵食既，不愧為多年老字號!