影片
电话号码
28073131
开饭介绍
隽园是位于北角宝马山的火锅中菜餐馆。餐厅一直选用新鲜的火锅用料和中国菜， 以保持食品的水准。
继续阅读
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
招牌菜
食记 (43)
又系朋友聚会嘅时间，刚巧其中一个朋友提议去隽园，佢话因为好耐冇去，挂住佢嘅炖汤，于是我哋就一行五人，去咗俊园晚饭，是日落大雨，所以人客比较少，首先嚟一杯冻柠茶，我喜欢走甜少冰，茶底浓度刚好，唔会太涩，好味！晚饭开始，首先当然系嚟个炖汤，花胶炖鸡，虽然花胶唔系𠮶啲好厚好厚𠮶种，不过胜在鸡够新鲜又足料，味道好鲜甜，个个都赞！因为大家都系女士，戒淀粉质，所以只叫咗四个清清地嘅𩠌，份量十足，五个人食都要打包，首先清清地嚟过花胶蒸豆腐，仲有一个招牌嘅咕噜肉，仲有一个脆皮鸡，有少少咸味，又不会过咸，味道鲜味，又唔肥腻，跟住嚟个菜，系我最钟意嘅高山椰菜花，完全唔油，但有淡淡嘅鲜味，我哋大家都一致好评！
继续阅读
今年完全未食过大闸蟹，于是同屋企人一行三人一齐去食，今餐晚饭有惊喜，去咗好耐没去的隽园。因为天气干燥，所以预订了西洋菜猪肺汤，隽园的炖汤，同屋企煲的汤完全唔同，非常鲜甜，有好多杏仁（但完全冇苦味！）感觉好滋润！猪肺液洗得好干净，西洋菜非常鲜嫩，食汤渣的时候，完全唔觉食紧汤渣，赞！跟住要咗一个菜胆鸡，清清地，唔肥腻！另外，当然要食我必食嘅菜肉云吞（即系虾胶），加埋酸甜酱，非常好味，唔系度度食到！跟住就到主角，系五只大闸蟹（四公一乸），清洗得非常干净，至于好唔好食？自己睇蟹壳张相就知道啦，哈哈！仲有姜茶驱寒，老板真系心思细密，赞！因为怕肥，所以冇叫炒粉面饭，叫咗个蛋白蒸豆腐，因为有虾，所以非常鲜甜，豆腐亦好滑，就咁当主食，味道刚刚好！正全晚非常满足，大家都食得好开心，有时间一定会再嚟！或者下次可以试吓烧烤，因为晚饭时屋企人闻到烧烤味好香，下次可以叫啲烧烤套餐嚟试吓！
继续阅读
朋友见到我之前发的照片，纷纷说要试这间「稳世」餐厅，适逢秋高气爽，所以相约来BBQ。因为是星期四，我们五人「直接包场」（强力建议喜欢清静的朋友，不妨尝试一至四晚嚟BBQ，环境特别清静！👍🏻）BBQ都有惊喜，首先系环境非常有气氛（有图有真相，随手实拍！）利用开炉的时间，首先来个铁板茄子，超级美味！茄子巨型！仲有我上次试过的黄金豆腐，朋友说要试，外脆内软，不油腻！跟住猪肋骨已经烧好，因为炭火好靓，所以烧得非常好！正！跟住来一个上汤浸杂菜，也边烧我们的烧牛扒，羊扒，还有鸡翼（抱歉，牛扒羊扒没有相，因为未上菜，朋友已在炉火上直接拎走完全吃光，我没机会拍摄😅）接着是我最爱的烧鸡翼，睇相便知好味道！就不多说了！最后，是我最爱嘅蔬菜，有南瓜，番薯，同菠萝！超级好味！超级好味！ ！超级好味！ （重要的事要讲三次！）呢三样蔬菜是必食！总括来说，有兴趣烧烤又又不想自己拿炭和烧烤叉的朋友，来这间隐世餐厅就是最好的选择！还可以点小菜！非常完美， CP值极高，推荐！一定会再帮衬😋
继续阅读
中午打电话去问吓晚餐有咩选择，她回应竟然系「你想食啲乜呀？要订餐过路㖞！」我说未能决定，就系打来问下有乜嘢食。她便马上冚线。几好食都系咁话！唔知系咪唔休做呢？今时今日呢种服务态度。。。
继续阅读
今日第一次上树仁大学附近揾个朋友食饭，咁上树仁大学就要上宝马山啦，得一架小巴巴士上到去好偏僻，咁大家都知而家疫情啦，唔系该校嘅学生系唔可以入去大学范围入边，所以我哋唯有喺个山头度揾其他餐厅一齐食饭啦！咁我哋嚟到学校附近呢一个餐厅嘅集中地啦叫做，就有三四间唔同嘅餐厅集中左系一齐嘅，其中一间叫囍筷嘅就系佢哋树仁大学生嘅专属饭堂咁滞！但系讲到明系专属饭堂，就梗系好多学生喺度排紧队买饭啦，所以我哋去咗隔离呢一间比较大d嘅隽园火锅餐厅！咁我睇过啲食评同埋食个晚餐火锅嘅人都话OK嘅，但系中午嘅午市套餐真系麻麻哋，咁我叫咗一个云耳蒸鸡饭啦再加一杯冻柠茶，啲饭系好多，但个𩠌菜就好一般，同埋佢哋啲冻柠茶用纸杯装住嘅，所以感觉又差啲！不过可能佢晚市火锅系会做得好食d，希望下次有机会试埋个晚市火锅🍲
继续阅读