陳記自家製豆腐花美食店

营业中

休息中

門面唔太起眼嘅隱世小食店。 無論係落單過程，食物製作，服務埋單等等，所有嘢都好人性化。 而人性化，亦包括隨著忙碌程度而有起伏。 但整體上係良好嘅，係一間值得支持嘅小店。豆花有黃豆同黑豆，兩者各有優點。 黃豆豆花比較滑，亦夠豆味。 而黑豆花其他地方比較少見，亦多一層黑豆嘅味道。 薑糖水本身已經幾夠味，隨喜好略略加黃糖已經好夠。豆漿亦有分黃豆黑豆，有糖同無糖。 黃豆漿微微帶炒過豆嘅焦香味。而黑豆漿亦都唔錯。自家製餃子有韭菜、白菜或者粟米。 未至於超大隻，但尚算飽滿。 湯底用冬瓜水，味道唔錯。另外，仲有蘿蔔糕同各色港式小食。 蘿蔔糕夠蘿蔔味，唔會變咗食成一舊沾米粉。 牛筋丸同粉果亦都好食。

樓下間小食店係小食救星！韭菜湯餃爆肉汁每一次都係我必食！燒賣彈過乒乓波，我個仔超鍾意食～仲有咖喱蘿蔔，燜到好入味，抵食到阿媽都拍手掌👏🏻🌟 最緊要佢哋嘅豆漿，每日都係新鮮整㗎！尤其係黑豆一定要試

今日去咗做街坊生意既旺角隱世小食店。所有食物性價比極高。💜香滑腸粉$14 4條+燒賣$10 6粒（⭐️⭐️⭐️⭐️⭐️/5）腸粉好滑，口感滑溜，加埋甜醬同麻醬，係人間極品。燒賣一d都唔粉，口感軟糯，味道可口。💜雙拼水餃（大$41 8粒）（小$35 6粒）（⭐️⭐️⭐️⭐️⭐️/5）試了白菜豬肉、韭菜豬肉、粟米豬肉，外皮唔厚，餡料十足，每隻都大大粒。我最鍾意招牌白菜豬肉味，係咁凍天氣食，特別好食，食完水餃可以飲埋啲湯，沒有味精，全身暖笠笠。💜黑豆豆腐花$15 （⭐️⭐️⭐️⭐️⭐️/5）黑豆豆腐花比較少見，但黑豆非常健康，可以補血補腎。豆腐花都係一個招牌，口感順滑，本身已經有糖水，夠哂甜，可以唔使再加糖。🍴整體評價：✅性價比高✅食物份量足✅支持小店❌人手唔夠，食物可能要等耐少少

成日經過都冇試過，今日好想食餃子就入去試吓，食左第一啖覺得好味喎，皮薄👍🏻餡料唔可以話好多，但個味道岩岩好👍🏻再配埋豬骨湯，平時去食餃子，我通常唔食個邊皮，因為我覺得好厚，但哩個我食曬，係全部食曬🤣🤣店舖一個人做野，不停都有人入嚟食野，不過好多小食豆腐花都整定，所以一個人都夠做👍🏻餃子就等8-10分鐘

〰️小店經營，唔少老一輩黎食。亦有唔少港式小食，腸粉、燒賣、咖哩魚蛋等，外賣單源源不絕。午飯時段不少打工仔買外賣。好在價格較實惠，如果在附近經過，不妨夏天黎碗凍豆腐花～〰️黑豆豆腐花(熱）$14評分: 2/5黑色豆腐花看似新奇，食落黑豆豆味重，豆腥味較出。堂食碗都較細，嚐鮮一次就好～加上地理位置唔太方便，唔會再encore〰️

事前已預算大堆頭小食當成午餐，既然太過濕星，知道夥計遮遮要兼做廚工無時停，所以「自製手機下單」——在手機備忘錄打下：腸粉、咖喱魚蛋4粒辣、黑豆漿一支凍、豆腐花凍、熱黑豆腐花、招牌水餃麵8隻遞給夥計看，自己又有紀錄不會錯漏。代表作必定是黑豆、黄豆豆腐花。豆香、質感同去行山吃的山水豆腐花無異，入口即化，糖水不甜到灼喉，半匙紅糖夠吊味。是日黃豆豆腐花有點煙薰味，似是有點黐底，但論豆味比黑豆反而稍濃，黑豆漿同樣。水餃麵的餡料有點鬆散，勝在自製沒加味精。腸粉幼身、夠汁；咖喱魚蛋港式微辣⋯⋯食物並非十分出彩，坐位亦非特別舒適，都是小時去街市買小食那種風味，不屬齒頰留香，就是付少錢滿足饞嘴的感覺。埋單剛好111，二人食，已飽。

店鋪位置非常容易搵，中午2點到，唔洗等位/店內大概有6張檯，座位間隔合適，店面雖小，但坐得舒適/服務態度非常好，一入黎就有人打招呼，落完單好快（等咗唔到5分鐘）就上齊嘢食，啱曬趕時間嘅人食/一個人嗌咗一碗白豆腐花（超級推薦），腸粉，燒賣，牛肉球。一共$49。個人非常推薦豆腐花，仲可以試黑豆豆腐花。其他嘢食味道不過不失，未去到非常好食。整體份量一個人食夠飽。/感覺係一個充滿人情味嘅小店，環境、食物、服務都好樸實。

呢間豆腐花舖喺梭椏道都好多年啦其實我認識佢係我細個嘅時候個伯伯會踩住架單車喺界限街叫賣 然後聽到佢叫豆腐花我哋就會興奮地拎個湯碗落街買後來冇再見到佢架單車 原來佢轉左入舖係窩打老道街尾 之後再喺街尾搬咗去梭椏道所以講真食佢真係食回憶佢嘅豆腐花唔算超滑但係真係好有豆味真係同以前一樣👍🏼宜家好多連鎖豆品店 啲豆花無豆味架囉 真係唔知食緊乜 或者我已經食慣咗阿伯嘅豆花 比佢寵壞了我的味蕾 哈哈以前就剩係得黃豆嘅而家黑豆黃豆我都覺得好好味😋

YUM yum yum! Was so good! Had a nice deep flavour. Also had the cheung fun which was delicious. There was a sign on the wall for sticky rice dumplings that looked good. Will definitely be back for those and a bottle of soy bean milk. The lady that was serving was lovely. Thank you!

陳記專做街坊生意，就算只係叫燒賣、腸粉，幾蚊小食都唔介意你坐低堂食，成日經過都會食碗凍黑豆花過口癮！ 佢地既蛋黃糉同糯米糍都好高水準，好多時黃昏時分已經賣晒架喇。今日想食個飽肚下午茶，所以點左佢地既手包粟米水餃。佢地全部水餃都係人手包，粒粒都半隻手掌咁大，粟米/ 韮菜/ 白菜（招牌）各有特色，加埋自家清湯底好夾架。 有時遇著屋企打邊爐，一定要買生料水餃返去加料，正呀！🤤

陳記老闆由車仔檔，然後開咗間鋪頭仔，細細個食到大。依家由佢個女幫手睇鋪多，間唔時都會見到陳記落鋪頭幫手。豆腐花當然係佢哋嘅主打美食。滑得泥又香另外而家都加咗好多小食喺餐牌上面。腸粉，不過不失。水餃就一般了，雖然寫住係自家製，但係湯底就太多味精，有得買生水餃的，但係我未試過。小食來講，我最常買既會係咖喱魚蛋，同埋黑椒牛丸。兩個都係大大粒，幾野味仲有啊，最鍾意就係佢有無糖黑豆漿！健康得來，又飲到係新鮮磨嘅豆漿鋪面來講，小食店，都唔係sell舒服嫁喇。所以我多數都係外賣自取，都唔使等太耐既～有咩要求，多醬呀個啲都無問題，街坊生意，有人情味～～

十多年前住何文田經常買陳伯豆腐花，搬離己久，前日經過，吃了腸粉燒賣牛肉球牛丸蘿蔔豬皮，再加經典黃豆豆腐花，才58元，仲覺未吃夠，未試糉。今日特登再過來吃，好快食完腸粉和蛋黃咸肉糉，再加多碗豆腐花，見到正在包的餃子，唸住打包。我中意間鋪面簡單干凈，價錢合理，食物新鮮，消費十元八块可以隨便坐低食，寸金尺土的香港己好難得。

下午先返工，但又未肚餓，食小小野打下底先，之前行過發現到呢間野但未有幫親，今次試了豆腐花同腸粉。豆腐花好得，又滑又有豆味。腸粉沒什麼特別，正正常常咁相信其他豆製品都會好得

今日下午我們去咗何文田梭椏道嘅「陳記自家製豆腐花美食店」食下午茶！我們叫咗香滑腸粉都幾軟滑，但份量就比較少！咖哩魚蛋應該係經過長時間嘅烹煮著，所以發漲晒，咬落去好似食緊粒綿花糖咁，完全唔爽口彈牙！豬皮蘿蔔嘅豬皮亦都係極之腍身同非常薄身，一啲都唔爽滑彈牙，而且仲有「浸」漂白水怪味，而蘿蔔就都算清甜入味！馳名黃豆豆腐花同補血黑豆豆腐花就非常香甜滑溜！黑豆漿嘅豆味都幾香濃！紫米蛋黃鹹肉糭同紫米鹼水糭嘅質感都幾煙煙韌韌，而且都算足料！

見到以下呢幅相，有沒有令你們想起兒時的回憶呢？由舊舖光顧到新舖，食物依然好味。每次到這地方，一定會叫黑豆腐花的，好綿滑，也不太甜，適合keep fit 的女士。記得某一次嘗試了辣豬皮蘿蔔，幾乎每次去都會叫的。粉果，內裡好豐富，食到大粒既沙葛，仲有蝦米，落少少辣椒油仲正呀！其實還有很多好味的食品的。好味的食品，千萬不要失傳！也讓我們繼續尋找和保留著童年時的回憶，味道和快樂！