影片
今日叫左个午餐，上海猪扒粗炒，等左20分钟都未有，朋友既蒸排骨都已经食紧。举手同店员讲已经20分钟了，佢居然答我，厨房未煮出黎我都无办法架！！！天呀，我只想你睇下有无漏单，或者你敷衍我追下都可以呀！！到底老板知唔知自己的伙计是怎样赶客的呢！！！！
继续阅读
真系好伏嘅一间店，完全唔识做生意！啲嘢又难食！快啲执笠啦！（小弟第一次咁火爆写食评！）我哋见到餐厅出面贴著学生优惠套餐，跟住问职员出示学生证有冇优惠，个职员同我哋讲有，跟住我哋就入左去食。见到餐厅入面都唔少人，应该唔会伏挂，点知伏到爆！！我哋打开左成页写住学生餐嘅餐牌，嗌咗两个学生餐。一开始上餐就上错左杯嘢饮，睇张单先发现佢落错单，跟住同个职员讲左之后帮我哋转返啱嘅。饮左一啖奶茶，难饮到想呕！上左一个餐之后，另外一个餐竟然等左足足20几分钟！唔知系咪搞针对！等唔系一个问题，问题系等完成碗面仲要好鬼死难食！真系火都黎埋！！由于杯嘢饮打错，咁成张单重新打过，后面我哋先发现仲有问题，成张单都冇学生优惠，系正常价格，咁谂住出去嘅时候同个职员讲返声，攞返个优惠啦（正常餐46，学生餐36，我哋都系因为睇到有学生优惠先入黎食）。点知个职员话落咗单之后就冇得改，话正常系我哋主动出示学生证俾佢哋睇，话有d客都会睇学生餐牌嗌嘢⋯⋯黑人问号？？我打开成页学生餐落单，当时你哋职员冇叫我哋出示学生证，咁我哋出黎埋单出示返，你话冇得转返学生优惠？哈哈哈哈哈哈，真系好搞笑，想赚钱就唔该你哋唔好整学生优惠啦！上餐仲要鬼死咁慢，食完返学校都迟到啦！最后，我哋俾左正常价，祝愿餐厅早日光荣结业。
继续阅读
【122】用家自费分享！Walk in唔使等，约七成满。8️⃣0️⃣CP值，2023/12/11/一/14:04，平日下午茶时段，二人埋单免加一共$106，平均每人$53。店在商场内，易揾嘅，装修企理光猛，感觉干净，坐位阔落，坐得舒服，招呼正常，落单快，上菜快，整体算好味，价钱平，会再去。8️⃣5️⃣午餐土鱿蒸肉饼餐$52，非常非常好味，推荐。7️⃣0️⃣下午茶海南鸡饭餐$48，鸡好滑，油饭就干咗小小。6️⃣0️⃣跟餐另加$3冻咖啡，有啡味。0️⃣0️⃣跟餐另加$3罐装可乐。
继续阅读
过到嚟蓝田唔知食乜嘢好见到呢间雄赳赳餐厅所以入去试吓，今日嗌咗个茶餐厅必备嘅干炒牛河。个人唔系好钟意茶餐厅黑柒柒，因为感觉好似唔干净咁样，而雄赳赳餐厅灯光非常光猛唔会系暗沉沉𠮶种啲餐具同埋枱凳都冇黐粒粒嘅感觉。叫完都上菜，唔使5分钟啱晒赶时间嘅香港人。干炒牛河啲河粉炒得够干身唔会太油牛河上面嘅牛肉份量算多食落去唔会太咸感觉到镬气都够嘅正常茶餐厅的出品。绝对对得住佢嘅收费一碟干炒牛河都只系$55连饮品一杯冻饮加$3完全系物超所值
继续阅读
坐低等汁台！挥手叫左三个侍应三种态度，第一个男生叫我地等等，等到佢收拾其他台(张台冇人)都未到我地张台，第二个叫完佢 望左我地一眼冇出声，拿住个地拖系到拖地，可能地下污嘈，等佢拖完地，又系唔理我地喔，继续做其他野。第三个又系睇到我地，但佢走去汁隔离张台，第一个男生已经汁过张台，我吾明点解要再汁喔。终于等到第一个男生帮我地落单，都系未帮我地汁台，叫佢比两杯水我地，都系等等咯。最后自己动手丰衣足食，五分钟后，个男生再翻来问我地是否冻饮(我地只叫过热饮)，然后见佢走去打单，原来甘耐都系冇落到单。评论一下食物，普通，我叫左个鸡扒，鸡扒系未熟，食左大半先发现，朋友有叫我通知侍应，我冇通知。真心不明白，唔系忙到冇时间帮人收拾台，而是不懂分轻重宁愿两个人去收拾冇人坐的台。总之系到等，等到有人记得你就成功了。不了。ps:最后帮我地汁台系第四个人
继续阅读