陸宜居茶餐廳

营业中

休息中

【大埔區】【陸宜居茶餐廳】過年嘅時候，我一個人經過大埔，發現好多餐廳都冇開門，得返啲大集團嘅有開。咁我對呢啲集團式嘅食肆就冇乜興趣，於是不斷咁行，周圍搵吓。我就行到接近太和呢邊，先見到有一間茶記有開。難得有開，梗係入去碰吓運氣，我嗰陣都已經幾肚餓吓。叫咗個 $48 嘅「味菜牛肉絲炒麵」配「熱奶茶」，不過佢哋係食海南雞飯出名嘅。然而，嗰一刻雖然餐廳冇乜人，但有個客叫咗 n 份海南雞飯外賣，又呢樣嗰樣咁，我怕影響我個餐嘅質素，所以冇叫到。可惜，我份餐都等咗成半個鐘先有，幾乎餓死我咁滯。最後佢上咗個唔知係咩肉嘅肉絲炒麵畀我，算啦唔理佢，反正精髓在於脆麵底，熱辣辣，脆卜卜，就係咁。好快食晒，味道正常啦。而佢哋初一至初三係收加一服務費，所以係 $53，都幾抵嘅。新年流流，我冇利市派，咁就齊頭畀咗 $60，大家開開心心過年。。。（地址：大埔靖遠街43號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #globaleats #tastyfood #followfo

星州炒米值得推薦，好夠獲氣，炒得好乾身，同味道岩岩好；正宗海南雞飯係餐廳人氣之選，雞好嫩滑，雞肉配獨有雞汁好夾同好味，而且碟碟都比好多，成個少山丘咁。下次過大埔都會入去食。

2023年6月25日因為要方便去洗衣鋪拎衫關係，係附近求其入間野食早餐，入門口前見到入面無乜人，不過都是但拉，叫左個沙嗲牛肉麵（佢夠膽死係麵同牛肉加菜加一篤沙嗲醬）就叫沙嗲牛麵，甘同我自己係屋企煮有咩分別？我出得去食都唔係話要佢好好味，都係希望正正常常姐，無諗過佢係甘那西架麻杯凍奶茶又係。。飲第一啖果下以經話佢唔係奶茶，係涼茶！！！苦架!!!!!!!!!!!!!!!!!!!!!不過我都有錯。。。無影到佢相，我到依一克都不斷怪責自己另外番到屋企寫食評前有睇過佢之前啲食評，佢啲好評好肯定一定係買番黎或者親戚寫，一間甘有創意既茶餐廳，夠膽煮，仲要夠膽拎出黎果下需要幾大勇氣間野無人。。真係正常

買雞下庒外賣，半隻上脾去咗邊？平時有買開陸宜居雞飯外賣，今日唔想食咁多飯，買雞下庒免斬外賣，返到屋企打開外賣盒見到冇咗一邊上脾？不是應該半隻雞的一半嗎？咁都要抽水，唔多老實。

今日去開大埔做野隨便搵間茶餐廳食下，就去左呢到。入到去叫左海南雞飯，以為普通啦，點知來到就改觀啦。雞嘅份量好多，非常滑。花生脆卜卜。個湯都好出色，足料蘿蔔雞湯，加埋杯凍檸茶。下午去食個份量可以飽到夜晚。非常好👍

很久沒有吃過，今次發現招牌海南雞飯套餐已經加價至64元。以前去都沒注意有什麼，今次其中一位阿姐（較胖的）態度奇怪，廁所洗手盆下面漏水，就跟客人講，”你咁樣開水喉（洗手），會水浸”。我問她我可以怎樣，她沒回應。埋單時我問是否最近加了價，她即手指指著我後面牆上的餐牌：“你自己看，沒有收多你錢”怎能容忍這種態度?! 疫症之下更加不可思議。非大埔態度。 店方請改善員工服務態度。good chicken but terrible service. not cheap. hk$64. ok to go once

我呢啲做職業司機又要送貨嘅，去到邊食到邊，遇啱唔夠時間，就經常都要買飯盒喺車上面食。所以一個又平又好味嘅飯盒，對我哋嚟講係好重要，但係我今日就中伏鳥。我就叫咗個椒鹽豬扒飯，一打開就知道有啲問題，竟然將啲豉油，直接淋喺啲飯上面，你話搞到啲飯淋咗幾唔好食呢，而且啲豉油係好普通嘅豉油，而唔係主角嘅甜豉油。叫得椒鹽豬扒就預咗係會咸，我都係想食啲重口味嘢啦，但係呢一種行到真係遠超我所能接受嘅境界，真係好咸，咸到盡頭又是什麼呢。除咗喊之外，豬扒都好靭，我坐喺賃車上面食呢個飯盒，又冇刀叉，豬扒又靭，真係要用手揸住呢食，又難食又唔開心。一定唔會再幫襯呢一間。

2019年6月18日 去了找女朋友食LUNCH 其實呢間食店女朋友和我都常常過來吃， 原因只為了一款食品： 海南無骨雞飯套餐。 這是我食過最好食的海南無骨雞飯套餐， 沒有之一。 今次我們同樣是點了海南無骨雞飯套餐， 以及通菜牛肉飯， 兩杯凍奶茶少冰少甜。 這是海南無骨雞飯套餐附送既紅蘿蔔雞湯， 單單只是這碗湯已經非常正， 平常的中湯通常都是清清淡淡， 又或加上好多味精落湯。 這店紅蘿蔔雞湯就非常足料， 每碗都起碼有兩舊紅蘿蔔和一舊雞殼或雞腳， 湯既所有味道能夠飲得出用了很多雞殼和雞腳， 花了好幾個小時去煲的老火湯黎， 味道濃郁而帶有蘿蔔湯的清甜和雞的鮮甜， 相當好飲。 海南無骨雞飯套餐 價錢反映到質素， 七十幾蚊一個餐配湯、油菜和油飯， 我都仍然會話物超所值。 1/4隻無骨海南雞， 皮嫩肉滑， 仲睇到表皮之下晶瑩剔透既骨膠原啫喱層， 啖啖肉附上特調醬汁， 又是不同的風味。   通菜牛肉飯 飯和配料的份量都十足， 而且有鑊氣， 個汁濃稠適中，非常開胃。 凍奶茶少冰少甜 一般水準 性價比高

間鋪頭目測其實得兩個人廚房一個，鋪面一個😂要嗌嘢食真係要等個阿姐得閒出嚟先可以寫推介佢既海南雞飯。雞肉好滑，雞肉同雞皮中間仲會有啫喱不過唔知係唔係每個人都鍾意食啫喱個飯上面有鹽炒花生，香脆！有條油菜，都幾油下，但佢好似有落咗少少豉油，都幾香口。仲會配埋雞湯，好大碟，最正係配油飯。坐喺度食一陣，發現10個有八個都係叫海南雞飯

大埔的舊式茶餐廳，比比皆是，四處都有舊式茶餐廳，如何吸引本人？其實不用，因為只要你門面夠舊式，😏我就有興趣去看看，本身看見一間陸宜居，有港式廉價鋸扒，但是，沒有找到位置，於是便走到來三角公園這邊是一間陸宜居，這一間陸宜居的門面亦都看起上嚟比較懷舊。但是入座之後，看到餐牌上面見不到有那些鋸扒，真可惜，但是友人身心俱疲，於是亦都繼續進店。例湯，偏淡，幸而有些渣在內。菜遠肉片飯，普通，汁偏少不易拌飯，菜硬，肉不少，較鹹，拌飯還好我的椒鹽豬扒腸仔飯，腸仔好像已經偏硬，而豬扒雖然炸得夠熱，比較瘦的就瘦得好像柴一樣，但是肥的就整件都是肥膏，真正肥瘦均勻的可能只有三四件或是痴骨的部份。而且，這豬扒好像有點兒油膩，因此一邊吃的時候，一邊就感覺到有種在吃junk food的感覺，只不過叫了又不太好意思浪費食物。以舊式茶餐廳來說，這一間的服務態度非常普通，不算十分友善的阿姐，亦都沒有什麼笑容。

今日嚟試下呢間好多大埔友推介嘅海南雞飯，餐廳環境係一般茶餐廳裝修，座位有 d 逼。叫咗個有骨海南雞飯，碟飯都好足料，估計有差不多半隻雞仲有幾片生菜，雞肉質都算滑，有雞味。個油飯就爭少少，食得出佢係有香料，但味道唔夠。總括黎講幾抵食，好飽。

一間未食過幾乎唔會想入去，食過一定回頭既餐廳。入得黎食，十個有八個都係食海南雞飯，每次食都保持到水準。雞飯份量多，兩個人食都夠，有例湯；雞肉嫩滑，唔肥；伴碟油菜同花生都好食。係要挑剔既話，只可以話佢無服務，無裝修，雞醬只得一款。但食飯又何需咁多元素呢。

因為大埔群组極力推薦陸宜居的海南雞飯,所以昨晚去试下，怎料中伏，冇鸡味，油飯好硬。另外，叫了个涼瓜牛肉飯，等了半个小時,也是冇味。服務態度也是勁差，以后肯定不會再去。

大埔隱世美食。全店面一個阿姐打晒色，收銀，落單，上菜，水吧，都係阿姐💪🐔海南雞飯，好味又大碟，跟湯🍵好足料。一上菜，嘩咗，咁多雞嘅，仲有靚菜，飯底夠味，雞汁好明顯自製，得1種，酸酸地，同一般3種雞汁不同。🐮咖哩牛腩飯，成碟咖哩汁，超多豪比你，點了汁吃一口，好豬皮魚蛋個隻咖哩味，牛腩都好多，夠淋👍每款飯麵都跟湯，餐飲。雞飯51元。牛腩飯52元。#大埔美食多

大埔區有一間店~~食咩都好，點都要食海南雞飯！佢有分有骨同無骨，無骨就貴11蚊~~不過是吃份量，和滑雞的味道！ 這間店~預左無咩服務，小店一間，唔好太大期望！哈哈！ 首先~來了一個湯~~ 個雞湯好有料，我同同事一人一碗，每人都有一隻雞腳！ 飲完又唔覺特別口乾，OK WOR！ 朋友叫的是無骨的海南雞飯~~好大碟！ 真心好大碟！ 有半隻細size的雞的份量，而且有少少菜~~但菜...好油！哈哈哈！ 雞份量大，且好滑...不停咁講都要講！而且淡淡的鹹雞味！雞油飯又加了少少料.... 好正啊！ 真心好想推介出去~~因為好值得再吃！！ 坦白講，環境真係唔係好！但食中招牌菜就點都要俾個like ~~~