陶源酒家 (已結業)

有一段時間冇寫食評，但今日唔寫唔得之前都有去陶源飲茶，佢搬左之後係第一次，環境大左，但估唔到食物同服務質素竟然差km3咁多一行4人，2大2細，一坐低叫左雀籠，牛肉腸同雞粥，等左超過20 分鐘先有第一碟腸粉，但竟然係暖唔係熱！！再過15 分鐘碗粥先到，但碗粥煲得好差變晒水，賣相極之唔吸引呢碗係花膠雞粥，裏面有切成一條條既花膠，係2位小朋友要食既，因為碗粥唔大碗，2 個小朋友分晒，但我個女食緊條花膠既時候佢話咬唔落。。。。我覺得好出奇，於是攞黎咬下，發現原來係1條橡筋呢樣都算啦。。。坐左成個鐘原來冇落雀籠lor, 問伙記仲話雀籠係耐d.....迫於無奈叫碟瑞士汁炒牛河，因為2個小朋友肚餓想快d有野食。。。。點知又中計根本就係干炒牛河，知唔知咩係瑞士汁呢？？$98蚊食1碟質素比茶記差10倍既干炒牛河。。。。真係冇話可說！！我一定唔會再去，又貴又唔好食…Read More

是日家人入伙請食飯選址在已經遷東廣場既陶源本來一心來試試友人推薦的阿拉斯加蟹餐點知.....食到一肚氣....話就我地果晚6:30就入座...當時全場亦只得三數枱客...我們一早訂了兩圍蟹餐...點知去到8點都未上第一道餸...大家已經餓到有點噪噪地...好喇...8點15分左右...出了第一道菜...亦係重點..阿拉斯加蟹點知隨之而黎既...係一陣腥味陣味大到隔離枱都聞到我們當然唔收貨退回比佢地叫佢地再整過第二隻...並叫佢地先上其他餸..點了兩款雞可能太肚餓既關係   覺得兩隻雞都不過不失之後再上的蟹我們已經沒有期望了只係求其拿拿聲食埋就走…Read More

特價食品好多，可能是觀塘区. 太多食店，新開張，閒日晚飯得五分一枱有客，古魯肉用猪排炸，欠佳，甜品中有麻花，炸得太耐.欠佳，炸的食油有油漬味，用的次數太多.不過，员工的服務態度非常好. 比較客氣.…Read More

太湖大閘蟹餐 $598買一送一。1，大閘蟹完全唔新鮮，一啲蟹味都冇，4隻之中，有1隻係嗅嘅😖2，蟹粉小籠包，凍嘅。我以為係凍食😓3，金湯小米遼參，淡而無味😒4，三層肉拼叉燒，不過不失😐5，薑茶湯丸，本人未食過咁差嘅湯丸😳6，全晚最好嘅，係時令鮮果嘅菠蘿…Read More

啱啱同朋友講蟹季又來了，今朝就有人約我去食大閘蟹！事關明天要上班，今次唔係屋企蒸，試下出街食。只點了每人兩隻公，其餘由朋友決定。蟹粉小籠包 $28/隻首先上枱是一人一籠蟹粉小籠包。皮薄多汁，蟹粉味道不算濃但夠鮮。5両大閘蟹 $168 清蒸大閘蟹雖然不太大隻，脂膏綿密，質醇味甜，嚐出沒有經調味的鮮。紫蘇葉的獨特香氣不但能驅寒辟腥，再加上大閘蟹孖寶：黑醋及花雕酒。簡直一流！最後經理介紹了廚皇炒飯，估不到這碟看上來簡單單，原來是一碟非常出色的炒飯，炒到粒粒分明，㰖菜不論食物材料，味道，賣相都超乎水準！忍不住吃了三大碗！薑茶湯丸 $18食完大閘蟹最適合吃的一道甜品就是薑茶湯丸！薑是暖胃驅寒之良品，入口軟滑，柔軟中帶煙韌口感，內餡甜甜的，吃得人很窩心。整體來說，環境，食物及服務都幾滿意。…Read More

姑仔生日, 她的一家請吃飯, 因為要方便BB的作息所以他們找了一間近屋企的酒樓, 真好...又可以玩BB了!點餐方面是由他們決定, 不過聽他們說凡點一隻大閘蟹會送一客蟹粉小籠包, 另外貴賓咭會員生日而同時點大閘蟹再會送太雕酒。OK, 收到 ... 我繼續玩BB!  蟹粉花膠豆腐 $ 138像羮湯般稠的質地, 花膠與豆腐兩者都是滑溜, 吃進口裏會是舒服, 鮮濃蟹粉溶化在內, 是看得見的鮮味。五兩重大閘蟹  $168因受內地天雨的影響, 大閘蟹產量比去年少, 來看看蟹公的蟹膏, 飽滿嗎?  每隻蟹的蟹膏味道是不盡相同, 我們一檯人已分別嚐過(蟹膏的)甘與苦, 靠只靠自己抽中那一隻大閘蟹。蟹腳的蟹肉又適合胃口嗎?吃大閘蟹配太雕酒, 杯子細細又㗳下㗳下, 酒質濃醇, 味道甜甜地而嘗試一杯喝盡, 酒在體內發熱。薑茶湯圓  $18薑味勁, 茶湯甜味重, 芝麻湯圓是最好吃, 小小的一粒而糯米皮做得不厚, 口感軟糯適中。 一餐飯不單止只有這幾款菜, 只因我全程掛著玩BB, 無心去為食物拍照 (笑)!味道 3.5環境 3.5服務 3衛生 4抵食 3…Read More

舊同事返黎請我地食開年飯同埋派利是咁我就BOOK 左間個個都喜歡既酒樓LA~~~~我地叫左個餐可以點2個主菜加個飯，有個老火湯，仲有點心！有幾樣野真係好值得推介....燒腩仔:皮夠脆，又唔會太過肥！！GOOD！鮑汁荷葉飯：足料！粒粒飯都沾到鮑汁鮑汁雞腳：呢個應該係觀塘區最好食既鮑汁雞腳！每隻雞腳都好入味！又好‘林’！剩下既汁我地會撈荷葉飯食，原全無得輸！而佢係樓面某角落到滾，售完即止！而其他點心，水準亦高！係間不錯既酒樓！ …Read More

星期日去觀塘, 平時去開魚恤大厦的酒家飲茶, 印象中沒有一家的點心特別出色。今天走遠一些去「陶源酒家」試下。酒家位於工廠區, 因此星期六、日有優惠, 大中小點劃一收費。另外, 客人不太多不用等位十分便利。酒店樓内部裝修比較舊而且氣氛暗淡, 樓底矮。幸好安排坐於廂房內, 空間感比較好。魚滑米線($68) 以為這是一碗的價錢, 食物呈上原來有一大窩! 湯呈奶白色, 味道是香濃的魚湯, 沒有味精認真不錯。湯裡頭有木耳、魚滑及絲瓜, 配料足又健康。$68有這份量及質素絶對超值。冰燒三重肉($58) 9件小小的燒腩肉真是精緻。皮脆口, 可是燒腩肉温度只是室溫而已。肉質不算太嚡口, 味道偏咸。味道不過不失。筍尖原隻鮮蝦餃($28) / 鳯瓜($18) 味道不過不失。艇頭海皇蒸蘿蔔糕($18) 蘿蔔糕不實身, 質感彈牙。蘿蔔糕本身有調味, 加上蘿蔔糕內有些海味, 因此不加豉油都非常夠味。咬下去食到一條條的蘿蔔條, 有口感。蘿蔔清甜, 味道不錯。和風鮮蝦春卷($38) 賣相不錯, 但原來拿上手感受不到春卷的熱力。咬下去皮不脆口, 再咬下去也感受不到和式風味, 而且餡料只有薄薄的蝦膠, 沒有其他配料, 令人失望的春卷。杏汁奶皇千層糕($18) 熱烘烘的千層糕, 質感鬆軟。面上有些杏仁片, 但是感受不到千層糕內有香味獨特的杏仁味, 只是感受到甜味, 充滿糖分的千層糕。呂宋香芒布丁($20) 芒果味不太香濃, 布丁內的芒果粒不太多而且不鮮甜。…Read More

每年一踏入十月, 便令人食指大動, 因有我倆都愛吃的大閘蟹季節又到了! 過往來來去去都是去某兩家, 今年四出上網搜尋找資枓, 發覺有不少酒店及酒家都有做大閘蟹的推廣/套餐優惠, 最後決定去位於觀塘這家陶源酒家試試! 在我搜尋時, 發現陶源酒家今年與團購公司做推廣, 所以可用一個優惠的價錢, 便可享用大閘蟹套餐, 可惜我倆去吃的時間, 過了購買團購優惠的時間, 結果是以 walk in 身份去, 看看有沒有別的大閘蟹套餐介紹! 坐下後, 看過菜單, 只有一款大閘蟹套餐($5XX/位), 過往經驗, 很多酒樓也不會只有一款大閘蟹套餐選擇, 所以細問職員是否只得一款套餐選擇時, 職員才拿出這個買一位送一位的大閘蟹套餐(原價 $588/位, 即每位半價) 給我, 所以如你也是品嚐大閘蟹的話, 記得多問職員一句, 可能有更優惠的套餐給你選擇! 對比過菜單後, 還是覺得買一位送一位大閘蟹套餐比較抵吃, 而且也備有8款餸菜! 第一道菜是"三層肉併叉燒" 雖然份量只得2,3件, 而且每件大小可以說是"十分精緻", 但味道確實挺好, 叉燒肉質鬆軟, 三層肉香脆不油膩! 第二道菜是"金湯小米燴遼參" 湯內有咬口彈牙的小米, 更有爽口的遼參, 味道也不錯! 很快便上第三道菜"生拆蟹粉小籠包" 不過我倆連第二道湯也沒喝完, 這裡職員好像很趕收工的, 快快就幫我夾起小籠包放碗, 便拿走蒸籠了! 結果夾到碗中的小籠包被職員夾破皮, 汁液也流掉, 小籠包的溫度一點都不熱, 只感到暖暖的, 而味道很"腥" 實在失色! 到主角出場了"太湖大閘蟹" 每人有2隻, 會先出第一輪, 吃完後才上第二輪, 那在吃的時候, 蟹還是熱熱的! 這次吃的是太湖大閘蟹, 就算4隻都是蟹公, 都是挺多膏的, 而且鮮甜多, 每隻也挺大的, 足5兩, 所以肉質也多! 比起我過往所吃的陽澄湖大閘蟹, 同樣是蟹公, 也不及這次吃太湖的蟹膏多及鮮甜, 而且蟹的腮也比較乾淨, 讚呀! 決定下年也要再找太湖大閘蟹來吃, 看看是否有相同口感! 由上完第4道菜開始, 上菜的速度已經變慢了, 可能酒家人開始多, 職員變得分身不暇, 也沒有人再跟進上菜! 等了一會後才接著上第五道菜 "燒汁煎魚扒" 煎魚煎得外脆內軟, 鹹度剛好, 旁邊有一小束天使麵, 不過淡淡的, 配合煎魚同時, 吃起來才有點味道, 可惜麵太少了, 只得一口便吃完! 上完第5道菜後, 又再等了十幾分鐘才有職員查問, 第6道菜上了沒有, 也最終送上"鮮茄野菌浸時蔬" 這道雖然是青菜, 但幾樣蔬菜及菇菌混雜一起炒, 味道出奇地清甜爽口, 蕃茄的酸甜味令整碟菜突出起來, 正! 最後, 一併送上最後2道菜 "時令鮮果" 及 "薑茶湯丸", 水果味道就不同評了, 但湯丸的皮又軟又糊, 一點彈性沒有, 再加上薑湯的辛辣太強了, 實在是敗北之作! 雖然是買一位送一位, 但也需要加上茶芥及服務費, 2位合共 HK$668! 整體食物質素及味道也算不錯, 可惜份量真的挺小, 大吃的你, 吃完也可能覺得不夠飽, 但勝在大閘蟹質素高, 多膏又大隻, 換個角度來看, 以大閘蟹為主菜來比分的話, 用這個價錢也算挺抵吃的! 雖然食物不錯, 但酒家的服務質素確實一般, 由點菜開始直至到送上大閘蟹時, 職員也沒有放上大閘蟹工具, 直至我們要求才拿給我們, 而拿來的工具帶黏黏外, 還大少不一, 工具欠專業! 比起我過往去的鴻X及東X酒家, 可能它們專門服務吃大閘蟹的客人比較多, 所準備的工具, 薑茶也會提供給客人! 而這裡所謂提供的薑茶, 便是薑茶湯丸中的薑湯, 而且最敗北之作便是湯丸! 至於環境也算坐得舒服及寧靜, 因觀塘這分店位於工廠區, 所以晚飯時間比起旺區的枱數也不算多人, 而當晚我兩最多人時間也只有十多枱, 可能晚餐時間員工人手分配不多吧, 而導致照顧不周, 令本來挺滿意的美食, 也在服務一環扣分不少! 註: ~ 晚飯是自費, 而非試食 ~ 上述分享, 純粹以我個人口味, 當時的食物質素/環境/服務而所寫下評論, 合用/選購與否, 則由閣下自行決定!關注我的相關連結:…Read More

食物質素和服務態度極度差劣，差到可以為佢開account。由七點五十分上完第一道菜，下一道菜要九時正才到；叫了魚湯又求其上啲肉湯；食龍蝦殼又多過肉；每一道小菜都扁咸真是飲水多過乜；員工及經理做錯吾認落錯單吾跟(正)；結算又冇取消啲冇上到的甜品(冇得頂)。…Read More

陶源開業之初曾光顧,印象頗佳..多年後重訪,驚覺晦暗殘舊,菜餚水平亦大不如前..感覺可惜,亦後悔親友生日選了此店,有點失禮.由於選擇不多,點了六人餐再加雜菜煲.[雜菜煲]最先上的是雜菜煲,雲耳,小棠菜,金菇,竹笙,冬菇..其中蝦乾和腐竹很硬,完全未煑淋.[堂剪萬泉奶豬]半隻乳豬仔,堂剪,皮烤得脆,味道唔錯,肉㡳有厚厚甜醬焦香,少少豬羶味還可接受程度.[陶源靚燉品]以雞豬肉不知名魚骨煲成湯,有些微蔘味,不過味道雜七雜八似例湯..[豉椒炒蟶子皇]大量洋蔥扮蟶子,蟶子只得丁方幾少片..[青衣二食]-翡翠炒球相對蟶子,至少清𥇦見到魚塊,魚有些鮮味,西芹清爽.-古法蒸腩時間控制很好,魚肉紮實沒過老,有魚味,金菇雲耳蟄底,全晚較好菜式.[金銀蒜皇帝蚌]上碟亳不美觀,亂糟糟..蚌頗韌,粉絲蒜味濃..不過不失.[上湯蒜子泡菜苗]上湯泡莧菜,菜清甜翠綠.[蒜香黃金雞]雞皮脆不過很油膩,肉尚算嫩滑..[廚皇炒飯]㰖菜,蛋白,菜芯梗加遙柱炒飯,飯夠乾身有咬口.[鮮果拼盆]西瓜菠蘿新鮮清甜.店方上菜次序雜亂,服務也一般.此店最大問題是塲地殘舊,燈光晦喑,令人昏昏欲睡;食物水平又一般或以下,讓人食慾不振,食指不想動..除了後悔,不知還有什麼可說..或許就是"沒有下一次"..…Read More

星期日嘅朝早係少數空閒嘅時間，終於可以同媽媽去飲下茶，今日我地揀左去陶源飲，因為之前曾經飲過一次，覺得食物都唔錯，所以就想再去多次，不過今次就去左觀塘分店。由觀塘地鐵站行過去其實都唔算遠，都只係5分鐘左右嘅路程，就已經去到目的地。上到去酒樓嘅時候其實都唔洗等位，好快就已經有位坐，可能因為得2個人，所以就快啲啦（？）黎到之後畫單，畫左：炸雞軟骨 瑞士汁干炒牛河 鮑汁雞腳 冰鎮燒肉 牛肉球 棉花雞但係20分鐘過左，淨係黎過牛肉球同棉花雞當我地去追單嘅時候先知話其他全部冇入到，我同媽媽要求再次入單嘅時候 已經話冇晒。其實我唔知係佢地賣晒 ，自動幫我地取清單吖，定係漏左落單搞到遲左然後賣晒，真心覺得好令人失望。事後我地再嗌左：炭燒豬頸肉 蝦餃 燒賣 叉燒腸 蘿蔔酥先講下炭燒豬頸肉，其實都唔差。有別於其他餐廳，呢到嘅豬頸肉嘅肉質係比較脆口，但味道黎講唔差。食過蝦餃同燒賣之後會發覺，陶源嘅蝦都係爽口居多嘅，唔會有梅梅地嘅感覺，其實幾好。叉燒腸黎講嘅話，我覺得佢個皮稍微厚左少少，如果薄身番少少就好啦。總體黎講其實陶源食物方面唔可以話好好，但絕對唔差，差嘅係佢地落單甩單方面。…Read More

舊同學難得返港，幾個同學約埋一齊想回想那些年，因為有小朋友，所以揀中式酒樓好坐啲！又要食圍菜，本身已經唔多鍾意，呢度都未試過，離地鐵站比較遠，在工廠區內！門面唔覺眼（因為燈箱向住大馬路，唔起眼）上到見裝修簡潔，唔係金碧輝煌，簡約日式淺木傢俬！唔老土！坐在一間function room外，初時覺得呢個位幾靜，點知入面一開始派對就好嘈（間隔只係透明間板！）連傾偈都好難（入面爆咪玩遊戲），叫了一個半圍菜！人齊就開始上，菜式係例牌嗰啲！ （我寧願散叫）即燒原隻奶豬--半隻，切口好粗糙（唔知係唔係剪刀剪開）皮都脆，肉比較厚，半肥瘦！上湯美國龍蝦天使麵--天使麵其實係幼意粉（唔係超幼嘅天使麵）有咬口，索晒汁好味，龍蝦肉幾爽口，但唔算多肉！米蘭焗釀鮑魚--一開始唔知係乜，睇番菜單先知，表面好似焗過，但唔香又唔脆，鮑魚粒幾煙韌但小，薯仔比較多，好似主角唔係鮑魚！只係覺得好膩好漏！唔好食！京蔥生爆南美遼參--呢個一上已經唔鍾意，個獻好杰，已經凍咗，遼參好散好泡！唔應該係呢個質感！荷蘭豆爽口但唔好食！唔好味！生拆蟹肉花膠魚翅--好腥腥腥！落醋都無用，差到同部長反映，佢話可能蟹肉處理上差咗啲係咁（邊有可能？我都唔係第一日食翅！）而且有啲殻或骨嘅硬口嘢，好多碎片！差差差！清蒸沙巴金花尾--魚唔大，蒸得幾滑！配微甜蒸魚豉油！但青蔥好老！配上來唔好味！腿蓉竹生鴛鴦蔬--個草菇竹笙本來好味！草菇爽口，竹笙多但煮到淋晒，一啲都唔爽，敗筆在個獻汁又杰又好好好咸，令到整個菜都好咸，豆苗本來爽口，結果攬埋一齊難食！好可惜！黑松露炸子雞--其實係普通炸子雞，皮脆但肉唔滑，無乜松露味！不如叫「炸子雞」就算喇！香芋臘味粒炒飯：呢個算係成餐飯最好味，炒飯好鬆，粒粒分明，臘腸粒幾香，食唔晒都拎走！歐陸美點：呢個蛋糕完全唔夾個餐，好似在附近餅店求其買番來頂住先！頂層藍莓啫喱味道好假！中間慕絲算滑！但好一般！鮮果拼盤：西瓜爽口，菠蘿酸甜！好味！食物唔得，服務搭救！今餐啲員工好爽手，加茶上菜勤快之外，影相一皮樣無問題！廁所設備齊全之外，亦好乾淨，但食物真係唔得！唔係服務態度好都唔會返轉頭！…Read More

呢日Book咗１點正，我先去攞位，其他人後到，等到齊人先點野食，我相信陶源點心應該即製而唔係機器出吧？因為每次等食都需要一點點時間，1329先上第一碟點心，若然真係即叫即製，咁要等嘅都ＯＫ呀！其實呢日同枱有個大肚婆，都有諗過夠唔夠佢食啱唔啱食架？好彩都啱大肚婆口味，食得傾得都幾開懷。小點 $20, 中點 $27, 大點 $32, 特點 $37, 頂點 $40 茶介每位$10是日點了：① (小) 百吃不厭家鄉咸水角 Deep-Fried Meat Dumplings ($20)② (特) 笋尖原隻鮮蝦餃 Steamed Shrimp Dumplings ($37)③ (大) 姬松茸遼參粉果 Steamed Dumplings with Mushroom ($32)④ (大) 古法蒸金錢肚 Steamed Honeycomb Tripes ($32)⑤ (大) 蜜汁叉燒腸 Steamed Rice Flour Rolls Stuffed with BBQ Pork ($32)⑥ 鴨舌拼海蜇 Duck Tongue with Jelly Fish ($58)⑦ (特) 蟹子乾蒸燒賣皇 Steamed Pork Dumplings with Sabah Shrimp ($37)⑧ 鮑汁扣鳳爪 Steamed Chicken Feet in Abalone Sauce ($38)⑨ 南洋海鮮炒米百吃不厭家鄉咸水角：餡有豬肉碎、蝦米、冬菇、沙葛，咬落較油膩, 唔香脆。笋尖原隻鮮蝦餃：蝦餃睇落幾靚仔，可是餃皮比較厚，裡面有新鮮整隻大蝦，算爽口。姬松茸遼參粉果：粉果皮超薄，睇到裡面所有餡料，好多菌裡，要小心夾，因為太薄好易夾爛；味道好清，菌類味都幾重，好食嘅。古法蒸金錢肚：幾大件肚，下面都幾油，幾淋身唔韌，但只屬普通。蜜汁叉燒腸：腸粉皮都算薄但冇米香冇乜味，全靠叉燒本身嘅甜味搭夠。鴨舌拼海蜇：只有８隻鴨舌及數大條海蜇，真係少得可憐；海蜇厚身爽脆彈牙，好食；鴨舌同事話一般。:)蟹子乾蒸燒賣皇：燒賣頂有一點點蟹子，食落味唔重，香菇唔錯，肉質結實鮮甜。鮑汁扣鳳爪：鮑汁幾香濃、只有數隻鳳爪，都算飽滿質感淋滑，有大量花生，唔淋爽脆！南洋海鮮炒米：其實即係星洲炒米，不過就多左海蝦，蝦好新鮮又大隻彈牙，更估唔到一碟會有咁多隻蝦添，炒米都好乾身，一Ｄ都唔油，好食！！…Read More

來領團購乳豬, 順便來喝早茶.看到可以點鳥籠, 以前曾在另一集團吃過, 感覺不錯, 也想嚐嚐這店的.       按慣例, 上層蒸點心, 下層為炸物.點心用料名貴:-金箔蝦餃 - 在蝦餃外皮點了一小丁金箔, 蝦彈牙, 個了不小, 但沒有味道鮑魚燒賣 - 最名貴但又是最失望的, 鮑魚五角大小, 燒賣肉很鬆, 感覺一般遼蔘珍菌粉果 - 珍菌很惹味, 加了爽口的筍與軟軟的外皮反差很大, 也最讚的  千絲蘿白餅 - 外皮酥脆, 不油, 蘿白成絲, 多汁, 很清甜, 鮑魚雞粒酥 - 不看餐牌也不知為何物, 不提也可燕窩奶皇煎堆 - 奶皇香甜, 吃到一丁點燕窩, 煎堆也炸得剛好, 顏色對, 外皮的芝麻增香味樂在鳥籠, 可能我在置身籠外!!…Read More