陸陸雞煲火鍋

成打同事浩浩蕩蕩衝到尖沙咀搵食，美女推介陸陸雞煲，就試您啦 ﹗首次到訪，照舊研究所有菜單先。雷式混醬，不用花巧，不用太多材料，我打邊爐只需要指天椒、生蒜、炸蒜就足夠，視乎心情加蔥或不加蔥囉。如果麻辣雞煲湯底夠濃夠辣的話，就連混醬都可以慳返喇。辣子腸頭，外皮炸得金黃香脆，裡面腸肉嚥韌微彈，撈埋辣辣及花椒，味道完全滲透其中，越趙越出味、越食越刺激，夠麻夠辣我鍾意﹗椒鹽雞軟骨，平凡中規中矩，炸粉太多使到雞油味道完全被掩沒，雖然完骨仍是脆卜卜，但只食到椒鹽麵粉。辣子舌頭，我愛肥美嫩滑脹卜卜的鴨舌，這碟不是我的。味道跟辣子腸頭一模一樣，麻辣誘惑，辣得夠舒服。麻辣雞煲一隻中辣，主角陸重登場喇 ﹗侍應們細心慢慢地加熱兜炒兩野再蓋上，禮貌地叮囑記得焗一焗先食呢。服務質素跟大埔八妹雞煲有天淵之別﹗放低個雞煲即刻催促雞已夠熟，可以即刻食唔洗等架﹗驚死您慢慢嘆浪費時間，食得慢阻住做生意既態度﹗全部芹菜、洋蔥、青蔥、芫茜仲係生架，您估依家食沙律呀？唔炒炒、唔焗焗、唔煮煮，那會出味呢﹗諗起就把幾火。禮成可以起動，客氣生疏食少好多，搶呀 ﹗熱辣辣飄住煙試舊，雞件醃過再慢炆使到十分入味，汁液醬料已完全被雞肉所吸收，內內外外都美味無比﹗金黃雞皮黏滑，雞肉嫩彈多汁，Good ﹗微弱的麻，以辣為主，多種的香菜香料令到味道及層次更豐富，辣中帶甜，滋味無窮，心滿意足﹗整隻雞已灰飛煙滅，可以選擇加清湯或加辣湯打邊爐，完全免費免加錢﹗食過某某雞煲店加辣湯另外收費，無良食肆﹗斑馬手打墨丸，還以為每粒都黑白相間，原來只不過係墨汁鮮墨魚丸併鮮墨魚丸啫。真材實料肉多粉少，清爽的白雪雪純墨魚丸，鮮甜黑墨汁墨魚丸，兩者皆高質滑彈肉汁豐富。手打鮮蝦丸，鮮蝦味突出，肥豬肉少，食到粒粒蝦肉添呢。雲吞併水餃，滑嘟嘟的餃皮包得粒粒結實不鬆散，肉香蝦鮮木耳脆，大大舊有料美味。牛横隔膜，夾住在滾湯中拖兩拖，鮮嫩粉紅色即刻食，熱到出晒煙就係最好味既時候。厚厚的牛肉鮮甜味，鬆軟綿綿的橫隔膜肉，停不了地衝刺，好好味喎﹗如果切厚少少，口感就更彈滑啊。雪花肥牛，已被橫隔膜比下去了 ﹗薄薄略鞋，牛肪欠奉不夠肥美嫩滑，只有淺淺的牛肉味，麻麻地。蕃茄豬骨濃湯底，大量的排骨已被番茄濃湯炆得肉質鬆化，一咬骨肉分離，有點乾又有點鞋。味道就不錯的，濃郁酸酸甜甜的鮮茄味道，醒腦開胃。自家製響鈴，我愛浸湯食，索盡麻辣汁半脆半腍，質地更多變化更好食。脆肉瓜，沒什麼特別，爽爽瓜汁。金菇，天然的爽甜，親上麻辣依舊非常美味。脆鯇魚腩，健健康康閃令令的魚肉，脂肪甘甜非凡，魚皮脆卜卜，魚肉爽爽勁多汁 ﹗大愛，無得頂。牛柏葉，同樣帶湯力極高，全神貫注睇準時機起菜，烚得剛剛好，爽彈無比。萵筍，從來未見過切成長條形，好得意喎 ﹗同事即場生食，話好清甜爽口。我都係鍾意烚到變腍變瓜的質地，甜美多汁水潤，追住食，好好味啊﹗高級午餐肉，奇怪地切成粒狀，好食一點嗎？我始終覺得切片既吸湯力、吸麻辣力強好多喎。咸香肥美鬆軟，大家所知的味道，帶著麻辣湯在嘴內打滾，爽的震啊﹗以前絕對唔會用午餐肉打邊爐，不知何時開始越來越普及，由神州傳入的嗎？因為麻辣雞煲？…查看更多

又一日開開心心帶女朋友食新野，於是就去食雞煲😘。早有計劃的我一早訂位減少等位時間😏。入到去，整體空氣流通，唔會焗亦唔會因為減低溫度而開過大冷氣。我地叫左$138嘅例牌雞煲，服務員好細心，隔一兩分鐘幫我地攪攪個底，費時黏底。再贊一贊個雞煲 個雞煲幾好食，雞肉唔會太熟，啲汁啱啱好鎖哂入去，醬底辣度雖然微辣，食落去啲辣味慢慢滲出嚟，唔錯。而且材料選擇又多 起碼又廿多樣食物 有鵝腸 豬皮等 配雞煲ge 辣味 十分開胃 正但飲品同配料價錢真係set得有啲高。一罐汽水坐底12蚊😱，78蚊竹笙得幾條，實在有昆水feel 不過整體黎講都算可以 大家記得試試!!!!!…查看更多

當天四人眾一起到這間遠近馳名的雞煲火鍋店吃雞煲 ....很可愛又色彩鮮艷的門面, 果然先聲奪人~門面也貼上很多威水史, 看來其質素應該有保證~逢星期一至星期四, 8:00pm前結賬及離座、10:00pm後入座, 可享育會單85折!由於時間尚早, 所以未滿坐 .... 廿分鐘之後即爆場~美侖美奐的餐紙, 有四格漫畫提示如何吃雞煲~人多有著數! 一檯計, 越多 FB Like 就越多優惠! 點單紙店員忽然遞上前菜: 水果, 真的使人驚喜!鮮果利賓納吃雞煲飲 利賓納 真是第一次! 有橙肉的利賓納感覺很清新呢!陸陸雞煲 (例 BB辣) $138 另加 豬軟骨 只須加$68 味道是比較特別, 偏甜, 是既甜且辣又帶點麻, 非常有個性的一個雞煲~豬軟骨 $68肉質軟腍, 肉味夠濃, 放入雞煲內焗一焗, 與汁混合之後, 滋味不俗~雞件很入味, 既甜且辣又帶點麻, 味道別具一格, 有一種吃下去便難以停口的感覺~加了上湯的樣子, 味道仍然濃郁陸陸手切肥牛 (例) $ 158油脂比例平均 , 我愛吃偏生, 約3成熟的牛肉, 只須放落煲略拖3-4秒便可入口吃, 這樣的肉質最是嫩滑, 肉味香濃~ 野生竹笙皇 $78竹笙的吸汁力強, 只須放落煲略略拖一拖便可入口吃~手打墨丸拼手打蝦丸 $88墨丸有黑色也有白色, 肉質彈牙又夠爽口, 而且是吃得出內含墨魚肉的! 很有驚喜呢!蝦丸也不是平凡貨, 肉質彈牙爽口, 而且是吃得出蝦肉, 味道很鮮!炸魷魚鬚上檯時熱氣騰騰的很新鮮, 炸粉不算很厚, 魷魚鬚入口煙韌富咬口感~陸陸鮮菜籃 $68 我們雖是食肉獸, 不過總會點一些蔬策來吃的, 幫助消化嘛~…查看更多

每個星期六日都留喺屋企真係好悶好悶，所以就即興call咗個朋友去行街。朋友鍾意食雞煲，之後好隨意咁入咗呢間餐廳。就坐後店員送上餐食果，比我地開一開胃非一般嘅餐紙，餐紙上嘅漫畫教點食雞煲，唉見到隻雞有啲唔忍心食添。檸檬利賓納---食雞煲飲嘢是常識吧~好大支，兩個人分到四至五杯左右辣子腸頭---食住等才是王道大腸炸得非常酥脆，入口即化，唔會太油，又麻又辣食到上晒癮!!!炸魷魚鬚---金黃色嘅炸皮包住魷魚鬚，炸皮唔會一夾就同魷魚鬚分開。終於有得食喇~~~雞件入口時甜甜的，慢慢喺個口揮發出麻同辣，非常惹味。配料時間又到喇~手切肥牛---肥瘦均衡，肉好嫩，牛味還好。名... .真係唔記得油炸鬼包住蝦滑，自己覺得越腍越好味。野生竹笙皇---索汁一流呀!!!炸枝竹---好大卷，非即炸，不過味道都幾好。菜---好新鮮的，好多我最愛嘅菇   食佐咁多肉同炸嘢一定要食番d菜。…查看更多

通常去吃雞煲……都是只是以辣味為重，以辣為中心，令我每次吃個雞煲都要在七八杯水的陪伴下才能繼續食，但這次的雞煲，辣之餘還帶點麻香呢而且重點是麻辣的味道配合起來又不只是麻辣，更帶出一種有如美妙樂章般難以用筆墨去描寫出來的感覺，非常容易的讓人想要吃過再吃的美味標誌是一隻很可愛的小雞呢，令人對裡面的主打菜瞬間一目了然門口已經貼了一張有如「集點儲分換禮物」一般的玩意：嗯嗯，一定要參加……！內部環境都是以橙紅色為主，總感覺好親切呢～店舖並不算大，但亦不會讓人覺得狹窄甚至緊張，氣氛都是可以的酸酸的健康餐前小吃，給你的胃一個吃辣的準備～！水果跟車厘茄的數量大概是人頭計的？反正我四個人店方就給了四份——一些不同類別的提醒，貼了在店舖裡面的不同位置顏色可說是非常鮮艷，顯眼得很，這樣就不會看不見了！墊檯紙同樣非常可愛，充滿活力啊食雞煲的方法亦用漫畫的方式告訴了我們呢，一石二鳥就是那個儲分一般的活動！！來來！集合大家所有人的（手機）力量吧——！！為了更多食物——！！很多食物的菜單就是菜單了豬軟骨是追加回來的！既有雞又有豬才更加盡興啊這就是雞煲了——時間差不多的時候店員就會來伸出手協助一下，看看雞煲怎樣了而豬軟骨就是加進去的！跟雞一起！這樣豬軟骨就可以跟雞煲的同味道了，既麻且辣的雞煲的醬汁麻辣麻辣得嘴巴都快麻得沒感覺了好爽而且肉質都很腍，不用費甚麼九牛二虎之力就可以吃掉了響鈴就這樣入口不算是脆口鬆化，所以理所當然的是放進雞煲後的火鍋裡了！要變身成火鍋了！健康之選的新鮮蔬菜——夠新鮮已經是最重點了！手打丸墨丸跟蝦丸就是，其中黑色一片的不用害怕！那個只是多了墨汁罷了！不用因為顏色而不吃！因為它們爽口彈牙是不能不吃的！生的油炸鬼是生的，所以放入鍋裡吧！等一會就很快能吃的了！因為放了入鍋，所以理所當然的是吸收了湯的味道——牛肉啊啊啊啊啊啊牛肉！肉脂均勻又嫩，而且牛肉味足好好吃又是愉快的食了一天呢～…查看更多

通常我吃的雞煲都是麻辣味較重 , 今次經朋友介紹的陸陸雞煲 , 沒想過味道會是麻辣味之餘也帶偏甜 , 正如侍應生所說點雞煲小辣 , 它的辣度等如茶餐廳的辣油。 進入店後 , 怎樣會感覺餐檯的擺位 , 馬蹄型夠特別。 檯與檯之間有一個身位的距離 , 大家好親蜜喔 ~ 不過食客是有進餐時間的限制 , 於繁忙時間下一至兩位食客限時 1.5 小時 , 三位及以上限時 2 小時。餐紙上有漫畫介紹吃雞煲的不二方法 吃雞煲前先吃餐前果 , 開胃嘛 ~店子小小但是供應的火鍋生料也算多 團結就是力量吧 , 同檯越多 FB Like 越有大獎 等待雞煲前先吃小食 , 我們四位有四個 FB Like , 換碟 辣子腸頭 來助助慶 ~ 豬大腸炸得透徹 , 差不多一咬會感覺即化 , 隨之而來是豬油散出來的甘香 , 至於辣味是辣椒、花椒、八角的香惹味已早早存在酥脆的腸片內 , 隨豬油散出來時飄散 , 少辣而麻勁十足 ~原來時興雞煲搭豬軟骨 ( 雞煲 (例) $ 138 另追加豬軟骨 $ 68 )我們選擇焗香雞件之餘也焗香豬軟骨 , 所以侍應生會順便幫我們弄一弄 , 焗多陣、炒兩炒便可以開動 , 雞煲裏的醬汁不多 , 僅僅可以掛在肉上。 首先吃件雞 , 先甜後辣再來麻一麻 , 豬軟骨是預早已炆到腍一腍 , 吸了雞煲內的惹味香 , 吃落軟骨似牛筋。吃惹味雞煲再叫渣 青檸梳打 做陪襯 , 一渣可以斟 4、5 杯。雞煲吃過 , 加湯打邊爐 , 湯有分清湯與辣湯兩種 , 我們選了清湯 ~自家炸響鈴 $ 40 ... 不過並非即炸 , 上檯時是室溫溫度 , 吸湯一流。 鮮菜籃 $ 68 ... 時令蔬菜夠新鮮又厚葉 , 一籃有七至八個蔬菜項目 , 份量足 !手打墨丸拼手打蝦丸 $ 88 ... 墨丸有黑、白兩色 , 同樣的彈牙甜美 , 含墨魚肉但是黑色墨丸加了墨汁卻增添一番鮮味 , 我比較喜愛黑色墨丸；手打蝦丸釀入蝦肉 , 鮮甜無比 , 入口非常彈牙。 手切肥牛 ( 例 ) $ 158 ... 脂肪與瘦肉比例平均 , 個人喜愛把牛肉灼一灼就吃 , 肉質軟滑兼帶肉香 , 牛味不錯 !夠鐘離場 , 晚上八時半已滿場 !…查看更多

之前8點鐘2條友食過66雞煲。每人$180左右，覺得新鮮之餘仲話有2個時段特價。所以今日勁想再食雞煲既我地就即時想起佢66！今日一行5人9點半到食一隻雞煲中辣！！當然再叫其他野食同野飲啦。最後食到12點半...3小時食飯每位$240。雞煲一樣好味道，夠辣之餘又吾咸。配料吾少（洋䓤，青椒，䓤就一定有）配料覺得好食有餃子，炸芋頭（整淋左更好），響鈴（好香口但吾太油），魚又夠新鮮。羊肉又吾難咬口有羊味炸物係魷魚鬚同雞軟骨。香口，送酒一流，但如果有更加多小食款式就更加好...因為之前食過這店的小食質素都不俗。但反而失望有牛肉（$158）睇落好靚既肉質但竟然冇肉味，但份量夠。菜得超少，一人分很好少叫其他野仲好。午餐肉都一般最後飲品叫左2款梳打加汽水同啤酒。最鐘意青檸梳打（$48）。有青檸味之餘有檸檬味。一人剛好一杯。由10點開始少人。所以傾計一流。由2130坐到0030先走。當然仲有其他野食未影。5個人仲有少少先食得晒。每人$240黎講都吾錯既選擇。…查看更多

由於本人比較中意食辣野 見到好多人都like哩間野所以都抱住食好野嘅心態去光顧 嗌左個中辣例煲(半隻雞) 聽得出個服務員系用串緊我地嘅聲線話：得吾得架你地 好辣架喎 (關心你食吾食得落同串你食吾到兩把聲其實好大分別 哩啲我分得清)開頭食系有味 食落就會好變得冇乜味(未加湯) 所以味道一般 冇愈食愈想食嘅感覺哩度嘅服務員會幫客人撈個雞煲等佢吾好癡底 其實都好貼心 但系最大嘅問題系佢地會吾聲吾聲咁過尼撩下你個雞煲 冇事前提醒下 揀完又吾聲吾聲咁走左 講野略嫌粗聲粗氣 總之真系欠缺咗小小禮貌btw 啲雞系幾滑…查看更多

第一次來這家店，裝修乾淨，食物新鮮，肯定會再來。一坐下來馬上送上水果，然後開始調自己喜歡的醬料。店員服務不錯，雞煲點了馬上新鮮做，雞肉嫩鮮，調味超好吃。我點了小辣，味道不算太辣，辣中帶甜味，非常過癮。雞煲還加了很多新鮮調味，帶出了雞肉的鮮甜味。下次肯定再來。…查看更多

之前第一次到訪時, 贈送了一張有效期為一個月的$50現金coupon, 只限尖沙咀店使用, 這個推銷手法算是成功吧, 可以帶旺尖沙咀店那邊的人流, 位於松山道的這條小小的横街, 是柯士甸道與山林道之間的一條橫街, 位置也比較偏僻, 人流不是太多。尖沙咀店與旺角店相比面積細一半有多, 本來旺角店也不算地方大。店內放置了多張二人坐的方枱, 人數多時可以方便將之併合, 雖然店子小, 但未至於感覺太過狹窄, 坐下來也能感覺舒適, 白色的牆身, 貼牆身有一列紅色梳化座, 紅與白的顏色配搭, 加上光線充足, 給人很光鮮﹑精神的感覺。記起上一次吃雞煲, 我和友人都邊吃邊豎起手指, 我們都不是喜歡大辣的刺激感, 只是愛上雞煲的香濃惹味。吃雞煲是在近這些年大行其道的火鍋吃法, 但也叫人糾結, 雞煲雖則好吃, 但其濃味肥膩不免對身體帶來負擔, 現在吃東西總是想吃得清淡, 常嚷著沒有quota, 吃一餐肥膩的﹑豐富的, 之後又要清淡幾餐來平衡身體。今次本來也想著那雞煲, 但亦想試試店舖的另一推介 - 蕃茄薯仔牛腩鍋, 不嗜辣朋友的好選擇。用餐之前提供水果清清味蕾, 每次的橙也很甜。多樣配料選擇, 除了普遍的生熟蒜﹑紅椒﹑蔥﹑麻醬﹑沙茶醬之外, 也有一款麻辣醬, 提供給嗜辣的客人。或者是在火鍋店中比較少見的xo醬混好了醬汁, 但全晚我幾乎都沒有蘸過, 因為食材已經好夠味道了。蕃茄薯仔牛腩鍋$98, 首先端來的是蕃茄鍋, 顏色亮麗鮮艷, 就其顏色而言, 已經感覺到蕃茄味應該相當濃郁, 嚐一口湯底,濃郁的蕃茄味道, 而蕃茄的酸味不會過份, 除了蕃茄之外, 還有一份菇菌類帶來的香甜, 湯底相當不錯, 感覺又健康一點。通常到最後我也會再嚐這湯底,經各樣食材的翻滾一輪之後, 味道更昇華, 是精華所在。牛腩是分開來的, 有六片的份量, 清湯腩是預先烹煮好, 只是用湯底稍微加熱便可以吃了, 嚐一口清湯腩, 口感超級鬆軟腍滑, 細看牛腩表面肥瘦勻稱, 每片也是肥瘦縱橫交錯, 油脂豐腴, 牛味在口裡散發, 一片片其貌不揚的牛腩, 原來這樣好吃, 細問店長這裡的清湯腩真的好吃, 他告知這些是用壓力煲烹煮出來的, 使用壓力煲可以在較短時間內令食材變腍, 牛腩仍能保持不鬆散而且腍滑的口感。頂級封門柳$128, 牛隻橫隔膜下部位, 這個部位刁鑽, 牛味極濃, 話說店長見我們點了這個, 他話真係識食, 我說起上一次的經驗, 叫了手切肥牛, 總是覺得欠缺點點牛味, 所以試點這個封門柳試試。他問我們:喜歡比較瘦或者乾的口感嗎? 這個封門柳是牛味濃, 但口感麻麻, 他推介我們不如點牛三併, 但店長很世故, 說請我們吃幾片封門柳, 證明他沒有說假的。試味之後, 的確和店長形容的一樣, 肉質的確有點偏瘦乾身, 與我們喜歡的口感有一點偏差, 真的高興店長的提示, 若非他的意見, 我們除了要吃一整碟口味不對的封門柳, 而且又吃不到一碟精彩的牛三併, 現在既可試了封門柳, 滿足了我們的好奇心之餘, 又可以品嚐到其他美食, 實在兩全其美的做法, 你可以覺得店長只是一種銷售手法, 銷售一碟價錢比較高的牛肉, 但他沒有虛言, 感覺細心之餘, 客人也受樂滿意, 即便他別有用心, 也是處理得成功的, 這個是我覺得的加分位。陸陸牛三併$208, 包括牛肩脊﹑金錢展﹑手切肥牛+贈送的牛粒。牛肩脊, 油脂豐盈, 口感滑嫩, 牛味相當濃, 這個牛肩瘠在四款當中我認為是最好味的, 因為油脂比例較豐富, 所以既香且滑嫩; 金錢展, 牛味也是濃郁的; 牛粒, 肉質鮮嫩, 另外一種口感, 鬆化味美, 亦是帶有香濃牛味。總括而言, 這碟牛三併相當出色, 牛味四射, 十分滿足。手切肥牛, 和上一次的吃後感一樣, 牛味也是覺得稍遜, 但感覺也不是差, 只是可能舌頭被寵壞了的緣故。野生竹笙皇$78, 稱之為皇, 一定份量十足, 鮮見這麼大的竹笙, 店方在海味鋪入貨, 這竹笙皇經烹煮之後也不會縮水, 賬卜卜, 非常爽口彈牙, 和平常吃到的竹笙口感大相逕庭。巨型北海道凡立貝$128, 有四隻的份量, 店方將每隻也一開二, 但仍然感受到其厚度, 起碼要灼二三分鐘以上才熱透, 實在太厚身了, 味道鮮甜。健康芋絲$28, 芋絲也有店方推介, 一於點來試試, 這個芋絲是比一般的爽口。皇帝菜$28, 火鍋中我們一定要點一個菜來吃的。飯後甜點:雪米糍這裡的食物不錯, 之前的雞煲和今次的牛腩煲也令我們有驚喜, 而今次亦可試了不同牛的部份, 吃得豐富滿足, 而尖沙咀區人流還不是太多, 沒有旺角店的催趕, 吃東西是需要慢慢品嚐, 慢慢享受, 何用急趕呢, 用餐也要帶來這些壓迫感就是我們最怕的。…查看更多

依家全世界都峰擁去佐敦韓國街食炸雞，搞到美食如雲嘅佐敦進入癱瘓狀態。好彩行行吓搵到呢間 66，可以滿足我身邊果位食唔到炸雞嘅「全智賢」食餐雞煲先。入去食雞煲，就梗係要份雞煲先。阿經理即刻介紹佢地個三黃雞雞煲，佢話用花椒、辣椒十幾種香料晚晚醃過夜。只煎不炸，食落啲肉嫩滑唔乾身，原汁原味，Blah Blah Blah。OKOK.... 即管試下啦！等咗唔係好耐就有得食，賣相同香味都唔錯，都算佢老實，之後阿經理又過黎吹水。嗱！入口就有三個層次：「麻、辣、甜」，呢啲叫回味無窮。其實我呢啲食慣平民餐人真係唔識分，但係我同女朋友食落都覺得幾惹味，起碼唔會太辣，又唔會太油，我地兩個人都清晒個煲。之後追加咗份響鈴，同埋加啲菜就飽晒。下次約多啲人可以再黎食過！…查看更多

是晚筆者相約兩位好朋友來到位於工作地方不遠的餐廳吃晚飯，今回可是筆者主動提出晚飯並選擇地方，想了一回決定要去吃雞煲，又再次翻閱網站，就這間吧：「陸陸雞煲火鍋」。嚴格來說陸陸雞煲是位於佐敦一帶，店舖也非常容易找得到，位於賽馬會旁。是次是筆者第一次吃雞煲，最近筆者不知為何很喜歡吃辣，是否因為年紀的轉變呢？想要吃辣所以選了它，其實之前筆者並沒有吃過雞煲，也很少出外吃火鍋，吃飯是其次，聊天才是真正的目的。吃雞煲第一年事就是混醬，不懂得混醬的筆者幸好得到好友的指導，不止混得太差。這混醬的選擇不少，喜歡辣的可以選指天椒、麻辣醬等，此外還有沙嗲醬、炸醬、蔥花及XO醬等，選擇也不少。之後當然就是要選湯底，一場來到這裡當然要吃最基本的陸陸雞煲（大）($188)，據店員所說大份量的是一整隻雞，由於筆者的朋友不是太吃得辣，所以點了一個小辣的試一試。雞煲並不算太辣，內裏當然有很多特製的汁料烹製而成，雞煲內的雞很多，直至吃到末段還沒有吃完，而且雞肉鮮嫩而入味，配上特製汁料惹味非常，光吃雞而半飽了。吃了一大半開始要職員加湯再吃，點了幾種食材，在火鍋點怎能不點牛肉呢？點了一個陸陸手切肥牛（大）($208)，份量頗豐富。單看牛肉的賣相已夠討好，而且份量並不少，建議牛肉不要放在火鍋太久，半生熟的是最好吃的，油脂分佈均勻，鮮嫩順滑充滿肉汁，非常好吃哦。朋友問職員有甚麼推介，職員想也不想就說：「響鈴吧！」，那就點了一個自家炸響鈴($38)，其實筆者一向對響鈴都很一般的，響鈴還沒有放湯前是很脆的，放了入火鍋後響鈴會變軟身而且會吸入大量火鍋精華，因此真的不能吃太多，否則會太過肥膩不健康了。火鍋又怎可以沒有丸類，當然要點一個，聽聞他們的手打墨丸($88)非常有名，當然要試一試吧。手打墨丸分成兩種不同的顏色，就是黑跟白。其實兩者分別不是那般大，但同樣充滿墨魚的鮮味而不帶任何腥，而且入口非常彈牙，兩者次中筆者較為喜歡黑色的，感覺就像吃墨魚一樣。之後要吃一點海鮮，突然想吃蚌類但又不知道應該選桂花蚌還是珊瑚蚌，於是就點了一個雙併的桂花蚌及珊瑚蚌($88)。桂花蚌是白色的那麼珊瑚蚌就是橙啡色，單看蚌的光澤就知道蠻新鮮的，吃起來甚為爽口彈牙，唯一不足是蚌類放進火鍋後會縮水的，而餐廳切片亦十分薄和小，餐廳大可以切大塊一點或給每位客人一個火鍋匙去改善這個問題。除了蚌類，還點了一個日本廣島蠔($68)，廣島蠔一客共有六隻，抵不抵吃見仁見智，廣島蠔形狀頗大，應是火鍋店其中一款最受歡迎的海鮮之一。廣東蠔經火鍋烹調後十分好吃，千萬別弄得太熟否則會影響口感及鮮味，生蠔帶一點生才是最好吃的，再配一點醬汁真的令人迷上了。最後還點了一個皇帝菜(冬)($28)，據聞冬天才會提供這個菜，也是一個不錯的選擇。其實後來筆者追加了一個豬軟骨($68)，由於職員一次過放進了火鍋內所以沒有相片提供。豬軟骨可是這裡另一個賣點，真的十分美味，豬軟骨經雞煲烹調後湯底變得更加濃郁，而且令豬軟骨變非常惹味，肉質鬆軟軟骨又軟又易入口，美味非常，十分值得一吃。這頓飯是筆者本個月吃得最開心及暢快的一餐，有一件事情是愈踩愈深，也令筆者泥足深陷，朋友勸告不要這樣做，但一日半的過去，筆者不知道應該什麼樣去處理，也覺得自己這樣做更不對更不快樂，唯有走回最初的原點，慢慢等，希望不會等到睡著了，也謹祝好友們生日快樂。…查看更多

話說等愛人收工, OT O到唔知時間收工之後幾乎都無咩好食, 又係Openrice見功secrch到呢間宵夜陸陸雞煲我地去到既時候已經00:30得2、3枱人~ 唔使等位~可能係人數少啦, 所以d野黎得好快同埋呢到有混醬, 好齊, 唔係間間都有主打當然係雞煲唔算好辣, 都幾大眾化口味有d人可能會覺得咸左d但係我反而覺得好夠味同埋d雞係入味既, 好食!食火鍋當然要有肥牛!脂肪分怖得都幾平均我覺得呢d牛肉好食過小肥羊其他喜出望外既, 一定係呢個蠔新鮮蠔, 無雪味, 我同愛人都話正!仲有鴛鴦蚌都值得推介!另外仲叫左我至愛午餐肉, 上碟既時候砌得好靚架!不過得我一個食, 食唔哂...好想問可唔可以打包...XD第一次食雙色墨丸黑色海水味重d, 口感都算彈牙但個人唔覺得好好食, 同普通墨丸差不多至於響鈴, 佢話係新鮮既可能我地晏去啦, 唔覺得同平時個d有咩特別最後既係鵝腸份量都ok多ga, 我同愛人兩個由搶食, 到最後食唔落...都有叫到菜同埋蓮藕片, 不過無影相lu~食到02:00就走, 埋單要成$800!!!!估唔到唔覺唔覺, 原來叫左咁多野食好貴呀!!!!!!不過waitor係落單前有提醒過我地會唔會叫得太多當時因為太肚餓, 所以堅持, 最後食左大部分係d菜同午餐肉食唔哂...但係呢個價錢...可以去酒店食自助餐了....…查看更多

而家越嚟越多雞煲，好食唔好食真係見人見智有啲就話夠辣就好味，有啲就話夠香就好味我自己就覺得最緊要味夠濃加湯後打邊爐都仲可以保持原有雞煲既香味做得到嘅餐廳實在唔多，相信陸陸就係其中之一相信混醬已經係香港打邊爐不可缺少嘅一部份呢度款式充足，坊間常見嘅如蔴醬，沙茶醬，生熟蒜等等都齊備主角雞煲辣味個人覺得可以再勁啲，下次可以考慮試中辣醬汁頗為乾身亦相當掛汁響鈴個人相當欣賞，新鮮炸已經加唔少分鬆化得嚟一啲硬嘅感覺都無，輕輕一拖，辣雞鍋醬汁盡吸，一流！醉雞鎚一個字講晒，懶！夠晒吸引啦～不過配返醉雞鍋底好似好啲咁珊瑚蚌／貴妃蚌新鮮，賣相幾靚平時食親都係一pat pat咁放上碟比你，勁無誠意味道上就叫正常吧，實在唔知點先叫做"靚"蕃茄薯仔牛腩鍋茄味都幾濃，值得一讚係加湯時會加返蕃茄湯而唔係清湯牛腩片望落唔太吸引食落又幾好味架喎真係牛不可以貌相！竹笙第一次見竹笙都呈菌狀，感覺相當良好又係另一索汁之作，配濃味嘅辣雞鍋啱晒！陸寶丸白墨魚丸、黑墨魚丸、龍蝦丸、貢丸、牛丸、芝心丸最有吸引力嘅當然係黑墨魚丸，墨汁帶出啖啖嘅海鮮味比起白墨魚丸更香，罕見，必試之選！油炸鬼墨魚滑一心諗住係橫切油炸鬼，點估到係開邊咁破開效果又幾好喎，索少少湯，保留到一定嘅脆口廣島蠔都幾新鮮，有蠔味，而且都幾大隻下手切牛頸脊，肉質細嫩，有𡁻頭得嚟又唔韌，牛味香濃牛肩胛，亦即係牛肩排，牛小排，牛味相對無頸脊咁濃但油脂味會較重，建議唔好整到十成熟，保留油香火鍋配料有創意又有誠意價錢算中上，抵唔抵食就見人見智個人覺得呢度都係一間值得一試既火鍋至於雞煲，可能巿面上已經太多選擇相比之下火鍋比起雞煲更出色及更有吸引力…查看更多

一直都好想試陸陸雞煲，今次終於有機會嘞舖頭位置真係麻麻，唔係攞住個地址真係唔會搵到嚟呢度主辦單位好細心，個個都有名牌架~主角出場香噴噴嘅雞煲，辣度溫和，唔太食辣嘅朋友都可以食到唔知係咪人多又肚餓嘅關係，一瞬間就冇晒啲雞嚕...冇晒雞就係時候加湯打邊爐嘞老闆話最好加辣湯，加清湯冇咁好味喎自家炸響鈴─新鮮炸出嚟，好鬆，但唔係好脆，幾好味野生竹笙皇─真係未見過咁大"枝"...夠晒索湯，正桂花蚌+珊瑚蚌─正常火鍋料啦，幾新鮮花雕醉雞翼─好得意呀呢個，退左半條骨出嚟，食既時候好鬼方便喎不過醉雞配辣雞湯，好似唔係太夾咁陸陸六寶丸─唔知係咪陸陸雞煲所以要陸寶丸呢?所有風頭都比粒黑蚊蚊嘅墨魚丸搶晒墨汁味唔算太突出，但就有一種強烈嘅海鮮味，比原味嘅白色墨魚丸好味得多呀!陸陸手切肥牛、頂級肩胛肥牛牛肉有兩種，牛頸脊同埋牛胸排，頸脊就肉味豐富，口感軟唸得嚟又唔韌喎牛胸排呢，就肉味無咁重，但有啲油脂香味，兩個都咁正!手打墨魚滑─太極咁好得意，味道同墨魚丸基本上係一樣我諗呢餐最特別係個墨汁黑魚滑同埋個牛胸排可能出面冇得食嘅關係啦，主角雞煲都算不過不失如果下次再食就幾大都叫辣啲，雞煲都係要辣先夠過癮!!…查看更多