影片
以上资料只供参考，请与餐厅确认详情
呢间隐世鸡真系难得 keep 到水准好好食嘅小店！虽然地方细小，座位唔多，但食物真系好高质！重点系佢地嘅下午茶系由 2pm 做到 9pm，而且仲要系劲大碗！有时做晚餐确实唔错~！😋 隐世醉鸡米线 ~ 好浓嘅花雕酒味，鸡肉嫩滑，浸住d鸡好入味！😋 咸鸡米线 ~ 好有咸香味！用餐期间一直有好多人嚟叫外卖，店员突然问我食唔食鸡翼尖，我话食呀~ 然后佢就拎咗碗醉鸡翼尖俾我，好惊喜！呢度系充满人情味嘅小店！
继续阅读
平时喺附近返学，如果落堂见到隐世鸡有位嘅话，就一定会入去食。次次都系食呢到嘅蒜香草鸡扒米线，每次食都觉得好好食😋今次同朋友一齐食鸡扒米线，不过店员话鸡扒得一份系full set，另一份可能要鸡扒拼猪扒，所以问我地咁样得唔得。我地就觉得无乜所谓，所以唔理照要🫡唔知佢地系咪想为表歉意，所以就送左一碗鸡汤浸娃娃菜（？🤣送上嚟个阵我呆左，因为我见到啲猪扒好似好多咁，仲送左碗好好食嘅菜😙个刻觉得佢地好似当我地猪咁喂咁🐷开心！满足！同时亦很饱！最后临走前，同店员讲左声多谢 hahaha😼
继续阅读
屋企人住喺附近，差唔多每次经过都会食！推介口水鸡米线，米线啲汤好好饮，好清甜，食完唔口渴，口水鸡有大量蒜同芫荽(唔钟意嘅话，亦都可以叫佢走芫荽)。下午茶只系$36！呢个价钱真系冇得顶，正价贵啲但系鸡份量多差唔多一倍。以前亦都试过咸鸡同埋醉鸡，都唔错，但系都系口水鸡最好食(注: 少少重口味)。熟客佢仲每次都会送一小碗菜，非常有人情味！有时喺附近嘅话都会心思思专登去食。真系好好味同好抵食，希望佢哋继续做落去！
继续阅读
喺大角咀呢一度有一间超抵食食鸡嘅舖头，如果可以，我推介大家一定要嚟堂食😍一行四人嚟呢一度食下午茶🤣 我哋食尽好多唔同款式嘅鸡，隐世口水鸡、咸鸡、醉鸡、隐世葱油鸡扒，朋友介绍食佢嘅米线，系可以夹啲鸡味😋鸡件非常滑，而且非常入味😎如果唔太钟意食咸食嘅，建议唔好点咸鸡🫢嚟得到食堂食，一定要食佢嘅炸物，我哋点咗椒盐豆腐同埋隐世柚子鸡翼配薯角，即叫即炸，面粉唔厚，有子鸡翼系我哋次次嚟亲都一定叫嘅🤩仲有一样系一定要点，就系佢嘅鸡汤学斗，只系加$5，就有一碗用鸡汤浸嘅菜，本身嘅菜味加上鸡汤，系真系会连埋碗汤一齐饮晒😆重点系食物足料到咁，但系一啲味精都冇，食完好耐都冇口渴嘅感觉，净系呢一点已经非常之难得🥳老板阿胡超亲民，咩话题都可以同佢倾，煮嘅嘢食又好食。如果有机会想食佢嘅龙趸笼仔饭或者其他嘢食，可以早啲喺WhatsApp落订单，一去到就食得😍我哋帮衬系平日下午，𠮶日都有唔少街坊帮衬，证明人缘好好啦👍🏻
继续阅读
大角嘴一向都好多好野食，不过第一次嚟富荣花园呢边食，隐世鸡位置少少偏，离地铁站唔算近，但都几多人食，6点几去到已经满座。小店位置细，坐得逼，个地板唔系湿但劲跣。最招牌应该系花雕醉鸡，但见佢仲有个咸鸡，于是两个都叫嚟试吓。花雕醉鸡米线鸡会有花雕酒浸住，好浓花雕味，鸡肉都几滑米线份量好少咸鸡米线咸鸡就系干的，配葱蓉食，都好够味好咸想食小食只有下午茶餐有，下午茶餐供应到2100，鸡翼+薯角$30，冇嘢饮，所以2个人一人一个套餐再share都冇问题。鸡翼同薯角炸得脆，唔错
继续阅读