影片
食家推介
相关文章
光荣结业前点都要食多次，回味一下鱼肉春卷虽然外型好样衰，但最好味一刻系刚刚炸起，外脆内软𠮶时，不过好难遇到，因为你永远唔知几时刚刚炸起仲有旧牛筋味道非常浓郁，焖得劲淋好胶好正。可惜呢度特色系碗面份量真系好细，双拼的话牛筋得2粒，食完真系无乜感觉，好想叫多碗但又惊俾人笑大食，而且服务态度麻麻地，最好去到坐得即刻叫唔好谂食乜优胜之处系够怀旧，港式风味难舍难忘，食咗N咁多年，始终都要光荣结业，希望后会有期。
继续阅读
今天是「雄记粉面」营业的最后一天，虽然天气不太好，天阴有毛毛细雨，但不减食客的热情，舖头内高朋满座，各人都不理会政府的食肆人数要求，食客热情地来到品尝最后的雄记味道。我没有堂食只买了外卖，当然包括我喜爱的鱼肉春卷，今日叫一个粉面只可以+1条鱼肉春卷，有食客想多叫一条春卷但老板都婉拒了，一份食物只可以加一条春卷，因为要留给之后来捧场的食客享用。熟客们都纷纷向老板和老板娘道别，这就是他们经营30年储蓄下的人情味，这儿虽然没有热情的招待，但各人都守住自己的本份提供简单美味的食品。㊗️你们身体健康，好好享受退休生活，再见。
继续阅读
喺网上见到朋友发文话呢间屹立荃湾好多年嘅粉面店即将喺月底结业，算叫做喺荃湾长大嘅我，居然从来未食过，择日不如撞日，放工拉住先生嚟「朝圣」一下。去到已经被门口嘅「盛况」吓亲，睇嚟呢间面店俘虏咗唔少荃湾街坊嘅心。铺头属于旧式面店，店内座位数量唔算多，排队等咗大概10分钟左右，终于可以入座。连餐牌都相当有历史，听闻以前系做普通嘅港式粉面，近年先加入酸辣米线，而最出名嘅系自家制嘅鱼肉春卷、墨丸、麻辣肚丝同咸菜。餐厅生意超旺，叫外卖嘅亦唔少，所以需要耐心等待。先上枱嘅系油菜，我哋叫咗生菜，俾嘅系西生菜，油份够，蚝油亦一啲都唔吝啬，唔错。米线果然名不虚传，汤底同一般出名嘅酸辣米线唔同，少咗常见嘅肉碎，望落较为清澈，但入口味道鲜浓，别树一格。平日食米线通常都系嗌鸡丝、腩肉同猪软骨之类，今次当然要试下佢最出名嘅肚丝同春卷。平日食猪肚通常系粗切，而呢到嘅猪肚切得好幼细，而且非常入味，同酸辣汤底亦系绝配！自家制嘅鱼肉春卷形状似孖润肠，咬落几弹牙，而且味道鲜浓，个人认为比南记嘅更好食。先生拣咗腩肉配春卷，腩肉偏瘦，好似石荫云南小锅米线嘅名物腩肉咁，够入味，而且肉质软腍，非常有惊喜。店家特制嘅蒜蓉辣酱几惹味，但辣度好够，只系食到小辣嘅话千祈唔好太自信，因为加少少已经好辣。呢度嘅酸辣米线果然冇令人失望，如果早啲知道佢嘅存在就好，得返几日就结业，实在系好可惜⋯⋯
继续阅读
真可惜，咁迟先至知道呢个美食😿最钟意食小锅米线嘅我，一食就爱上😻但可惜下个礼拜就已经要结业啦😿星期六日都唔使排队，叫咗个小窝米线加春卷。个春卷真系唔同南记嘅，好唔同，牛脷酥形状，好有鱼味，好香，大大件，好有口感！！！想一碗加多条春卷都唔得，或者外卖斋春卷都唔得，因为佢哋已经唔够货做唔切😿小窝米线小辣对我来讲已经好辣，辣到出汗，好开胃，辣得来好好好味，啲肉碎同咸菜味。牛丸好弹牙。仲有特别意外惊喜嘅就系炸鱼皮！！！非常之新鲜爽脆！！！ 浸入汤仲会有沙沙声，不得了，正！！！太可惜了咁迟先发现，琴日食完今日忍唔住再嗌外卖食，好可惜香港咁好嘅美食咁快就唔再做😿
继续阅读
2090 浏览
荃湾从来都系米线激战区，香车街老板娘、唯一云贵川、川味美食、云家小锅，多如天上繁星，仲要间间都出名。当然人人都有自己嘅favorite list，不过从朋友L先生得知的雄记粉面，原来系佢最爱，因他介绍吃过后，可以话系我暂时十分著迷之作。你听到雄记粉面呢个名，可能完全谂唔起同米线有乜关系。唔好理，如果你系米线嘅支持者，三月底前请来朝圣一下，绝对不会失望。认识呢间餐厅嘅原因，就系因为佢三月会结业的消息。结业应该同疫情无关，不过真系好可惜，特别当你吃完后觉得好好嘅话，更不舍得。短短一个月来了两次，就系好爱这𥚃米线的弹牙和烟韧感，挂汤又佳，而且个辣汤，好出色。 两次都吃酸辣和酸菜麻辣大肠同肚丝米线，如爱大辣可以加，酸辣非常开胃，大肠和肚丝同样都非常美味，二选一，我会选大肠，唔肥又好有口感，好此道必吃。墨鱼丸系呢度另一名作，和元朗嘉丽园有得比，墨鱼味浓，而且弹性高，叫一碗剩丸吃，最满足。妈妈叫了云呑来试，相对普通了一点，系小巧种类的云呑，有散尾，多虾少猪肉，看看这做法是不是你杯茶，不过一杯粉有六粒系佛心价。当然一定要推介系呢度嘅名物，自家制的鱼肉春卷。劲大条的孖条，又粗又壮，口口咬落去都系鱼肉 ，童叟无欺，就如打真军，拳拳到肉。最好的配搭系酸菜麻辣大肠加春卷，一碗墨鱼丸，吃完两次后，这是我最私心的选择。如果人多你又喜爱吃炸鱼皮，即叫即炸的鱼皮又是不可错过，脆到不能自拔，一定爱上。如果你吃不了那么多，春卷和所有丸类都可以买番去自己煮，我上次便买了几条春卷回家。每次吃完都有心瘾再食，同我一样喜欢食米线的话，还有两个星期便会光荣结业，要试，快手。雄记粉面 荃湾荃兴径17号C地下
继续阅读