影片
招牌菜
相关文章
是日系旧同事聚会之夜~~~ 旧同事向我地推介"随变"多时!! 今次终于试到!!!我地去到果阵系8点~等呀等等呀等...等到鬼咁肚饿!等左个半钟!终于入座喇!一行8只饿鬼一坐低就不停好落力写纸叫野食!由于太肚饿~所以挂住食野冇影相 其实最惊喜就系我地叫到成台野食~ 仲食到肚都爆~每人饮左2罐汽水!都只不过盛惠$125一位!!!好味又好抵!! 唔怪得要等咁耐啦!! 最唔好系地方细!得7张台左右,,希望第时随变可以扩充!!! 加油!!!!
继续阅读
订了台仍要等30分钟，地方很热，饮品一叫再叫也迟迟未送上。虽然如此，但仍有大批食客等位，可见其食物质素的确相当不错。必食推介：冻豆腐。冻豆腐把麻辣汤底的精华尽都吸收，吃下去有难以形容的快感。其他食物如鸡、肥牛等亦绝不会令人失望。
继续阅读
去之前都见到其他食评提及地方又热又细， 去之前都有定心理准备。点知，真系热到爆炸！先讲地方，我地8个人，初初见到联络电话系手提，都担心佢地有无订位。即管一试，系有既!好彩有定位，唔系一定无可能walk in 容纳咁多人。建议多过2个人都要订位，因为个度实在太细，我谂全场容纳唔到20人。我地8个人已经系极限，再多人一定要分台坐。热!点解会咁热呢？我地工程的朋友话根本无通风，D 热气走唔到。就算有部冷气，根本唔够力。有2部挂墙风扇，都set 定一个方向。后来整郁佢，等D风可以吹过黎，点知唔吹好过吹， 吹埋黎系火锅既热风。点解咁热都唔搞搞佢 ？ 原因佢地9月会搬，唔想整野卦! 所以要食，9月去新店试，如果仲系咁热，要冬先接受到LA。食物火锅汤底有辣有唔辣，都系鸡汤底。麻辣火锅可选小，中，大辣。先试小辣唔够中途可以加辣。个个朋友赞汤底D鸡好好食。 个汤都好浓，明显肴咗好耐。 汤底得鸡汤底一种。初初叫小辣，由于我地一D都唔觉得辣，要即刻加辣。可能系中途加入的关系，我觉得一D都唔麻，但香辣。虽然系唔麻，但都好食，好刺激! 狂火锅料点了贡丸，鱼皮饺，牛肉，午餐肉，水鱿，菜，薯粉，基本上都OK，咁既价钱，咁既食物，完全收货。不要期望有物超所值的事情会发生。剩系有人食到D贡丸有怪味，不过我无食到。烧烤点了鸡翼﹣ 一般，唔够香口，可以再烧耐小小，猪颈肉 ﹣ 好食，因为有新疆烧烤的香料，我最爱O个种味!不过D野好快卖哂，成是听到老板话依样无，个样无!下次去可能要讲定老细入多D货，又或者早D去。饮品有同中医合作的花茶，话可以解辣同其他食麻辣火锅引起的问题， 几好饮。不过饮完一round 又话卖哂！整体其实好食，又平，不过咁既环境食火锅热得好辛苦，好似成日想走。如果地方大D，空气到流好D一定会再番黎食。
继续阅读
本人好钟意食麻辣, 睇到OPENRICE呢间野的食评不错, 所以就同BF特登走去试下七点左右去到, 唔驶等位...而食物都几多种类, 有火锅, 串烧, 小菜...我地叫左半只麻辣鸡煲, 真系好正! 好麻好辣, 而且唔够可以再加TIM!! 而其他锅料都系D大路野, 不过不失啦...仲嗌左啤酒同串烧, 串烧都好正! 用黎送酒一流!!我地好满意! 因为食过咁多间麻辣, 呢间系第3间比我地有麻到"震"既感觉, 好正宗! 唯一美中不足, 就系地方真系太细太热喇! 冷气开左等于无@@...睇返之前D食评都有此评论...所以我地都未必会再去喇, 虽然好食但系真系好辛苦...唯有等冬天先再去啦
继续阅读
自己一向好钟意食辣野, 听闻随变的麻辣鸡煲不错, 便约了三五知己试一试~8点左右去到要等位, 大概等半个钟, 不过入到去真系打左个”突”, 地方十分浅窄……..加上我地6个人去, 坐正门口位及出菜位…真系好逼…..好逼….而且空调近乎零….早知坐出面好过~等位前已经order定麻辣鸡煲, 一边中辣小麻, 另一边小麻小辣, 所以一坐低, 麻辣鸡煲好快上枱~第一啖食确实系好辣下(中辣小麻), 但好快就适应左 , 可能系因为加汤既关系, 汤底会越食越唔辣, 不过佢地好乐意再帮你加辣, 所以并唔系大问题!!!!!汤底味道一流, 足料, 鸡十分新鲜, 好好食. 因此配料未到, 大家已经忙个不停狂扫不过汤底虽然出色, 但其他order的配料全部冷藏野, 冇样新鲜!!!! 实在大打折扣, 唯一觉得不错的是自制艽菜饺及冻豆腐……其他不值一提, 令外bbq野亦只属一般~如再有下次唔会order!!!!!!当日老板娘讲过会搬迁到较大的单位….好似会搬去佐敦道~~~如果事情属实, 先会考虑再黎!!!!!因为环境太逼太热, 赶客之余食欲亦会大减~~~~~~~
继续阅读