影片
港铁大围站 F 出口, 步行约10分钟
继续阅读
电话号码
95750791
营业时间
今日营业
全日休息
星期一
16:00 - 01:00
星期二
全日休息
星期三至日
16:00 - 01:00
以上资料只供参考，请与餐厅确认详情
食家推介
食到好饱好味，尤其是鸡翼秋葵虾滑好味花甲粉丝好味啤酒好味乌龙茶好味白鳝好味生蚝好味炸馒头好味炸白虾仔好味烧鲭鱼好味烧翠玉瓜好味烧茄子肥美好好味烧孜然娃娃菜好味。。整体平均80分以上。
继续阅读
📍环境 & 地理位置：呢间大围串烧小店坐落隆亨商场街市侧边，虽然位置有啲「吊脚」，西铁站出口行10分钟左右到，但佢系区内想嗌串烧外卖个阵少数开到凌晨一点嘅「宵夜救星」！相信区内唔少街坊宵夜都嗌过，一般嚟讲，即叫即烧送埋上嚟都唔洗等好耐。 🍆烧茄子：食串烧必嗌之选！成条茄子开边烧到离皮，面头铺满爆香蒜蓉同香料粉，香气扑鼻之余，茄子肉烧到软淋淋，仲带少少焦香，香料、茄子、油脂三样野夹埋一齐，浓香风配啤酒一流！🙂↕️🙏🏻🌱烧韭菜：韭菜控必试！一咬落去爽脆多汁 (讲紧外卖上门焗左一阵都仲爽嘅)，火候控制得几好，唔会烧到干争争，面头洒咗层微辣嘅香料粉，加埋韭菜嘅天然甜味，都好啱key！同埋份量嚟讲一份都唔细，算系抵食👌🏻🐟串烧白鳝 ($48/串)：呢间嘅白鳝风格系厚切风，切到手指公咁粗，外皮烧到脆卜卜，厚肉脆皮好满足，鳝肉算肥美，仲有阵淡淡炭烧香，完全冇泥味。同埋师傅手势都唔错，鱼骨起得干净，啖啖肉又好味，贵少少都值回票价！ 🌙深夜限定优势：平时住呢头夜晚突然口痕想食热辣辣串烧，其实选择唔多🥲呢度开到凌晨1点，仲有外卖上埋门，真系要多多支持唔好比佢执🙏🏻
继续阅读
刚巧约了朋友到大围食饭，火车站那一边已经去过好多次，今次去咗隆亨邨呢头，虽然无火车站果头咁方便，不过呢边由火车站行过嚟都系10分钟左右，不过价格就平一大节，平均$150一个人已经食饱饱。每一道烧烤都让我印象深刻，绝对值得再次光顾！
继续阅读
夜晚七点几周围行谂住试下新野，去到隆亨邨，见到一排食肆，见到呢间得一枱人，隔离两间都要等位，抱住一个试伏嘅心态入咗场，但发现完全系喜出望外！首先铺得4张枱（里面仲有一张，但唔知系咪开放），我同女朋友入场嘅时候计埋我地徥两枱客，用QR Code点餐，出面串烧一般等好耐，我地一次过点咗唔少，但点完餐之后上菜速度好快，结果食到咁上下有啲串烧冻咗，所以如果大家去食，边食边落单会好啲。讲食物，茄子烧系诚心推介，烧到离咗皮但又无㶶到，十分好食！串烧组合系抵食啱好味嘅，$72/4串，鸡猪牛羊各1串，唔知系咪我错觉，每串嘅最外边果旧都有啲瑕疵有啲硬或者「孩」，而入面嘅全部都外脆内嫩，有质素，羊肉有少少膻味，我自己就接受到，但如果食唔到膻味嘅话散叫其他会好啲。烧韭菜、秋葵系食得出水准，另外肥牛金菇卷都系烧得啱啱好，肥牛肉汁保留到之余金菇都够味！今次挂住食影相唔多，下次再去食兼影多几张！
继续阅读
食物好新鲜，味道都好好味，环境都好干净，龙虾刺身好鲜味，重点推介：肥鳝串烧，锡纸花甲粉，龙虾煲，员工态度都好有礼貌，唯一唔好就系洗手间在外面，可以book独立房间，一班人黎食嘅都冇问题
继续阅读