雅菀冰室 (已結業)

今天幫襯下午茶，叫了一客卡邦尼意粉及芝士炒蛋牛角包。卡邦尼賣相吸引，用料新鮮，味道亦不差。另牛角包亦足料，咖啡不錯。餐廳兩邊有卡位，門口亦有錶位泊車。冰室嚟講算唔錯，一定會再幫襯！

大年初五咁多店鋪都冇開門眼見openrice好評不多冇期望及 膽粗粗入咗嚟試揀咗呢間間冰室去食諗住食午餐會好食過下午茶誰不知是相反的## 原來下午茶係好食過午餐點咗沙爹牛肉 煙肉 通粉 配熱奶茶 32hkd黑椒牛仔柳薯菜 配熱奶茶 紅湯 50hkd餐廳keep住都滿座 員工兩位收銀指揮一位餐廳員工默契唔錯服務質素幾好羅宋湯蔬菜多材料足酸味夠黑椒牛仔柳比較少薯條炒得唔錯只係賣相麻麻地比較細條以及短整體ok## 沙爹牛肉煙肉通粉##極力推介沙爹牛肉醬汁非常好食煙肉雖然量少但質素高通粉軟硬剛剛好## 奶茶香滑正宗

<雅苑冰室 >大年初三好多人都會去拜神，今日我都好充實，先去完芙蓉山拜四面佛又再準備去圓玄學院嘞！眼見排隊去圓玄學院嘅人龍長得恐怖，我地當然係喺附近醫左肚先!由於吾知陣間要排幾耐，所以都係求其喺冰室食個快😅我揀左個常餐，常餐本身係 Hkd50, 但新年期間要加 20%,即係變左 Hkd60。我哩個係餐腸麫配牛奶炒蛋加牛油多士。都係一般冰室水準啦。雖然佢寫住牛奶炒蛋，但吾好唸住會好滑，基本上同就咁普通炒蛋都係咁上下。宜家仲有廚師腸喎，但其實我覺得廚師腸超喊，我就麻麻地鐘意，吾知大家又鐘吾鐘意食呢？？

點了一個雞扒醒晨套餐和一個沙嗲牛肉公仔麵雞扒即叫即煎，口感十分香脆！ 而且腸仔不是普通的雞肉腸，而是德國肉腸，值得一讚！ ！ 早餐份量也十分足夠、豐富，食完很有滿足感！

行山前一定要食飽飽，茶餐食沙嗲牛肉麵絕對正爆又滿足！呢間雅苑冰室都算抵食，早餐仲做到12pm添！坐低落order 5分鐘就上炒蛋西多，算快啦。蛋熟咗少少，都ok嘅。沙嗲牛正常，都算滑，麵唔會太腍。唔怪得好多人黎食。

待客之道，可以加少少heart 行完山 4時多出到荃灣，當然要搵少少食物醫下個肚，見到有間冰室似是新開的，入去幫襯一下、支持一下🎊餐牌有新加坡湯喇沙，好想食，但今天冇！！！改了吃忌廉蜆肉意粉，味道也不錯，伴碟還有番茄 + 紅腰豆、青瓜粒及粟米粒等。另外叫了一個鮮奶油脆豬，鮮油份量多、包也大個啊！興奮地吃，忘了拍照。餐飲叫了奶茶，上枱時有茶香，茶色也可以，但好像奶少了點點，我告訴侍應想加少少奶，她說只可以加煉奶😅唔明。細細一口嚐一嚐，唔得了，好苦澀啊！望一下同桌行山友，大家一樣反應，我留下了大半杯喝不下。有時新開商舖我會容忍一點，因為他們自己都需要時間磨合。出去結帳時，收錢的應該是老闆級人馬，我告訴他奶茶苦澀，他說：應該是☕️茶放得久一點。一點也沒有向顧客表達歉意的心😓

員工又串又無禮貌， 野又難食， 比錢我都唔會再黎。一入到去又唔采人， 搵人寫野又兇人叫人等等。 真係不知所謂。 野食黎到， 凍既， 冬天食凍野。玩咩！ 都唔知點解其他人會入去食！..............................

本來依間茶餐廳其實冇乜嘢可以寫，一般質素嘅茶餐廳，食物並不出色，味道一般。本人其實一向對茶餐廳嘅衛生程度都冇乜要求，正所謂眼不見為乾淨，但係依間餐廳就真係過分得很😡我係指佢哋嘅服務員😰每間茶餐廳都例牌會整幾杯水俾你開餐前浸下义刀匙羹....我因為食豬手嘅原故所以佢哋俾咗把刀比我。歺未到而我又見自己把刀有啲跡，跟本係水浸吾甩既汁，所以叫服務員換過把。佢遞第二把刀俾我，又黐住一小塊沙律菜之類嘅物體😳我即時叫佢再換過😒跟住佢比第三把刀我嘅時候，佢叫我自己搵啲水浸下就OK😵真係你好嘢😑第日你唔使錢請我都唔會再嚟食😡😡😡

是晚㸃了一個牛柳拼大蝦餐，需然只是一個套餐，但廚師的水準出色、用心在用餐時能完全感受到，羅宋湯味道合宜，用料充足，主菜用心烹調，味道一個字-好👍🏼，價格合理

當日去城門水塘行山，出發前當然要食個早餐喇！小巴站附近有好多間選擇，見依間食過都唔錯，早餐的價錢由年頭到依家都冇加過就決定食佢喇~比起剛開業時，這間餐廳多了很多食客，全場坐滿。我地二人都選擇經典早餐（鮑魚腿絲通粉配火腿煎蛋，雪菜肉絲米粉配煎雙蛋）本人覺得這個餐最抵食，其他餐卻相對較貴。因為我唔喜歡搽牛油，如果包叫走油的話，厚多士會變兩片薄多士。

set午餐共五樣左右選，有湯同歺飲，涷飲另加$3。咖喱牛腩鴨胸薯仔跟意粉：牛腩比較un，不好吃,份量不算少。不會薯仔偏多，鴨胸有三片。咖喱都偏淡。豬扒青口焗飯：青口未減退到雪藏味。試一次便夠

荃灣食店競爭激烈，兆和街的食店轉手好快，今日行過見到新食店，裝修光猛環境不錯，有別於常見茶記的擠迫和嘈吵，一於試下。我的卡邦尼意粉個汁做得好好味，濃度適中，白汁剛好沾滿意粉，加上香草和三色椒味道清新，食完唔膩。家人叫的咖哩雜菜少少辣，咖哩汁又夠香濃，送飯一流。扒餐一上檯已經好吸引，滋滋聲熱辣辣鐵板，香氣四溢，個扒做得幾JUICY，份量十足，難咁多客人點扒餐，以79元的餐價來講真的超水準了。食物有水準，侍應招呼都好周到，睇得出店主用心經營。又多一間可以推介給荃灣街坊的好味食店啦！

5-3-2017 (Sun)朝,同老公落荃灣食早餐,原本有興趣去樂意廚,但行到去睇,果然係未開,於是行o黎呢試呢間,去到時有8-9成滿,搵個位坐低後睇menu,冇早餐,得貴價,全日供應o既雅菀拼盤,全日早餐,常餐同公司三文治,背頁就小食,飲品類.有個男侍應見我o地得呢張餐牌,就主動俾張早餐餐牌我o地.啊,有$32.00同$42.00o既港式同歐陸早餐.最後我o地決定要$68.00o既雅菀拼盤同$42.00o既歐陸醒神豬扒餐,兩個都一樣飲熱檸水.好快,兩杯熱檸水到o黎,兩個杯係唔同,一高一矮,然後雅菀拼盤到o黎.有半份公司三文治,克戟同雞中翼.而好快,歐陸醒神豬扒餐都到o黎,有美味豬扒,西煎雙蛋,茄汁焗豆同迷你牛角酥.我同老公將所有o野分開一半交換食.我先食克戟,口感有啲脆硬,加牛油同糖漿食都唔算好甜;迷你牛角酥食到少少牛油香味,但唔係好鬆軟,亦唔覺太肥膩;煎蛋煎到9成熟;件豬扒係薄片o既,味道亦唔算好鹹,口感亦正常; 公司三文治o既方包有烘過,餡有沙律醬,番茄,芝士,炒蛋,火腿同午餐肉,OK正常冇問題.最後食雞中翼,味道同樣鹹淡適中,冇問題.然後至發現,原來我o地有茄汁焗豆,睇吓影o左

昨天中午經過這店，見到餐牌已吸引了我。因為價錢與附近的茶餐廳相若，但環境及座位都舒服點。可是爆滿，只好找別店。今天早一點，見到這店午餐都幾吸引便進去一試。的確，這裡貴幾蚊，但是食物質素及賣相都相當值得。午餐不像一般茶餐廳的「快餐」，上菜速度快。有紅白西湯，我選擇紅湯。味算濃，有正常的蔬菜份量。金沙骨配炸蝦飯，骨夠入味，份量適中。還像西餐廳有西蘭花、蕃茄、青瓜做配菜。再配杯熱奶茶👍🏻😋。店員態度也👍🏻。

在這裡吃過兩次午餐,上次是忌廉湯，芝士汁焗猪扒飯兼蝦仁配啡走。忌廉湯 - 和其它茶記無分別，無湯渣，飲完都唔知乜忌廉湯。芝士汁焗猪扒飯 - 芝士味淡、 猪扒較咸，蝦仁連蝦尾大小適中，炒鈑底OK。昨天吃的是紅湯，馬來咖哩羊扒鈑跟啡走。紅湯 - 這個湯沒有點點油在湯面，不太威也沒有酸的茄汁味，OK。馬來咖哩羊扒鈑 - 羊扒是兩支骨，有羊味全熟，茶記材料不是冰鮮貨，全熟較安全。咖哩好味并有薯仔半個、番茄一片和一小件西蘭花，賣相有黃、有紅又有綠，再在飯面及餸上洒上少許香草粹，很好的賣相啡走微甜，正合我意。