影片
港铁荃湾西站 D 出口, 步行约6分钟
继续阅读
开饭介绍
「陶源酒家(鲍鱼专门店)」的成立，始于2002，杨生觉得鲍鱼不单只是中产人仕享用的。为了吸引普罗大众前来品尝，故此在观塘区开设第一间鲍鱼专门店，其品牌的标志亦标榜著鲍鱼形状。
继续阅读
营业时间
星期一至日
08:00 - 00:00
以上资料只供参考，请与餐厅确认详情
一餐晚饭食到一肚气，揾人落order 完全无人理，根本唔够人做野，落左order个十九经理应都唔应，唔会答一句ok定唔ok,𩠌又迟上😡😡😡，超不知所谓，永远唔再帮衬
继续阅读
今晚约咗4个同事一齐晚饭，事关公司之前cancel 咗中秋节餐晚饭，但又已经俾咗500 蚊订金，无谓浪费，所以老总益我哋俾咗呛500蚊我哋去自己再补钱食返餐。5点半准时收工，6点已经到达酒楼。星期一嘅夜晚水静鹅飞，全场得我哋一枱客，我哋坐正喺大厅中间好似包场咁，哈哈哈！先睇下个menu......发现价钱都几贵，又无乜选择！不过，我好快就睇中咗个炖汤，跟住太难拣嘅关系，我哋要用差唔多30 mins 先决定到叫乜其他𩠌。期间同我哋相熟嘅经理又递咗个新menu 过嚟，不过都系唔多啱，因为大部份系大闸蟹，同事个个怕胆固醇，所以都系叫返小菜好d。石斛虫草花炖鹧鸪个汤好足料，有原只鹧鸪，瘦肉、鸡脚、虫草花、圆肉，好清甜！汤嘅份量都唔少，一盅可以分到6碗！汤渣都有一大碟，虽然系汤渣，但点少少豉油食已经好好味。一哥靓叉烧点解要叫一哥呢？？乜一哥唔系大家乐咩？？哈哈哈~真系唔知，净系知呢度d叉烧确系唔错！肥瘦适中，叉烧d烧得焦香带点麦芽甜味，肉入口又唔会太过软腍。因为同事都觉得好味，谂住放工行过可以斩下料返屋企食，点知问咗经理，原来外卖都只系得例牌108蚊，无得断斤买，所以大家都立即放弃呢个谂法！姬松茸辽参豆腐煲味道中规中矩无乜特别，姬松茸同辽参都好似好矜贵咁，但份量都算几多，豆腐就有6大件，我哋5个人都够食。榆耳百合浸豌豆苗榆耳有健脾养颜，滋阴补肾，含有帮助吸收天然食物嘅植物性胶质，有润肤同抗衰老嘅功效。至于豌豆苗，佢同我地平时食果种荷兰豆豆苗有d唔同，有人叫佢蝴蝶苗，因为顶头两片小叶似蝴蝶。有人叫佢翡翠苗，因为佢色泽翠绿。豌豆苗营养都好丰富，含有多种人体必需嘅氨基酸。但有人会觉得佢有阵草青味唔钟意食，不过我又几钟意呢种味道独特嘅菜。古法蒸海斑件其实我对鱼麻麻地，唔系样样鱼都食！但大多数系酒楼蒸嘅鱼我都会食，唔系因为条鱼本身，而系因为d豉油。不过今次呢个豉油唔太香，吸引唔到我食多件鱼，反而垫底系果d金菇同云耳就几好味。蒸红枣糕呢个系经理送嘅，同事以为呢个红枣糕系冻食嘅，但其实我哋之前Annual dinner 都有食过，佢上台果阵仲系暖既。糕本身带有红枣香味，又唔太甜，都唔错。
继续阅读
星期日就梗系同屋企人饮吓茶倾吓计，一盅两件啦！今日就试试荃湾如心广场嘅陶源酒家。我地一家七口，因为book 咗枱所以唔驶等。环境算唔错，但人手不足，冷气又唔多够。我地今次以食点心为主我地七人食得唔多，连加一食咗$520，价钱算中上
继续阅读
热带风暴「洛克」袭港,虽然天文台悬挂1号戒备讯号,但无损我们寻找美食的雅兴.今天选择了如心广场内的”陶园酒家”,作为享用晚膳的地方.”陶园酒家”位于荃湾如心广场3楼,经过两重扶手电梯,寻找商埸的指示路标,好不容易才抵达.酒家的门面装饰富丽堂皇, 墙上贴满获奖的相片,配合倘大的鱼缸墙上,使酒家的气派生色不少.我们在门外等了一会,便有待应带领入座.刚坐下不久,待应便不断推介”黄金蟹鲍鱼餐”,称每日限量供应廿份.比较其他单选菜色,相比下较为抵食,最后便拣选了它.”黄金蟹鲍鱼餐”第一道菜色是”黄油蟹粉小笼包”,薄薄的皮包裹著鲜肉,点上醋汁后进食,口感不错.“原只鲍鱼件金柚鲍鱼伴随酱汁,味道较浓.幸好金柚和菜蔬的味道相对清淡,中和了鲍鱼浓味的感觉.“金汤小米烩辽参”,放有菇粒和辽参,汤味颇浓.于添加胡椒粉前后饮用,可尝到汤的不同味道.“极品黄油蟹”蟹身不大,穿上胶手套,利用剪刀把蟹续一拆开.只有蟹钳有多一点肉,鲜味十足;蟹盖分布的蟹榚不多,有少许肥腻的感觉.“黑鱼子煎鱼扒”鱼扒和面条配合酱汁进食,味道一般.“黄金蟹皇炒饭” 饭身干爽不油腻,碎瓜粒和肉粒配合得宜,味道和口感不错.“蛋白杏仁茶”茶温保持热腾腾,打开盖时看见有轻飘.清润且甜度适中.“鲜果荟萃”的菠萝和西瓜,未知是否“蛋白杏仁茶”,掩盖了味蕾的触觉,竟尝不到水果鲜甜的味道.整体来说,各式各样的食物的味道不错,待应招待有礼,用心推介优惠,值得一赞!”黄金蟹鲍鱼餐”买一送一推广,优惠至2017年9月15日.,
继续阅读
今日好耐冇去过陶源饮茶，所以今日就去试吓饮茶食点心。今日星期日，人流都唔系好多，所以唔使点等位。叫咗个龙虾伊面，系芝士伊面嚟嘅。味道都唔错，芝士味好浓。而且龙虾亦都唔算少，适中。不过龙虾肉就冇乜，脚就好多。叉烧，叉烧好肥美同肉厚。而且肉质嫩滑，味道都唔错。鲍汁凤爪，非常之入味，好重鲍汁味。紫薯西米布甸，侍应话啱啱出炉所以就试吓。但系点知一啲都唔热，仲冻冰冰，不过味道唔错，紫薯味好重同好浓，甜甜地。
继续阅读