影片
港铁天水围站 A 出口, 步行约10分钟; 港铁天水围站E出口，步行约10分钟 或 轻铁坑尾村站，步行约2分钟
继续阅读
电话号码
90362963
营业时间
今日营业
12:30 - 15:30
18:15 - 22:00
星期一
全日休息
星期二至日
12:30 - 15:30
18:15 - 22:00
以上资料只供参考，请与餐厅确认详情
食家推介
与好友一早嚟试试手工意粉，店内整洁，大概十张台左右，当日我地系第一台客，好快就爆场，我哋点左明太子海鲜手打意大利面、烤苹果黑毛猪手打意大利面及Tiramisu 明太子意大利面口感烟韧，虾面好大只，另外黑毛猪煮到好淋瑞配上酸酸甜甜既苹果好开胃 ，好岩夏天食，最后试埋佢个Tiramisu ,喜出望外，浓度咖啡味配上酒味饼底，中间仲有层Nuts口感丰富，一定要试♥️建议一早未开门好排定，店内只有十张台左右，好快爆场
继续阅读
特登踩单车入去试，去到老板话未开，开1230，咁遗有附近行下，预车少少1225返去试，佢居然坐满哂人，重要话我自己唔等…环境一d都唔吸引，加上佢吐一既态度，唔会再去试👎🏾👎🏾👎🏾👎🏾
继续阅读
见到人哋介绍呢间小店，门面连个名都无，但评价又出奇的高，所以就去试吓，好彩之前有电话订位，如果唔系， Walk In未必食到，因为老板预嘅材料真系啱啱好是日餐汤，蟹肉蘑菇汤，好好味，蟹肉真系人手拆，虽然价钱平，但系真系真材实料，会encore! 想饮餐汤要早啲预订，唔系就冇材料另外，烩牛肉好林好好食，值得推介烤苹果西班牙黑毛猪牛角包，出奇地好食，牛角包朔晒啲汁👍🏻不过手工面的烟韧度就唔系我钟意，大家不妨试试
继续阅读
一人经营的小店，老板好好人，因为天气热，专登开凉冷气，等我地去到就可以凉到，仲倒水比我地休息。我地一行三人，虽然只叫左两个套餐，但老板完全没有不满，仲主动送多杯果汁比我地，依加咁好嘅服务态度真系好难得。厨房系开放式，所以见到老板做手工意粉嘅过程，无论系手工意粉还是意大利饭都好好味呀，感受到老板嘅用心制作，大家都比手指公呀，真心赞赏👍🏻临走听到老板话可能做唔到几耐，因为无咩人帮衬，觉得好可惜，因为真系好好味，如果之后食唔到就好可惜。如果大家钟意食意粉，希望各位都可以比个机会「雄记」，相信大家都会觉得值得一试的。
继续阅读
之前炎炎盛夏，带狗狗到远啲的地方食嘢，人同狗都辛苦。等到转季又适逢放假，终于可以一齐行远啲。呢间餐厅系即日揾，即日联络，即日去架~餐牌全日通用，老板话夜晚有时会做私房菜。餐厅的环境清幽、舒服，位于小路旁，人少，安宁。初时谂住带埋狗狗一定要坐室外，但老板喜欢狗，仲欢迎狗狗入店里面坐，更帮我放埋狗绳，让狗狗随意探索，放飞自我。点咗黑松露杂菌手工意大利面，同老板讲食素但旁边素亦可，最后，老板制作咗蛋奶素版。黑松露杂菌手工意大利面（$150）：忌廉蘑菇意粉系成日食，因大多西餐只提供呢个接近素食的选项，而呢度的黑松露杂菌手工意大利面系即点现制，老板即场将面团以制面工具制成面条。同其他餐厅的同款菜式好大分别，单系视觉上的差异已非常明显，呢碟意大利面系浅黄色，唔系忌廉白色。佢的酱汁浓稠，质感creamy，味道劲香、丰富。手工意大利面粗身，有咬口，带raw的感觉，佢具备我喜欢的口感。我唔系好识描述，但佢绝对系出色的意大利面！可能有人会唔钟意浓味，但听老板讲，佢唔主张用调味料，取而代之会用心制作汤头同利用食材的原味作取替，令食味更丰富、多层次。所以，虽然呢款意粉系素食而令老板放弃加入一贯的鸡汤底，但佢就以带肉味的牛肝菌令面食的味道非常浓郁。喺度食嘢，唔需要怕重口味，因为都系非常天然的食物原味。咖啡：意大利面会跟1杯果汁，我估计可能系现成饮料，所以补差额点咗咖啡。咖啡一般，有少少苦，冇乜特别Tiramisu：质感同其他餐厅唔同，佢系比较结实，老板话系以传统方法/食谱制作，单系酒已有2种，其中1种系12年以上的威士忌，取其醇香味道；而芝士亦系2种混合，包括日本的忌廉芝士（可能记错/写错）。较特别的系Tiramisu底部有黑朱古力。虽然望落甜品唔系好大件，但因为佢唔系平常食到的轻身版Tiramisu，所以几有份量。可能个人口味，我觉得如果黑古力可以软身少少（似truffle咁）会再夹啲，而家有少少似食到朱古力钉的口感餐厅的整体感觉令人放松，加埋从落地窗引入舖头的午后阳光，令人同狗都好舒服。狗狗拣咗一个近窗位置训觉，仲一度打鼻鼾，训到伸晒脷，见到佢咁都好chill~~老板健谈，愿意分享，包括佢采用的食材、烹调步骤、煮食心得、营运餐厅的原因、对其他餐厅的评价等。佢的成厨之路系无师自通，而佢亦表明唔钟意煮嘢食，呢样嘢令我谂到，好多人会将do what you love放于love what you do之上，其实呢种心态亦唔系心然、必须，因为professionalism就系喺自己做紧的事情上精进、有要求，唔妥协，单系呢种匠人精神已经值得欣赏。知道餐厅的工作同作为照顾者的责任已令老板的身体有少少不胜负荷，令佢喺餐厅营运同食物预备方面需要作出调整，希望佢多啲自我关怀，保持健康呀！！
继续阅读
您可能会有兴趣的...