隨心華人喇沙海南雞

营业中

休息中

今晚同老公食新加坡菜，好耐無食過啦! 餐店環境舒適，燈光柔和，有多張四人枱，亦有卡座，簡約企理。餐牌清晰，有午/晚餐、二/四人餐、湯、菜類、小食、飲品、甜品等等，選擇唔少。二人餐（$218）最岩我地，有兩款主食、兩款小食和兩杯飲品。我揀海鮮喇沙，熱辣辣，香噴噴，滿滿一大碗，好吸引呀！泥黃色嘅喇沙湯底夠濃厚，有些椰香，亦香辣，味道香濃。麵底有米粉和瀨粉，又滑又彈，掛湯力強，入晒味好滋味! 海鮮有鮮蝦，彈牙鮮美；手打魚片好彈，有魚鮮；豆卜索晒湯汁，一咬就爆出湯汁，好入味；大大隻嘅帆立貝鮮嫩美味；仲有半隻好靚嘅熟蛋。老公揀隨心海南雞飯(無骨淨脾+$10)，推介！雞皮爽，肉鮮嫩，食落鮮香油潤，仲要啖啖肉，完全無骨，正！三款醬料有薑蓉、辣醬和黑醬油，各有不同風味。雞飯粒粒分明，好有油香；雞湯香濃！烏達($0/跟餐4件) 係魚肉泥與各種香料混合，用亞答葉包裹着烘烤，食落腍嫩，滿有香料味，辣辣地，好有風味。雞絲木瓜沙律($0/跟餐) 入口涼涼地，用料有青木瓜絲、紅蘿蔔絲、沙律菜和車厘茄，相當清爽，加埋嫩滑嘅雞絲，拌入泰式酸辣汁，又豐富又香辣醒胃！熱檸檬薏米水($0/跟餐) 有檸檬嘅清新，甜度剛好，薏

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間東南亞餐廳，品嚐星馬味道。隨心華人喇沙海南雞位於鰂魚涌海堤街，地鐵站出發大約六七分鐘便到，地點方便就腳。我們一行二人點了二人海南雞餐，一起互相分享。海南雞半隻(⭐⭐⭐⭐⭐)海南雞已經去了骨，吃起來啖啖肉，配上特製調味醬汁，令人停不了口。肉骨茶(⭐⭐⭐⭐⭐)肉骨茶吃起來有很濃鬱的藥材味道，冬天飲起來十分暖胃。排骨肥瘦適中，配上紅棗等等不同藥材，十分有特色。沙爹串燒(⭐⭐⭐⭐⭐)串燒我們選了豬和雞兩款。即叫即燒，上枱時還是熱辣辣。雞肉吃起來嫩口，豬肉有點嚼口，配上沙茶醬更為惹味。馬拉盞通菜(⭐⭐⭐⭐⭐)另外我們叫了個通菜，吃點蔬菜中和一下。通菜配上馬拉盞吃起來十分香口，而且份量也不少，兩個人分享綽綽有餘。飲品(⭐⭐⭐⭐⭐)跟餐飲品十分多選擇。我們分別選了熱檸檬薏米水，杞子雞湯。薏米水不太，甜而且有大大片檸檬。雞湯也十分不錯，真材實料沒有味精。總括而言，這間餐廳食物質素不錯，而且價錢十分大眾化。下次經過也一定會再來。~~~~~~~~~~~~~~~~~~~~~~~~隨心華人喇沙海南雞鰂魚涌海堤街6-16號龍

快告诉我，喇沙不止我1️⃣个人爱🤩在发掘更好吃的喇沙路上越走越远了，这次看到家小红书没什么热度的喇沙餐厅，意外的local评价还不错🤔✅直接点了牛肉喇沙掺掺🍜汤底没有过甜，但够香浓，排得上top 2✅串烧和咖央黄油多士都超过标准水平咖央多士焦焦treetree 满满黄油香，请问谁能拒绝🧚✅再配个柠檬薏米水，满足！💯

A Humble Haven for Singaporean-Style Hainanese Chicken RiceNestled in the heart of Quarry Bay’s bustling business district, With Your Mind is a cozy, no-frills eatery that has become a local legend. Despite its modest size and unpretentious decor—think wooden stools, chalkboard menus, and walls adorned with handwritten thank-you notes—this spot draws constant queues, with office workers and foodies alike willing to wait for its star dish: Singaporean-style Hainanese Chicken Rice.The chicken rice

今晚帶埋媽媽食晚飯，特登去鰂魚涌呢間小店試吓💁🏻‍♀️環境不錯，唔會好迫。特登叫咗招牌海南雞飯，肉骨茶，馬拉盞通菜同埋鳳尾蝦薯絲卷👀上菜好快，首先嚟咗個肉骨茶，好香，都好足料，有三大嚿排骨👍🏻味道，好似平時媽媽會煲既八珍茶甘😌所以媽媽話佢自己嗰啲仲足料wo😂😂😂之後你海南雞飯，雞肉好滑，啖啖肉😚，好香雞味👍🏻，最欣賞佢個油飯，有淡淡的椰香味但唔會好油😂忍唔住清晒🤭通菜都炒得好香，唔會好鹹，就咁食都OK👍🏻最後鳳尾蝦薯絲卷好特別，即叫即炸，上到枱勁熱又脆，正👍🏻整體幾好食又抵食wo，CP值高，兩個人埋單都係二百幾蚊乍💁🏻‍♀️

在鰂魚涌的隨心華人喇沙，我和老婆度過了一個愉快的晚餐時光，選擇了他們的二人餐，品嚐了多道美味的海南雞和其他特色菜。這裡的氛圍輕鬆舒適，非常適合享受地道的美食。我們首先點了隨心海南雞脾飯（無骨），這道菜是他們的招牌之一。雞脾肉質鮮嫩，經過精心的醃製和烹調，保持了肉質的多汁和鮮香。搭配香噴噴的米飯，每一口都令人陶醉，讓人感受到海南雞的真正魅力。接下來，我們嘗試了古方馬來燒雞配油飯，這道菜的雞肉外焦內嫩，香氣四溢，油飯則吸收了雞肉的精華，讓整體味道更加濃郁。這樣的搭配不僅美味，還讓我們的味蕾得到了極大的滿足。沙爹串燒是我們的另一個選擇，四串中有兩串雞肉和兩串豬肉。串燒的調味非常恰到好處，搭配特製的花生醬，口感香濃，讓人一口接一口，根本停不下來。而無骨鳳爪（四隻）則是一道輕盈的選擇，滑嫩的口感和特製醬汁相得益彰，非常開胃。飲品方面，我們選擇了熱柚子茶和凍馬拉拉茶。熱柚子茶清新提神，凍馬拉拉茶則少甜，恰好符合我們的口味，為這頓豐盛的晚餐畫上完美的句號。總體而言，這頓晚餐不僅美味，而且充滿了各種風味，讓我們在隨心華人喇沙度過了一個難忘的夜晚，絕對值得再次光顧。

🦑 墨魚餅喇沙（$57）喇沙除左有主角墨魚餅，仲有半隻熟蛋，魚片同豆卜；湯底嘅椰香味好重，魚片好爽口彈牙，墨魚餅就比較粉同腍身，豆卜索哂湯頭嘅味道幾入味，麵底用咗米粉，食落口好腍但唔碎，整體來講份量都幾大碗🍐 雪梨茶（+$3）飲落口非常清甜解渴，啱晒而家開始熱嘅天氣飲如果上菜嘅速度可以快少少就更好，我去食嘅時候係下午茶時段，客人唔算多，得兩三枱，都要等成接近15分鐘先上枱，不過下午茶呢個價錢連埋加一要$66系鰂魚涌呢個高地段嘅地方嚟講算係不過不失

鰂魚涌太古一帶有好多打工仔，鰂魚涌有更多餐廳，lunch有大量客流。朋友系鰂魚涌番工，就介紹咗我呢間餐廳，系食新加坡菜同埋馬來西亞菜，尤其喇沙同海南雞最為出名。鳳尾蝦金絲薯卷，金絲薯一絲絲香脆可口🥔呈金黃色💛鳳尾蝦蝦肉爽口彈牙🦐沙嗲肉串有豬肉🐷同雞肉🐔啖啖肉肉質結實，沾上沙嗲醬更惹味。海南雞飯果然名不虛傳，每件雞肉都好嫩滑🐔沾上酸辣汁 蔥油 醬油❤️💚🤎3種醬料同樣能夠令海南雞飯增添滋味，特別喜歡酸辣汁同埋醬油，酸辣汁味道少少刺激味蕾。話系油飯，但其實吾會太油膩🤭啱曬想食油飯，但係又驚太油膩嘅人。古方馬來燒雞配油飯，吾知咩系古方，但燒雞雞皮好香脆，雞肉夠嫩滑🐔食肉獸都會中意～同樣系揀咗油飯，香氣十足。馬拉拉茶牛奶味重🥛茶味香醇☕️兩者比例融合不俗。話梅柑桔水吾會死甜，話梅加柑桔兩者清新解膩。

今日試咗幾款經典嘅新加坡美食，真係好滿足！首先係海南雞飯，雞肉嫩滑得黎又唔會太油，皮薄肉厚，啖啖都係鮮味。飯粒吸晒雞油同香茅嘅香氣，每一啖都好入味，仲有嗰三款醬汁（薑蓉、辣椒醬同黑醬油）可以自己調味，真係好正！跟住係臘腸炒貴刁，鑊氣十足！貴刁炒得夠乾身，唔會太油膩，臘腸嘅鹹香同蛋絲、芽菜嘅爽脆完美結合，食落好有層次感，仲帶少少焦香，真係停唔到口。飲品方面，檸檬薏米水清新解膩，薏米煮得軟硬適中，檸檬嘅酸味同薏米嘅甘甜平衡得好好，飲完感覺好舒服

鰂魚涌太古坊附近有好多餐廳，其中一間就係呢間主打星馬菜式😋 佢個二人餐都幾豐富，有兩個小食、兩個主食同兩杯飲品🥤 鳳尾蝦金絲薯卷 🍤 呢個小食好特別，用左薯仔一絲絲咁包住鳳尾蝦，炸得金黃色好惹味😍海南雞喇沙 🍜自己每次去星馬餐廳就一定會叫喇沙食，佢有唔同嘅配料，我就揀左招牌海南雞🐥 隨心海南雞飯 🐥 海南雞係星加坡必食既菜式，可以配白飯或油飯都得，最重要係佢既海南雞好嫩滑👏斑蘭椰絲球 🥥 第一次試呢款甜品，有啲泰式嘅味道🤭 椰絲喺外邊，入邊就好香斑蘭味，煙煙韌韌好有口感🤗檸檬薏米水 🍹飲品就揀左解渴既檸檬薏米水，甜甜地好好飲😌柚子茶 🍹另外叫左杯熱柚子茶，都一樣咁解渴😆

🤟🏻諗住簡簡單單食個馬拉菜，估唔到又幾有驚喜！🌴餐廳環境好舒服，帶少少異國風情。🍽️叫咗個二人餐（$218）包主食小食飲品，好抵食！😎仲可以揀晒佢哋嘅招牌喇沙同海南雞飯～✨隨心海南雞飯✨🐓雞肉滑到不得了，仲帶有淡淡嘅酒香，真係無得彈！🍲配埋杞子雞湯，飲落好暖胃。🍚油飯亦都好入味，每一啖都食到心思。✨慢煮咖喱牛肉喇沙✨🍜湯底椰香濃郁又唔會太辣，啲米粉吸晒味～🐃牛肉煮到入口即溶，仲有整整一條嘅牛筋，咬落去滿滿嘅骨膠原～🥘配料都好足，魚片、豆卜、芽菜同蛋都齊晒！✨烏達✨🎏佢哋嘅小食烏達真係好少見，將魚肉mix埋地道香料，夠晒惹味～✨ 沙嗲串燒（豬&雞）✨🍖串燒熱辣辣，豬肉爆汁好juicy，雞肉又嫩又唔乾，沙嗲醬香濃得嚟唔會膩。✨馬拉拉茶✨☕️意外地一啲都唔甜，飲落好香茶味！可惜個二人餐冇甜品，忍唔住追加咗…✨斑蘭咖央厚多士（$32）✨🥪價錢唔貴冇諗過咁足料，牛油厚到爆，食完好滿足，係完美嘅結尾！🤌🏻下次我冇咁趕時間，一定要試吓佢哋嘅火山排骨！見其他人嘅食評同相都好吸引，但製作需時30分鐘。

呢度嘅款式種類都幾多，而且價錢大眾化先叫咗一個肉骨茶加排骨係用一個燉湯嘅形式上肉骨茶呈深啡色 啖啖藥材味道一路飲嘅時候都㷫烚烚 出晒汗另外加錢要左排骨 點啲甜豉油食就啱啱好另一個叫咗斑蘭咖吷多士走牛油四大塊多士疊高真係好震撼每一塊多士都好厚入邊有豐富嘅斑斕醬料唔會乾身鍾意食多士嘅一定唔好錯過咖哩薄餅 係酥餅加咖喱醬酥餅充滿香濃嘅牛油味道 再加埋惹味嘅咖喱醬點埋一齊嚟食好正最後嗌埋杯熱檸檬薏米水暖笠笠 啲薏米好腍

附近咁多商廈，午市放lunch多人係意料之內，幸好都唔駛等位，被安排左坐收銀旁邊嘅兩人位，雖然逼少少，但無咁嘈，又有足夠私隱度👍🏻 我哋兩個都叫左古法燒雞配油飯，呢間有養生嘅飲品選擇係我最欣賞嘅地方（檸檬薏米水、生薑茶、紅棗茶、杞子雞湯，雪梨茶）。我地叫左熱紅棗茶同檸檬薏米水。加埋熱飲，一個餐$80左右。古法燒雞配油飯燒雞好香，雞皮燒到脆卜卜🤤，雞肉嫩滑唔乾👍🏻仲有海帶伴碟👍🏻期待下次試下其他菜式。

最近轉咗新工喺北角鰂魚涌呢頭發現咗間「隱世」高質東南亞菜佢位置近鰂魚涌地鐵站B出口附近人流唔算多入到去有啲選擇困難我問老細有咩推介佢諗都唔諗就答「火山骨」既然佢咁果斷 我都即管試吓係咪咁正首先不得不提「火山骨」真係「骨如其名」成座火山咁超大份 一上菜 基本上係全場矚目店員即場灑酒 點埋火超級打卡able店員建議我哋直接用手拎嚟食佢哋都超細心 俾咗兩碗檸檬茶我哋清潔雙手火山骨脂肪較少 瘦肉較多炆到好腍好香醬汁酸酸甜甜勁開胃另外我哋叫咗個帆立貝喇沙湯底濃郁，有陣陣椰香，加上香料嘅辣味帆立貝有成四大粒 好新鮮好香米線索晒湯汁 超惹味小食就叫咗串燒(豬+雞)肉質鮮嫩好惹味點埋醬超好味椰汁紅豆冰大大杯 椰味超濃總結: 大推

🍴海南雞喇沙 $82 (7.5/10)喇沙本身係賴粉加米粉，叫左淨米粉，好吸湯都軟腍，個湯重椰漿味，香料辣味唔出，唔算濃比較淡但有味。仲有2舊豆卜，個雞好嫩滑有雞味，份量都幾足！味道唔錯的。🍴檸檬薏米水 +$8 (7/10)無糖，幾清熱！推薦指數： 7.5/10唔錯的，份量足，lunch time要等位