隨意饌 (已結業)

今日去大角咀接好朋友收工，佢介紹左一間抵食拉麵，佢話食過覺得幾好食。一睇餐牌發覺真係平價嫁喎，拉麵平均都係$40幾一碗，呢個價錢出面真係好難搵到。我叫左蟹棒拉麵，一上枱，我見到個碗都幾大😂幾乎遮曬啲拉麵。我覺得以呢個價錢黎講都幾好食嘅，拉麵係比較幼身嗰隻，啲麵煮到啱啱好，唔會太稔。不過牛油就太細，食唔出有牛油味。…查看更多

「隨意饌」個名雖然聽起來有點「老土」，但絕對唔嘢小，皆因呢度出名有平價拉麵食。只要穿過奧海城二期商場，走過連接海富商場的一段路，再落一層扶手電梯，就可直達隨意譔，可能由於識行的人唔多，所以午巿時間都比較清靜。長野蒜香味噌叉燒拉麵（$47）湯底係蒜香豬骨，好香蒜味，又唔覺有超多味精，食完唔會超口渴。叉燒有𡁻頭，香香的肉味，並沒有將貨就價。仲膽心唔夠飽？唔洗驚，食埋跟餐的五隻餃子就包你飽！餃子仲要係即叫即煎，保證新鮮！…查看更多

天氣悶熱想食撈麵但又想食得飽, 經過佢門口見到海報有介紹新出既相撲冷麵餐,寫住雙麵大份量, 原來係有兩個麵底既麻醬撈麵!有5款口味, 有辣有唔辣, 好似都幾岩食, 所以就同朋友入左去試下喇~個相撲冷麵餐都幾得意, 用左唔同顏色黎區分唔同味道既麻醬撈麵, 我叫左個 “綠相撲”, 即係中華沙律和風冷麵($52)。個餐本身有送味噌湯或者可樂/茶/奶茶, 咁我見佢drink menu既飲品都幾吸引, 就跟餐要左個味噌湯另外再加杯忌廉蜜瓜梳打($13), 但又想食煎餃子, 所以同朋友2個人夾份叫左份粟米餃($46/12隻)。先黎既係忌廉蜜瓜梳打($13), 都幾靚, 就咁睇落去已經覺得透心涼~ 好好飲!! 蜜瓜陣味唔係好假好重味果d, 係好fresh好清新果隻!! Mix埋d cream之後顏色仲好夢幻! 味道好似蜜瓜milkshake咁樣~跟住個相撲麵就黎喇, 真係都幾大碗@@配料有粟米, 青瓜絲, 甘筍絲, 中華沙律同我最愛既糖心蛋, 將所有野同d芝麻醬mix埋1齊變左碗超大碗既撈麵, 芝麻醬仲好香, 呢個配搭真係唔錯, 仲有隻糖心蛋個蛋黃真係流心好好味~!!朋友食果個“白相撲”都唔錯, 係胡麻粟米冷麵。而呢碟粟米餃子真係排得好靚, 好似花呀~ 煎得脆脆的, 餃子餡鮮甜多肉汁, 又好睇又好食!! 食完之後飽到捧住個肚咁走了^^ 呢間餐廳仲有好多款拉麵烏冬小食揀, 又平又抵食, 下次一定會再黎~!!!…查看更多

又经过海富,想讲食个谭仔,但系嗰度嘅阿姐都有点脾气....天气咁热,仲系去食个日式好了!!!果然随意馔,唔畀我失望!!!又出新品!!太可爱了,呢次系相扑餐,原嚟系两团面,加大分量!!!! 但听到系冷面,就好想试睇睇!!!! 原本担心惊食唔完,但系黑相扑嘅芝麻跟里面唔知甚么酱,搭配起嚟,好好食,好开味!!清爽嘅青瓜跟萝卜,再加上脆脆嘅蒜酥!!! 食完我都变小相扑了^^好滿足!!,第日待老公嚟食招牌相扑~~~…查看更多

此店是八方雲集同一公司的食餃子好了拉麵類確實平，但唔好食，湯底無正常拉麵的味道可言黑武士芝麻醬撈面，實在太干，份量奇小，女士3啖已食完，絕對無誇張！但價錢確實好平，所以是理解的紅豆奶茶ok，味道唔算甜，都幾滑餃子皮薄餡夠飽滿，煎得香脆唔油膩…查看更多

琴日超级冷嘅,想马上回家窝著,但系回家又唔想煮饭,突然想起实惠又好食嘅随意馔拉面!去了马上发现刚新上嘅锅烧乌冬!!!本嚟就爱食滑嫩乌冬嘅我,太开心了!!!重点系也太暖心了,只要$49,所以我最后点了一个$53嘅肥牛,补一下身体好了!!!阿姐端上嚟阵,其实都已经煮好了,刚刚好,所以就唔点火,点火会太滚烫.建议真嘅唔使点火,以免烫口,太好食了一下都食完了!!!只系食阵感觉人有点少,应该系太冷大家都唔出门了,但唔想煮饭时,呢间餐厅系我马上想到嘅餐厅~~~再次分享畀大家 ^^…查看更多

一系列清汤乌冬，又有特价！唔食唔行！今日走嚟走去实喺唔知食乜、谭仔好腻、意乐又都一样嘅嘢。想起随意馔！走过去就发现新品、呢家真嘅佛心嚟嘅、新品上市特价尝鲜吧！点了温泉蛋乌冬，满足！…查看更多

在海富商場試了兩間極之失望的餐廳後，終於找到間好的了。我說的是這間食日本拉麵和手工餃子的隨意饌。這裏有手作餃子，也有拉麵。我和家姐兩樣都想吃。還好拉麵可加配不同款色和價格的定食組合，真是太合心意了。我們要了兩個麵加一個組合，這樣就不會吃不完。長野蒜香味噲叉燒拉麵，$46。拉麵份量剛好。湯底有濃濃的蒜香味，拉麵吸晒湯汁，又沒有變稔，好好味。不過吃到中途就開始口渴了，忍不住要喝可樂。叉燒有兩塊，軟嫩入味。半糖心蛋都好好味。另一個是蟹柳牛油玉米拉麵，$44。上菜時真的有點驚嚇，因為賣相和相片差太多了。牛油不要以為很小塊，少少份量已令湯底有牛油味，不想這麼漏就不要全部用晒。拉麵口感跟長野蒜香味噲叉燒拉麵一樣好。就是玉米一點都不鮮甜。組合要了定食D，$16。有5隻招牌手製餃子、中華沙律和可樂。餃子普通，吃不出很新鮮的味道。加了醋會好吃一點。中華沙律是小小的一盤，清清地又爽口。這裏有自助區，自己拿水拿餐具。點餐出面收銀，跟著有個牌子給你，會送餐來。枱面有醬料可用。地方不是很大，但乾靜明亮。學生還有優惠，可惜我不是。…查看更多

因為工作關係來到海富商場附近，剛剛到lunch time又唔想食太貴但又唔想食附近街既茶餐廳，所以就同同事去左海富商場睇下有咩平靚正野食。商場內有意樂，譚仔，百分百同幾間茶餐廳，行行下見到有叫隨意饌既日式拉面餃子店，就俾佢門口張期間限定既poster吸引左，係玄米綠茶紅豆latte，綠茶紅豆既配搭就成日見，加埋玄米會唔會仲香呢？見佢拉面既相都好似幾好食而且又平平地，所以決定試下呢間隨意饌。餐牌上既野都好吸引同埋真係好平好平。我選左碗長野蒜香味噌叉燒拉面+5隻餃子+玄米綠茶紅豆Latte，等左陣就好快有得食lu！餃子皮好薄好平均，肉又新鮮，有ｄ似係日本食果ｄ餃子咁樣，好味。兩片叉燒厚厚地又夠味幾好食, 因為本身我唔太鍾意肥肉，所以呢兩片唔太多肥但肉又夠嫩，覺得剛剛好。湯底好香濃既蒜味同味噌味，唔太咸，自家製的拉面很彈牙有咬口，湯和面加埋一齊剛剛好。糖心蛋真係好好食，成個蛋黃都係流心既，加上淡淡的豉油香味真係好好好好食！最後嘆埋我為左佢先入黎食野既玄米綠茶紅豆Latte，絕對有驚喜！綠茶味香濃，紅豆粒粒飽滿而且不會死甜，配搭濃郁玄米米香味道真係好正，用飲管試左啖on top既cream，感覺很厚很細密，好好味。一向唔太鍾意飲太甜既野，所以我好鍾意呢杯茶味既特飲。同場加映：同事食既辛味噌泡菜叉燒拉面，佢話個湯底微辣又夠香好好味。店內環境總結：成個餐埋單都唔洗$80，食到咁既質素既拉面同特飲真係好超值(去starbucks買杯咁既野飲都要$4x啦)。不過地點就比較偏，但原來係The ONE都有分店架！見到有個溫泉蛋芝麻醬涼拌烏冬都好似好吸引，等我下次近近地去The ONE試下先。…查看更多

又嚟食了!!!呢次食辣味增,呢种辣系微微嘅,很舒服,对爱食辣就唔敢咁辣嘅人,最适合了!!!只要唔系食正餐时间,只要等一下就好了;坐位很舒服,有时候唔想都食饭,好胀又食唔完,食了拉面,暖暖胃,咁嘅价位可以食一碗日本嘅拉面,唔贵啦!!…查看更多

話說係呢頭放工，奧海城又無乜想食，友人話不如試呢間，佢之前係尖沙咀分店食過，話都幾好味。人唔算多，座位都算舒服。先有呢個花枝丸燒（$16），燒得幾好，有咬感。呢個係蟹柳鮮蔬沙律（$23），正常味道原來呢間係八方雲集旗下嘅品牌，所以都出名餃子。香葱溏心蛋拉麵（$57），有埋一份煎餃同小食。拉麵底都ok，葱味夠濃，煎餃唔算好油，味道唔錯。呢個價錢有三樣嘢晚餐嚟講算係咁。長野蒜香味噌叉燒拉麵（$60），蒜香味夠，叉燒唔算肥。湯係豬骨湯，所以唔差。仲有我鍾意嘅枝豆。整體嚟講價錢唔算貴，一個拉麵set都夠飽。…查看更多